¹ Entón Xesús foi levado polo Espírito ao deserto para ser tentado polo demo. ² E despois de xaxuar corenta días e corenta noites, tivo fame. ³ E achegándose o tentador, díxolle: "se e-lo Fillo de Deus, manda convertir estas pedras en pan". ⁴ Pero El respondendo, dixo: escrito está: "non só de pan vivirán as persoas, senón de toda palabra que sae da boca de Deus". ⁵ Entón o demo levouno á cidade santa, e púxolle sobre o cumio do templo, ⁶ e díxolle: se e-lo Fillo de Deus, lánzate abaixo, pois escrito está: %«aos seus anxos encomendarache», e: «nas mans levaranche,% non sexa que o teu pé tropece en pedra». ⁷ Xesús díxolle: tamén está escrito: «non tentarás ao Señor o teu Deus». ⁸ Outra vez o demo levouno a un monte moi alto, e amosoulle tódolos reinos do mundo e a gloria deles, ⁹ e díxolle:% todo isto dareiche, se prostrándote, adórasme.% ¹⁰ Entón Jesús díxolle: vaite, Satanás! Porque escrito está: «ao Señor o teu Deus adorarás, e só a El servirás». ¹¹ Entón deixoulle o demo e despois viñeron anxos e servíanlle. ¹² Cando El oíu que Xoán fora encarcerado, retirouse a Galilea. ¹³ E saíndo de Nazaret, foi e estableceuse en Capernaúm, que está preto do mar, na rexión de Zabulón e de Neftalí, ¹⁴ para que se cumprise o que foi dito por medio do profeta Isaías, cando dixo: ¹⁵ "terra de Zabulón e terra de Neftalí, camiño do mar, alén do Xordán, Galilea dos gentiles. ¹⁶ O pobo asentado en tebras viu unha gran luz, e aos que vivían na rexión e a sombra da morte, unha luz resplandeceu sobre eles". ¹⁷ Dende entón Xesús comezou a predicar e a dicir: "arrepentídevos, porque o reino dos ceos achegouse". ¹⁸ E andando xunta o mar de Galilea, viu a dous irmáns, Simón chamado Pedro e o seu irmán, Andrés, botando unha rede no mar, porque eran pescadores. ¹⁹ E díxolles: "seguídeme e eu fareivos pescadores de persoas". ²⁰ Entón eles, deixando ao instante as redes, seguírono. ²¹ E pasando de alí, viu a outros dous irmáns, Xacobo, fillo de Zebedeo e Xoán, o seu irmán, na barca co seu pai Zebedeo, remendando as súas redes, e chamounos. ²² E eles, deixando ao instante a barca e ao seu pai, seguírono. ²³ 23 E ía Xesús por toda Galilea, ensinando nas súas sinagogas e proclamando o evanxeo do reino, e curando toda enfermidade e toda doenza no pobo. ²⁴ E estendeuse a súa fama por toda Siria; e traían a El todos os que estaban enfermos, afectados con diversas doenzas e dores, endemoniados, epilépticos e paralíticos; e El curábaos. ²⁵ E seguírono grandes multitudes de Galilea, Decápolis, Xerusalén e Xudea, e do outro lado do Xordán.