¹ Rasul Paulus ho name nok den emed nene, name nok ai e alai nene, honin sobo Yesus Kristus alai ba pimang Lahtal sona anok fetang nene min tofang ho anai. ² Horo ri lefeai ail tenang el bar tofang bar iman ho barpi naraham ham med Jemaat-jemaat mong Galatia mi. ³ Esah u karang luil asal bad herang ho sa med. ⁴ Pimang Lahtal Yesus Kristus so sobok ho alorang med pi doc pi ahal ho araham honine e illuling nok ham ho ong sel sah karang om hok mi fe'de pimang Lahtal ei inung ataain. ⁵ Sari horofe mate lafining ho sam em so em. Atinok. ⁶ Nana hoir fe'de ih noang lelet honin sobo Kristus so buj nok pak balah horo eile pita bor Injil o atinok ubang. ⁷ Injil beng ho a ai honin sobo name pirnu alo so i nok kasafung fe'de supi ei inung ho Injil Kristus ho adi mang beng lol. ⁸ Haai ubang ho niri, malaikat horo tong sorga mihel mateng surak bolang om mi ho alahing ai tur mi nau bang am. Honife kutuk ho samed. ⁹ Dai eh honin he e na u bang am samfed hokdi naso ubang ano name nu sofoil hok surak bolang ho u ira mateng honin sobo oba mi med i e nam ho alahim nene aai he e kutuk samed. ¹⁰ Fed hok mi ho ma name nok ei inung nalap nene na Lahtal ei inung fe nalap? E me dai panen puin name nok fe anok senang? E honi sobo na panen puin name nok senang, ho he e nari ho e hamba Kristus nene. ¹¹ Di ailbar nom ho i ahol fe'de surak bolang ba nau bang eh ho e name nok e name nok ei panen nene. ¹² Na e name nok abung med nene na e name nok abung lap nene, sei lal Yesus Kristus so med nen. ¹³ No panen nok aten mong tur mi ho i ahol ma eh nari ho agama Yahudi Lahtal o jemaat ho na asarah na o sekbur lap amine a nok oh. ¹⁴ Nari ho agama Yahudi ho o name kufak mid ai ail bar beng alai ong bang palik hok mi nari ho bab bale o hada o da muhing ho nau gariang honinfe nari ho mi kufak. ¹⁵ Naba honi sobo Lahtal, nari asak dai mong nife om mi, horo ei lefe sa nolofe fe'de esah u karang ho dai ara eh ho sa u inung honife nao mateng ho nau bang, mong name ba e Yahudi o an ai ho mi ¹⁶ horo ei lefe Ai ho ara nom mi honin fe ma o mateng ho ubang mong name Yahudi nene ho o anai ho mi, honi sobo na name den abung fom pahang med nene. ¹⁷ Nari di e sam mong Yerusalem ho leam nene nari dai fek le ho supi e hok nahol nene honinfe, naso abul mong wilayah Arab mi nafoil nabor sam Damaskus mi. ¹⁸ Dai tun tou alai amfe, namong kota Yerusalem miKefas ahol na ara homi, tereng airnu faling i wihing. ¹⁹ Na ho mi sobo rasul-rasul nun hodi nae ahol nene, seilal Yakobus Tuhan o di ail horo na ahol. ²⁰ Nari ho na o nok ubang med Lahtal araham, honinfe naba fe nahullam ho na e aba nene. ²¹ Honi nak, na foil mong wilayah Siria med Kilikia. ²² Jemaat-jemaat Kristus ba mong Yudea mi ho supi e naho dai. ²³ Me seh seh supi maeh, ai horofe, "Turmi niri asara honin sobo fed ho, iman ho sa ubang honin sobo tur ho iman ho sa o sek burlap asahim." ²⁴ Supi Lahtal ari u tarain fe'de nari.