1 Apido suraba letuheli Yesus Kristus, Lahatala Hewi neng, 2 Piahe Yesaya he sura bilenri minerei: "Nuneise mitaboi le dar a oweda dongwiba da esafoka mihadou. Maleakhi 3:1 3 Amakang nuk hamak wadaliala Belantara: 'buki lia laheteda hei satoka Tuhan dongwiba nesatoka harouda. '' Yesaya 40:3 4 Dongwiba Yohanes sani kaimitokang ama faring dotafuda belantara mia da iri waofodja edosa oahaliali. 5 Dongwidi, bei tafuda Yudea afeng mia Amoba Yerusalem mie da Yohanes hoktia. Da wi apakui Yordan mia watoka misei hetibale, dongwidi da de dosa watangi yoti. 6 Yohanes da lungva amur mi diakai habani. Hebaysa lungva hekuli. He siangma be dane tinuy ye nawang. 7 Yohanes da iri dawetangi," dongwiba ari natia mabahekang he sama badalialei beinei widanaha. Neding bei rofinaha nalukiba netukheia hetila horile. 8 Neding na sami kaimitoke, heding sah ba hiangkan mi kaimitoke. YOHANES DASARANSA YESUS HIAKAI MITOKI 9 Dongwiba, tadeng-tadeng be hedong dami dalekdi, Yesus da Nasehat mia tia, Galilea afeng, Dongwiba Yohanes da Yordan pakui ba bawatoke mia semi sei, 10 Da alekang sawa mia mei, Yesus dami herei adiehong wan hawai hua ayodi dongwiba dami herei aheba sam rialing piahe ruaba mek kuliwida da heding hed tahsei. 11 Dongwiba, ama hamak nukda surgamiasei,"Edong wiba nomi umbeka. Na ekang watanga." YESUS WE BEKA DAMI HAKOKE 12 Aleng kanra, Timoi samda YEsus hadoa Belantara misade. 13 Dawe dabuki daliale Belantara mia tadeng karbuti timoi beka dami hakoki Yesus da bintang-binatang alemai hanayami malaikat lei kat dasei hariang YESUS GALILEA MIA LAHATALAH HETANGA MATOKTANG 14 Yohanes da bah homia di kandri, Yesus da Galilea afeng sadi Lahatala hetanga. 15 Da watangi, Lahatala wansah hetadeng mitouni wa peddi wa oafudja me Injil hei mia! YESUS DAMOKI-MOKI MIAHIA 16 Dongwiba Yesus da wafoka Galilea hawa peamia, Da Simon miherei Ye Andreas yehewura, da djala wa toka ba danau mia wabireilah da jala miba heding da afi tahaikang. 17 Dongwiba, Yesus da dotafuda hed watangi, "Neluale, dongwiba nariadwa onba ri amakang pukat dia." 18 Simon ye Andreas da alekang da jala deiteli dawe heding haluale. 19 Dawai kul hadau buale hefirei, heding da Yakobus miherei hewi Zebedeus, ye Yohanes, hewura , dae homia de jala wahe kanra. 20 Dongwiba, Yesus da de tafuda do tafuda alekang hori dobei dotafuda de mama hopa mianaha, Zebedeus ehongmia da we kari-kari ji hoawake, dongwiba dawe Yesus haluale. YESUS DATA PATING DIA HE KUASA MIA 21 Dongwiba datefuda sa Kapernaum mia tadeng ba hedong akui mia, Yesus da Sinagoge simade sa tapating dia. 22 Dotefuda wadomi halekdi heding datapating dia he ding datapating dia piahe kuasa hadoa, bei piahe fingkang kanghei widanaha. 23 Hedong hetrena, sinagoge mia neng nuk ahe beka dahatoka mirei da ir maji, 24 Dawatangi,teiwidi apang dong ria waoong naha, Yesus dong Nasaret wati? apa atia ba atia lah niat waong bani beka dia hei ba?nohina eding sani nialahatala wida! 25 dong wiba Yesus da harunadi da hehalangi, makude! amakang hopa mia ba'' 26 Dongwi ba, na beka da hoadayok- dayok dair maji hamak do he wan lawa daliare,ahe ba beka da mia atakia. 27 Dongwi ba dotafuda dawedomi halekda hedong wiba dahatahani dong wiba datangah apang Na? tapating di ba nuk hekuasa hadoa! heding da ahe ba kang da hapong puna dotafuda wei ba halualdi. 28 dongwiba, da alekang tangah mitoktangi sa afeng halual ba sa Galilea afeng miji. NENG HEYA SIMON DA AMAKANG FARING HA KANRA 29 Alekang Yesus hemoki-moki da sinagoge mia naha dotafuda simon ye anderias ye yakobus ye yohanes dotafuda hetofa homi mei. 30 Dongwiba, neng hea simon api hoalire datadea, dotafuda sa alekang mi yesus wahok tangi. 31 Yesus da hopang mia da hoamot ba hatang wapuna ba na da natea. 32 Wan tuntunma, wari he la tidoki dotafuda hadoaba Yesus ama harik beka ye timoi beka da hoamirei. 33 dong wiba, ama ba afeng foka mia tafuda sa tofa hefuting mi toka dong mia den mitou. 34 Yesus da amakang faring harik hakanra da timoi beka faring haloi. hoba, heding da karii sani hetaki tangah naha, heding dong mia. YESUS DA AKUTI DA WE WONG KANG MATOKTANG 35 Kul mituana-tuana darfalaka naha, Yesus da sarah ba mikili misadi, dongwiba da dong mia doa akuti. 36 dongwiba simon ye afenga dohaima Yesus hetahai. 37 Dongwiba dotafuda yesus hiani, dotafuda watangi amakang tafuda edtahai. 38 Wan, Yesus da watangi, me pi afeng-afeng foka misade dongwidi lektangah kang hedong mia mi ama wahoktang, hedong henommerang na api tiei. 39 hedong hi, Yesus da Galilea afeng haluali ba.da sa sinagoge lek waoong kang mitapatin dia dongwiba da timoi beka haloi. AMA BA KUL DA HOAMADIA WAN HOAKANRI 40 Dawai ama kul da homadia dahadou ba Yesus hoksadi. da watangi da buku hariang watangi eding omawa, miaayat fiha dia. 41 homimbiruake homi hembeka, Yesus datang mi hetahi hatang da amakang harenra dawatangi, nomawa eding ni ayadi fiha dia. 42 hen miang hadow, kul ba hoa madia nakdi ama ba hedong wehoakanri. 43 Yesus da alekang ama ba hedong da haboti da laki wan namak kul ba edwatangi. 44 dawai het watangi, doma tang-tanga ba api do hedong sami amawahoktang naha naba midalekdi dongwiba, da laki da mi fingkang kang wahinria. dongwiba, atangbal sa mihede dongwiba dahokanra pia he musa hesura miiti dawatangi dawemahoktangi. 45 Arik dongwiba, ama da sa watang-tang lolba la falaka-falaka hedwatangi ba lamitiletnyi. hedongwiba, Yesus da afeng foka misa da bei areja-areja laknaha, hoba da afeng ba mikili misa miayang amafaring deihotakia.