¹ Di ai tenang ilbar nihonima ibung ho emangtanai nene. ² Masiki nisusahkarang ahol name niribe maleiniopahur mong Filipi mi honi, sobo nihei kufa ho Lahtal femi horo eilefe o fom pak o mateang pak ho niubang ong, susa sah karang om homi. ³ Fom pak mateng pak bolang ba niubang eho e mong sesah lol nene, ⁴ horofe Lahtal u inung, surak bolang ho nak atinok, sau nihow haai namenok ei inung nene sobo Lahtal ei inung. Nihok mateng puin i om lap ⁵ nene niri di name nok ahal niladimang labor nene, ni untu lap nene fe'de Lahtal ni saksi. ⁶ Niei panen niei aten ho, niani lap nene niri di honi iri di honi sobo name beng di honi, sobo ni i ahal lap. ⁷ Ni buj nok ni pak bala ho ong inai ho mi ho mang fe'de o fonu so ai som hel gariang honi. ⁸ Ukarang esah buj nok pak bala, mate niom senang niapanok nimed ien honi sobo Lahtal omateng bolang horo solo nene, sobo nifetang hodi nimed ien fe'de ni iri ukarang. ⁹ Diail tenang elbar niri uma, nilame toh karesang baleta dillel dilpana sari sanok foi mahen pale leu honie med iri tameng nene fe'de nidai ara iara ho Lahtal o sorak bolang ho niu ira mateng. ¹⁰ Iri horo fe Lahtal o saksi, bolang manep, abul ahal nene ari name om abul tofang ho ni anaifetang. ¹¹ Honife iri di ahol, Lahtal o fom pahang ho iom, anok senang ni ihou ititing. ¹² Lahtal ei inung alol, sa io lofe fetang mong kerajaan med kemuliaan homi. ¹³ Ada ahol mahen nok ni afok mid atel mid ni Lahtal araham fe'de sari horofe nimed fe'de sari ho ni enamenok mi med nene, honi sobo sari ho Lahtal omateng pak horofe Lahtal omateng pak ho karesang name percaya tofang ho anai mi. ¹⁴ Diail bar iri jemaat Allah Yesus Kristus om mi ara mong Yudea mi fe'de ni iara ham-ham sah karang ahol mong ibang ipalik mi, fe'de Yahudi hinung ei panen iaraham. ¹⁵ Nabi med TUhan Yesus bo supi amine med niri di name nihin nilol, supi panen puin Lahtal om gariang nene, med name beng di supi asara. ¹⁶ Name ladimang tarok nie ni hai Yahudi hinung ho aramateng e honie supi selamat, honi sobo murka supi tahel, fe'de supi o panen ho mangta-mangta. ¹⁷ Diail bar, bok moleng ei araham pidai telet pitek, honi sobo roh araham, niom senang nipanok ni'ira mih ham-ham somi nok. ¹⁸ Paulus om senang apanok samau hok sipi edun, horofe sa sam sei masing sobo setang o setel. ¹⁹ Niom senang nipanok fe'de iri ho niri udume iri ni hide dor niom anok senang Tuhan Yesus araham homi sa ho eh am? sobo iri ho aai, foil ano? ²⁰ Iri horofe ni hide dor niom anok senang,