¹ Mong Yudas, Yesus Kristus o baleta Yakobus o di ail, med sipi oba Omang Lahtal sona u'elet esah u'karang, Yesus Kristus Om mi gariang ho' ereeng. ² Esah, u'karang, tomnu tahnu no'ham tovang luung ara iri ta. LAHTAL UIL-UIL NAME AHAL PANEN HO HUKUNG ³ Tenang el bar ba ukarang, na nom dume-dume puin nahul med ien, ongo il'luling ham pi med, na u alepang he'e, na so nahul ien, puin ibang honi e i atitino' udume no uititing utansai'na foil u ira mateng minuta, atino panen piri ba name bolang nun he. ⁴ Asel, name den tafuning-tafuning ma, bo pi e ahol nene sipi ba mong tur tama name hukung o namenun ba udume haai ba ongo Lahtal O hal tafoil. panen puin na omuma ba doch sah horo ereeng, horo ei soba Lahtal Ai Yesus Kristus solo nanun ho u aneng sipi uhut apain sah. ⁵ Nom, i au masiki iri horo nanun ho ahol barpi bite ' Lahtal il'luling med nen, med Mesir bang mi ira ma hel, sobo sa amine, sipi ba E O Tino bit nene ho. ⁶ Med, Malaikat-malaikat ba e ei maeh ataain nene ong olang aramate ho alai, mamg fekde eleme elafeng ho elet, sa hei naol soem fe puin apec med pong napa ba mi pana bi ho no mi med mong Yesus o sel mate hu e dasing ap emeng. ⁷ Sodom e Gomora di ba orupa honin, med bang lelang oi nu ba eden efalo hodi ba fetang. ba samod saratarfe utanut panen o no'ham lap med tanut osah ba labui laete ba o muij mi he'e hukung afai so em fe ahol. horo opapain. ⁸ Name nu hodi ba orupa honin, sa apail faleng ano' na'tino safah sahir ano' kome, na o'itino, no uhut, med na o lel madal ho u eng el. ⁹ Malaikat o lamuil leabel, Mikhael horo he'e Musa o bein ho setang ara u tasurang, sa epa sah med setang o eng el nene asel sa baroch horo he'e samang ubang ho, "dane'ta hee Lahtal so e'riing!" ¹⁰ Honin sobo, name kalufe karang ho, na osah ba sa se'hol nene horo panen eh, o ba sipi ahol so tanut fe ataain orupa binangta honi. na airnu ho o oro foil sipi anok sah. ¹¹ Sipi uil tabang am! asel se sah ba Kain lol horo sipi foil lol, med ahal mate Bileam panen am horo, sipi foil atetel orupa Korah honin. ¹² Sipi ho mang fekde kome karo puin o baleta osah ukarang ere'eng, ba o ara oping mi naade maro ho e u baroch nene, sobobom sari u karang. sipi ho orupa laufe bo noi e ara tuhuil nene, ba hamoi apu arafa arama. sipi o orupa tibo bo e hil nene, minso mi alo, med o tarubing nun sari fet. ¹³ Sipi ho mang fekde boh hamoi mate honi ba sobobom so kamuke o ateta, sipi hodi orupa ihing burang ta honi, ba mang tanai teeng lame so sel o alam pana arian so em. ¹⁴ Name ho oro ei ereeng horo ba Henokh, Adam o totuh o mi itito, u'bang am bite, "Edun, Sa ara So name rib rat ara ham-ham ma eh, ¹⁵ Honin hu timba panen dasing ap med namenok; pali mate ho name sah doch hal ho puin hukung, mang fekde naba fe sipi panen, aten ba sah, mateng mi tanut mi med Lahtal araham." ¹⁶ Sipi horo ba saher sabob karang, name o ahal lap karang, med fetang panen ei apano fe ata'ain, sipi at mate name doch ba orupa oraen med. FOM PAHANG TANO NA UMA ¹⁷ Tenang el bar bana ukarang, naba fe Lahtal Yesus Kristus, at afu ubang am ho uma ma. ¹⁸ Sipi iramateng am, "sam samang ho o muij mi, he name ba te bit teng el tahu sahkarang so labui kak fe ata'ain name osah ho mang tofang ta." ¹⁹ Sipi horo na asahain aribahite, labui pali mate ei fe ataain, med Roh e sipi ara nene. ²⁰ Honin sobo, iri, nok tenang elbar na ukarang, o bobom afah ahir ho ahome udume bolang ho atuhuin, a eng bolang ho mi a ome sei masing. ²¹ Lahtal o esah ukarang ho puin ari gariang, Yesus Kristus, So fe puin fetang so em ho lap. ²² Tom esah tameng med name o ba fom asaang ho anok dume, ²³ Il'luling panen med sipi ba ara mong afai om mi. esah ukarang panen name tofang araham, asel tanut nok fe puin. name tanut sah ba sa home sa o sah labuil ereeng ho el teeng. DAL ORANG MED LAHTAL EREENG ²⁴ Afoh atel med o aribuang eh ho ereeng, asel sari horo ba i e muij laher nene, emed sa arafa nalel madal ho lap fa he a esah kome nene sobo badherang fe ahol. ²⁵ Ada mahen med nu le'le ni Lahtal, esah ukarang o asel mong Yesus Kristus pi Lahtal, Na O nok, oham, olel madal, ona tino, o kufa ara, med tereeng ara tara med hoomi sam soem. So Atino.