¹ Mong paulus e timotius ho Yesus Kristus ho obaleta ukarasang med name bolang araham ba mong filipi mi. ² Hal tafoil ukarang esah a noknu med Lahtal pimang med Tuhan Yesus Kristus taritalil. NOM SENANG NAPANG SO MI NO U LOFE UID MED NAME TOFANG BANG PALIK PILIPI HOMI. ³ Na nom mi bad med no Lahtal araham tareng tanaap iri umang. ⁴ na irri ulofe u id med name tofang araham napa nok. ⁵ honi e pi karasang ham ham mateng fetang ubang sil a ainang sam ho' mi. ⁶ Na u dume fedik sakarasng baleta no' med i'raham, sang su anok abul sam Yesus Kristus o hair. ⁷ Noam honin e na ukuru med iraham nom ho'mi, no' ho ara ham na hukung bang mi em ho araham ho den bel ukufa med mateng fetang no' iri ho orupa mang fedik niraham Lahtal o hal tafoil om mi. ⁸ Lahtal ta' ahol honiu e na iri umang Yeus Kristus om ini. ⁹ na hokro ulof u aome honin esa ukang esah mang ufa tofang. ¹⁰ Honim e i alek taroro mi' no'. Honin e o bok ho kaai lamang med Kristus o hair araham. ¹¹ Honin e tipir abul bolang Yesus Kristus mi ho' honin e pi Lahtal ani u tarain. SAH KARANG PAULUS ARAHAM SO BO MATENG NO' MANG UTA TOFANG ¹² Diail bar tenagel bar na nom ho i ahol na baso naraham sobo mateng fetang no' mang utatofang. ¹³ Honin barpi soldaj bang buang, name so barpi ahol na hukum bang mi Kristus e araham. ¹⁴ Honin sobo diailbar tofang u dume u ukufak Lahtal o mateng Fetang ubang haai baroit. ¹⁵ Atinok, name tofang Kristus omatengbit omkurang med saraham sobo den otanut no'. ¹⁶ name ba o tanut nok napanen ho ukarang fedek sopi ahol ho na hokmi ho utetel, mateng no'. ¹⁷ so bo name ba o tanut sah, sopi panen ho tanut lafining mate lap solo tanut, eta nut kalai lamang nene obo sah karang fe panen nara ham ho araham na hukungbangmi. ¹⁸ ho min e naba panen? asala mang taroani, tanut no' em aba aba em tanut no' Kristus u huk tang, ho nine napa no; sam so napa no'eh. ¹⁹ Homin e na ahol ho niaome pak ho tulung muling Roh Yesus Kristus, naba horo panen naraham honin e na no' illuling. ²⁰ Na udume honin e nahaai mala e osabo mi honin hee e na Kristus o kufak puin ani u traain min fetang um mi. ²¹ fe'de nari ho fetang asel ho Kristus med min horo no'bi. ²² Honin sobo nafetang nobo' honi, na oleh ho na karasang opir ara, honin e na u alek, na e ahol nene. ²³ Na naatang me naalo alik honi. No tanut ho fetang Kristus abung, fekdek sari ho mi no'. ²⁴ Honin sobo iri ho, mi no' bi' Fetang pibo honi. ²⁵ Honin e u dume, na irami sobarpi napang so mi no' udume om mi. ²⁶ Honin e na nabor ho' a bungmi, honin fe na Yesus Kristus ani utarain ho manguta. BARPI TOMNU HONIN E U KUFAK ²⁷ Honin hoe pi fetang lap ho mateng no' horo ba Injil Kristus honin e na ho abung fe mi, em e ho' nene honin e na maeh i kufak toh roh bolang om ni, tanut nu, ukufak puin injil ubaleta ham ham. ²⁸ Name ariing tofang so bo iri ho haai baroit-baroit e, fedek sari ho tafak tabite o asala mng, honin sobo na o no' ho pi med Lahtal so ten. ²⁹ fedik Kristus so huk no' karunia med ten pi otino' ubang ara ham, honin so bo pi maar mahip alai sari ho e araham. ³⁰ honin horo ba so pi tofang ara ham ho u a ome tofang-tofang so pi ahol na alaiam honi, honin horo so pi mari he e nari ta muj am.