¹ Asel horo ei fe, Na ara sapiri mi, olel Lahtal, sa ititing ho nin e pi fetang mede pi lofe pa' ho arameng hee, sara tuhuil. ² Kaai lama, amone fe puin, tom tahang, e sah ukarang fe puin te ta tarofe tan. ³ Ola, atitino' fe puin hamoi bolang ho ano'nu, mongbad herang tapang no'fe puin pech. ⁴ Bo' nu,hamoi nu, mang fede' ho' araham sa i o lofe ma udume lofe pa' ho araham. ⁵ Lahtal ai nule udume nu, afoil nu le. ⁶ Lahtal; nu le, ba sano' omang, made pali' ho ta asel nanun sari mi ho' sari so nanun ho emota, nanun ho sari felolho, naernu ara sari fe om mi. ⁷ Hunin sobo, hal tavoi ba samed ten tarian ho, Kristus o ukarang fe nu' med tereeng. ⁸ Horo, e ba ubang eh, "Ho araham sa tong eleme lafining mi, name salang nun ho sa apuin, horo hee o no'oham mid en." Masmur 68:19 ⁹ Ho araham ubang, "Sa mid" Ho he ma' sari horo hel pong pali mate faai om ho lehelam? ¹⁰ Sari ba hel horo foil mid sam tong mi lafining bi, burang alai pali' mol ho emota. ¹¹ Sari horo nanun ho med Lahtal o at' afu' en, Lahtal o e'tang en, fompa' bolang bit o name en, nud o aneng en, om hul at petang en. ¹² Mede name bolang nun ho ara pech arian ongo o karesang baleta mi puin Kristus o bo' ho aten. ¹³ Sam pi barpiudume nu, e Lahtal nu ahol ho pi uil med honin fe piri name mate o rupa hu' nu puin Kristus tafoi mi abou. ¹⁴ Honin hee, piri ho mateng fede, ai kabar kari' ba bob adoi fa adoima honi mede hanoi sah mede name no' oladimang labor omhul sah okalufe. ¹⁵ Honin sobo, esah ukarang fe puin na o'bul ho ubang, nanun ho mi abou med ereeng sari horo lafung horo ba Kristus. ¹⁶ Mong sari temi bo' nun ho sari taping, fuung nu pech nu ham-ham ano nu, ongo tuey tarop arian lol. Mang fede barpi sarian karesang so selol, ho hee, bo' laman a bow horo hee, mang sobobom saten sahome esah ukarang fe mi. Fetang O'bul ba ara Kristus Om mi ¹⁷ Horo e fe, na i e maring, Lahtal fe mi ira mateng i aai fetang orupa mang fede name ba e o'tino ubang nene honi e, ba tanut daai fe puin fetang. ¹⁸ Sipi o tanut mang pane am mong Lahtal fetang elet asel sipi o kamuke ba ara om mi horo, om 'ah u adobe. ¹⁹ Sipi ho tanut pol mi kufa savah sahir med na o sah mi feu kome karok arnu horo pahen u makakang. ²⁰ Honin sobo sari tanu rupa hoo nin horo puin. Kristus u lalap. ²¹ Mang fede' naaernu i bang maeham, sari fe mi iri gurpel. Orupa ha o bul-bul ba ara Yesus om mi. ²² O fetang em obo sah ho feu, ho i fetang e ho i mede tanut sah fe ara puin ba ongo na o sah o kome asahain eh ho' tara kalufe. ²³ O tanut ho ano' habar hamoi bolang ara tuhuil. ²⁴ Honi e name no' habar fe med ong o Lahtal fe en aten ahome, abul-bul fetang bolang hir-hir fe mi. ²⁵ Honin fe kalufe sah ho fen, ano ma e pi tarian na o' bul ho puin pi beng ho ara mateng asel piri ho bo' nule e' tang bo' nule u toh. ²⁶ Ariing bo haai doch panen e. Haai ariing sam fed so u muij. ²⁷ Haai sel il mede setan en e. ²⁸ Name natau karang, sano' na e o mino' so hee sa satang puin karasang na o no'fe panen honin sa na med, dalam puin name beng di ereeng. ²⁹ At u bung e sa pa' sah at lol hel o pa no' fe puin hu' tang na'ano no' aten ahome pa' no fe puin, honin e sa name o ba alepang mach ho hal tahoi arita asel o mateng pa ho e. ³⁰ Haai Lahtal o hamoi bolang ano' afe' asel sari ho name med om ara haniram i ne am med sel il luling bolang o ereeng. ³¹ Naosah nun hoo feu; orupa, mahip maar, aer fahain, ariing fai, taburang tai' pa' ah, med nasah aernu, ho a mang elet. ³² Pimang a mone fe puin pi beng ahol dang, bala amone ara om mi, puin name u ampo, mang fede' Lahtal Yesus om mi iri u ampo am honi.