¹ turmi, i mim fedek sakarang doit panen ho e. ² o taroro sel ho araham ho i lame palik e' si' bar lolatain, penguasa kerajaan tong luling ham ho atain, roh bakarasang aai kakbar anai bo sopi fetang kabesar. ³ Name o anai pibarpi tarho fetang sobo nafsu hir tamar e atain, tanut name nok e kufak puin hir tamarfeuk kuvu akala horo ba oasel honin hee ai kakbar kabesar orupa name bing honu. ⁴ honin sobo Lahtal horo kafait honin e ukarang esah med ukarang somimate so piri ukarasang eh. ⁵ honin sobo pi'min fedek pisah karang horo e, sa tanok fetang ho he' Kristus araham, honin e o ukarang haltafoit ho pi fetang med. ⁶ Honim e sa tanok fetang, tani med tamihing ara ham ham tong surga bang soem Yesus Kristus abung. ⁷ Honie sel mong malh honim hee, sa sobit kafait hal tafoil tetub e oh e kurang nene o no ho Yesus Kristus om mi. ⁸ Honine e, o hal tafoil pi fetang ahol udume alai nahoniu ho e piri nene, sobo Lahtal ukarang. ⁹ E te' karasang nene, honin e meme ha ai sabune e. ¹⁰ Piri ho Lahtal so taten , Yesus Kristus mang bit honine karasang baleta o no' panen dai eh honin hee Lahtal anok ara am ho pi fetang o om mi. ¹¹ Honin horo i nauma fedek tarmi ho i ifain orupa name kafir, horo ubang ho name sunat ho seseh, mak honin horo name saribit name name sanat, horo hee sunat name panen fa name o bo' araham sopi satang puin panen, ¹² U mang sil ho araham ho i fetang ho e Kristus atain nene, sa baang kewargaan Israel med name se ho' taunu upahak, foil u pahak, e nam med u mang dume nene honin e Lahtal aai palik ta. ¹³ Honin e fed ho'o Yesus Kristus om mi iri ho tarmi ho let bi fitok fama fui Kristus abang. ¹⁴ Nahoni am fe, sari solo fe tara tom nu horo hee oanen puin name baang alo ho anok nu honin am fe tembo sah ho a ri' bahite. ¹⁵ Nahonin hee om sataain hir tamar e ataain ho luh asuhuin, honin e hukum taurat o parenta ona ernu o na ernu u huktang o hir om mi honin hee pi bo' mino name pir alo salahain ho ano' nu, honi esa name no' habar honi e sara no' . ¹⁶ Honie piralo sara no' Lahtal ani puin sopi bo' nu om mi salib alai, honie sara sah ho asahuin. ¹⁷ sa hok ho illuling no' ham tifo med ten, eme med illuling no, ham med piri fana taraham. ¹⁸ Fedek sari alai fe pinang alo tara se'bar nu lol fa mong pinang e roh nu abung. ¹⁹ horo ba iri ho e name beng e' nene se hok nene, honin e piri name tofang bolang ho e' med te tatang ho Lahtal o bang om mi. ²⁰ hono fe naernu panen ho o asel horo rasul tofang med nabi tofang, sobo Yesus Kristus horo solo foi asel ²¹ Kristus om mi, bang tofang ho som mu med sara ham e, abole orupa bang bolang Lahtal mi honi. ²² Sari ho o om mi, iri di ihir toh ham-ham Lahtal emele mimih Roh om mi.