¹ Honinfe no diail bar na i esah na umang na iri utanut, illuling med napang uno sama napano med iri utarain fede i ara kufa' toh Lahtal om mi. ² Na Euodia me Sintikhe na u bang ho iom nu, Lahtal om mi. ³ no' nauibang med diail bar tenangel bar araham ukarang fa obtumokbar tofang araham fedek supi karasang ma naraham injil, e araham, med Klemes e odialbar ara karasang ham-ham sopi ani di hul sura Fetang om mi. ⁴ Bad herang Lahtal om mi, nafoil ubang, bad herang. ⁵ Hominesa om bolang amone ho name tofang ahul Lahtal ara abung. ⁶ Haai nanun ho utanut bi' e'. Honin fe na oba om upir eh ho, med Lahtal fe ara mateng. a, o me puin, bad herang fe puin. ⁷ Lahtal o' il luling ba nanun hoemofa ho ara, otanut mi ara ari ubuang Lahtal om fe mi Yesus Kristus om mi. ⁸ O amijmi no diail bartofang, na'oba abul, na oba name utarain, na oba mulang, na oba name tofang apa no' barpi ho i, utanut am, fe. ⁹ Nabafe, usakolah am, naba fe, malh naba napanen, dun ahol horoi alol panun honin esa Lahtaql, o ham med. I en Lahtal il luling o asel ara ina sobanpi. ¹⁰ Na bad herang Lahtal om mi, fede o amijini i tanut fed med narita meng, i itanut med nari tameng eh sobo , o sol il day. ¹¹ Na naho u iramaul na e kurang bo' om mi nene, fede na ahol. ¹² Na ba horo kukang bo' honin. naba horo, niliheng naban. Naba ara nofetang mi. Banpi ho Lahtal o berkat, Paulus ubang ho naba horo kurang bo'. Naba horo hil maliling, seng, ara, seng aay. Ina okarasang obaleta ho a no' lamekufa fe puin. Fede i no' panen naraham honine tarofe pahem ho pi utedalam. ¹³ Na na tofang panen sari fe alai fedek kufak ho sa med ten. ¹⁴ Honim fe na no' panen inu u abaang med nari di nara ham. ¹⁵ Fe'de, no' panen naraham ho nine, tarofe pahemho pi utedalam. ¹⁶ Na dai aramong Tesalonika bang mi, i nari ukarang i baleta ohir opa i tahou nen se masing. ¹⁷ Paulus ubang Ho nakaresang baleta na e untu lap nene. Soto na ubaleta ho o hir fena lap. ¹⁸ No' i tanut obung o pir na med am, na oba no' kurang bo' i ano an am i tahou med Epafroditus na o ba a med Lahtal en ho manen orupa horo o, tamuj. ¹⁹ Lahtal horo fe i nang tofang anak an med i kafait tofang ho Yesus Kristus om mi. ²⁰ Ada ahol med pimang Lahtal araham fedhok mi sam so em. soatino'. ²¹ Illuling no' ham bit mong name bolang araham Yesus Kristus om mi, illuling med diail bar tenang el bar o u dume med taraham so barpi. ²² Name no' tofng om bolang ho illuling tahou med en, o mita med name ba karasang o balita panen mong istana Kaisar mi. ²³ Haltafoil mong Lahtal Yesus Kristus Roh bolang mi ho'. soatino'.