Yohanes Se Bo Halafo Ta Hasisop Na ¹ Tane taga mali pusa. Jou Yesus Ni mamauting ² tai nu mali bukca lolona Nabi Yesaya i nem ta hayeit riri smat tar tuba mali laling. Ca bo hapepeya i Maleakhi 3:1. ³ ya longga smat ta dololau mali padang belantara bo hapepeya laling ta jou Yesus en deloica hare laling ta namolang ca Yesaya 40:3. ⁴ Yohanes en sisop smat na mali padang belantara bo habiga abar ta molang na hare sisop sibo ri dosa na em yangis. ⁵ Gabe harumi smat ta en mali yudea na here harumi smat ta mali Yerusalem. Er lafo mali Yohanis i bo sisop si mali wayata ngasnyo Yordan ca bo it mauna topas ri dosa-dosa na. ⁶ Yonaes in pake unta ca ni utana hare pitna lali nyaoca puca na anna kasiso hare mis-mis ailolo. ⁷ Yohanes e mauting hare nu laitane ya kuwa meu smat tisa tabo lafo tane i lebe mamagal mali yai, ya kuwa meu tane ahaita ibo nuwa meu tane. ⁸ ya sisop meu tane mali waya tae ta smat ta bo sisop, meu cia ta mesamul tae ita mamaga mali yai. Yohanes ensisop jou ca ⁹ Gabe en dadi na mali wol re wol na, Jou Yesus en lafo mali Nazaret batang ta nganyo Galilea bo sisop mali waya ta nganyo Yordan. ¹⁰ Gabe tina en capang mali waya ca, Jou Yesus nem Nais langitca gabe langitca en marapau. ¹¹ Yohanes inlonga mau-mauting isa mali mumuang lolona. Ta inpoina mali awina hatutiyai hare haolang." setan Ca Tohang Jou Yesus ¹² Gabe tina roh ca nut Jou Yesus mali padang belantara . ¹³ I mali padang belantara nim nuwona wol yafafat gabe iblis ca nut Jou Yesus, ai wani-ai wanina ta mararana si mali malaikat ta sire ina Jou Yesus hanye Jou lahatala ni hahatnewena . mali pnu ta ngasyo Galilea ca ¹⁴ Tinana Yohanes er bui, Jou Yesus han mali gagau isa ta nganyo Galilea bo habingasi re dodoto hare hatnau. ¹⁵ I hautan faolang jou halatala ni mamauting. Na hare hahatnau na bo mati peinato hare emdelato bo hanye in mauting na. Jou Yesus se fisang wawai sifis laha ¹⁶ Gabe Jou Yesus imali waya ca lapona mali Galilea i nem Simon ire Andreas er hatenou na. Taga bo han bo topa labang na mali waya ca gabe si halabang iyan. ¹⁷ Jou Yesus nuwasi ef dereraya meu osane endadi nimeu deldelo hawa. ¹⁸ Simon ire Andreas er han doe rilabang na hare derara Jou Yesus. ¹⁹ Manana Jou Yesus han mali pnu Isa tanalaspa i nem smat sitol Isa nganyo Yakobus isa nganyo Zebedeus hare Yohanes er hatenou na. Jou Yesus endumisi mali pelang ese si hapepeya riri labang ca. ²⁰ Jou Yesus nololau si hare si hateam efmarica ire Zebedeus mali pelang ca bo hatowal-hatowal hare palas ebo herfan derara Jou Yesus. Jou Yesus haloing ta inuna ²¹ Gabe si erlafo mali Kapernau er fafolfollasi, Jou Yesus cung mali. ²² Gabe si garayan hare er longga au na, ya kuwauna au mdelayapa gabe in ni kawasa mamagal na sama re silpa. ²³ Wol pusa cana in han mali Sinagoge, smat tamanca ibilis ca cungi gabe gigam be. ²⁴ Pesa ga ahaita bo muwaamna ise au Jou Yesus enlafo mali Nazaret bo habingasi amam ekto au ise au bom hanye jou lahatala ni hatnauwe re dodoto. ²⁵ Jou Yesus en gigmo i bo capang mali smat tae. ²⁶ Gabe smat ca ni mayaina bo capang hare haguge i taga gigam na hacicowal bo ibilis ca capang mali ni badang ca. ²⁷ Gabe si garayan na er hautan nali re mali i nu ta fatfato tane polae pare empa. Gabe m’habiga roh-roh ta mayaina bo derera Jou Yesus. ²⁸ I nu abar na hatowal bo habiga. Manca ta mamagal. Manca-manca denabe lavo mali gagau Galilea. Simon ohmoca ta mapingica sire smat talal na er mafia dumi ²⁹ Jou Yesus ire ni wawaina er hateam Sinagoge ta cung mali Simon ire Andreas hare Yakobus ire Yohanis riri ebai ca. ³⁰ Simon ef momca namtulina. Nowil gabe si habiga ni abar mali Jou Yesus. ³¹ Jou Yesus en han lali bo natila kakamona taga engali bo kosal ya kowil na empanto gabe maping ca engali si. ³² doram ca smat na dut Jou Yesus lali ta smat ta dowil hare ibilis-ibilis ta cung smat nana. ³³ Gabe harumi smat ta mali epnucana er fayalosi mali ebai ca ni bawasapngona. ³⁴ Jou Yesus han lalau smat ta doil na hare ta panyaket na hare haungo setan tamanana smat ta nungoi. Jou Yesus en dor suba na nais Jou lahatala i, hare en hanye Jou lahatala tanuwaina ³⁵ Dodoram isube Jou Yesus en paling eto ega en han lali gagau isa ta namninca i lali en dor suba nais jou lahatala i. ³⁶ Manana Simon ire smat ta dalalna si nungoi Jou Yesus. ³⁷ Au smat na sinungo au, Au mu harumi smatna ernungo au. ³⁸ Jou Yesus nuwa ni deldelona meu mali bo han nali pnu ta dahlena. Bo sobobita mali smat ta manana ta er lafona. ³⁹ Gabe tina Jou Yesus enfan enyel pnu ta nganyo Galilea. I hanye Jou lahatala Ni hatnauna gabe enlafo mali ebai ta nganyo Sinagoge bo haunggo setan na. Smat tapado ca. En mafia ⁴⁰ Smat tan oil ca ilali Jou Yesus bo en cubai hare nuwai Jou Yesus gabe ya dor mali au bo hamafi ya. ⁴¹ Jou Yesus en langge kakamona taga nuwa si bo mafia to. ⁴² lafo manana smat ta nowil ca nowil panto. ⁴³ Manana Jou Yesus nuwai smat ta noil ca en capang bo haemmau. ⁴⁴ Jou Yesus smat ta nowil ca han bo haemmau mali kolano ca hare pei nim sedeka ta mowil pantona manana Musa i nu ahai ta inuwameuna. ⁴⁵ Smat ta nowil tamanana ica habiga mana-mana Jou Yesus en longa smat tananai ca tafafabinga ca mana i bo han lalina gogoganbe manana smat na er longa Jou Yesus gagaona ta tetemona smat na silaliga er nungo i.