¹ Así que si resucitastes con Cristo, buscade as cousas do ceo onde Cristo está sentado á dereita de Deus. ² Centrádevos nas cousas do ceo, non lle poñades os ollos ás cousas terreais. ³ Vos morrestes, e a vosa vida está oculta con Cristo en Deus. ⁴ Cando Cristo, a vosa vida, se presente visiblemente, entón vos tamén seredes presentados xunto con él en todo o seu esplendor. ⁵ Sendo esto así, tede en conta os vosos corpos e facede morrer neles toda a inmoralidade sexual, impureza, paixóns, malos desexos, e a avaricia, que é idolatría. ⁶ Por estas cousas é que ven a ira de Deus sobre os fillos de desobediencia. ⁷ Nestas cousas andivestes vós antes cando viviades nelas. ⁸ Mais agora tedes que desfacervos de todas estas cousas, ira, xenreira, malas intencións, insultos, e verbas obscenas das vosas bocas. ⁹ Non vos mintades os uns aos outros , xa que vos desfixestes da vosa vella natureza coas súas malas costumes, ¹⁰ e vos vestistes da nova natureza que vos vai renovando cara un verdadeiro coñecemento, de acordo á imaxe de Aquel que a creou, ¹¹ onde non hai grego nin xudeo, circuncisión nin incircuncisión, bárbaro, escita, escravo ou libre, senón que Cristo é todo e está en todos. ¹² Entón, como escollidos de Deus, santos e amados, vestídevos de compaixón e misericordia, de bondade, humildade, sede mansos e pacientes, ¹³ aturándovos e perdoándovos os uns aos outros, si algún ten algunha queixa en contra doutro; perdoade como Cristo vos perdoou. ¹⁴ E por riba de todo isto, vestídevos de amor, que é o que vos une. ¹⁵ E que a paz de Cristo goberne nos vosos corazóns, esa paz pola que fostes chamados nun só corpo, e sede agradecidos. ¹⁶ Deixade que a palabra de Cristo viva en vós en abundacia, ensinádevos e amoestádevos con toda sabedoría os uns aos outros con salmos, con himnos e cantigas espirituais, cantando a Deus con acción de grazas nos vosos corazóns. ¹⁷ E todo o que fagades, por verbas ou por feitos, facédeo todo no nome do Señor Xesús, dando grazas a Deus o Pai por medio de El. ¹⁸ Mulleres, estade suxeitas aos vosos maridos, como convén no Señor. ¹⁹ Maridos, amade ás vosas mulleres e non seades brutos con elas. ²⁰ Fillos, obedezan aos seus pais en todo, porque isto é o que lle agrada ao Señor. ²¹ Pais, non fagan que os seus fillos se anoxen sin ter motivo para que non se desanimen. ²² Servos, obecedede en todo aos vosos señores na terra, non para ser vistos, como os que queren compracer aos demáis, senón con sinceridade de corazón, temendo ao Señor. ²³ E todo o que fagades, facédeo de corazón, como para o Señor e non para a as persoas, ²⁴ sabendo que recibiredes a recompensa da herdanza. Vos servides a Cristo Xesús. ²⁵ Porque todo o que fai inxustiza, sufrirá as consecuencias desa inxustiza, sen favoritismos.