¹ Pablo, apóstolo de Xesús Cristo pola vontade de Deus, e Timoteo o noso irmán, ² aos crentes e fieis irmáns en Cristo que se atopan en Colosas. A graza e a paz de Deus, o noso pai, sexa con vos. ³ Damos grazas a Deus, o Pai do noso Señor Xesús Cristo, e oramos sempre por vós. ⁴ Nós escoitamos da vosa fe en Xesús Cristo e do amor que tedes para todos os santos, ⁵ por mor da esperanza reservada para vós nos ceos. Vós escoitastes acerca disto na palabra verdadeira, o evanxeo ⁶ que chegou a vós. Este evanxeo que está dando froito e medrando en todo o mundo. Tamén está facendo isto en vós desde o día que o escoitastes e coñecestes plenamente a verdadeira graza de Deus. ⁷ tal como o aprendestes de Epafras, o noso amado conservo, quen é un fiel servidor do Mesías para o voso beneficio. ⁸ Tamén él nos falou do voso amor no Espírito. ⁹ Por iso tamén nós, desde o día que o escoitamos, non deixamos de orar por vós e de pedir que Deus vos encha do coñecemento da súa vontade, con toda sabedoría e entendemento espiritual ¹⁰ para que camiñedes de xeito digno do Señor, co fin de agradalo en todo, dando froito en toda obra boa e medrando no coñecemento de Deus. ¹¹ fortalecidos en todo poder segundo a potencia da súa gloria con toda pacencia e ánimo longo; ¹² dando grazas ao Pai que vos fixo merecentes de compartir a herdanza dos santos en luz. ¹³ El rescatounos da pouta das tebras e trasladounos ao reino do seu amado Fillo, ¹⁴ en quen temos a redención, o perdón dos pecados. ¹⁵ El é a imaxe do Deus invisible, o primoxénito de toda a creación. ¹⁶ pois por Él todas as cousas foron creadas, as que están nos ceos e as que están na terra, as visibles e as invisibles: tronos, dominios, gobernos autoridades, todo foi creado por El e para El, ¹⁷ e El mesmo é denantes de todas as cousas e nel todo se sustenta. ¹⁸ El é a cabeza do corpo, que é a igrexa. El é o principio e o primoxénito de entre os mortos, para que así teña o primeiro lugar en todas as cousas, ¹⁹ porque a Deus lle agradou que toda a súa plenitude habitara no seu Fillo, ²⁰ e a traves del reconciliar o universo consigo, tanto as cousas que están nos ceos como as da terra, tendo xa feito a paz mediante o sangue da súa cruz. ²¹ Noutrora vós tamén estábades afastados de Deus, inimigos seus por estares sempre pensando en facer cousas malas, ²² pero agora, reconciliouvos no seu corpo físico por meio da súa morte para vos presentar santos, sen chata e libres de calquera acusación diante de Deus ²³ xa que continuades estables e firmes na fe, sen afastarvos da esperanza do evanxeo que escoitastes, o cal foi anunciado a toda a creación baixo o ceo, e do cal eu, Pablo, cheguei a ser servo. ²⁴ Agora eu énchome de ledicia nos meus sufrimentos por vós, e completo en min mesmo o que falta das aflicións de Cristo polo seu corpo, que é a igrexa; ²⁵ da que eu son servo, de acordo coa responsabilidade que Deus me encomendou para con vós, a fin de proclamar cumpridamente a palabra de Deus; ²⁶ o misterio escondido durante séculos e xeracións, pero que agora se manifesta a todos aqueles que cren en El, ²⁷ a quen Deus quixo darlles a coñecer as riquezas da gloria deste misterio a todos os pobos, que Cristo está en vós, a esperanza de gloria. ²⁸ a quen nós proclamamos, advertindo e ensinando a toda persoa con toda sabedoría, para que todos se podan presentar perfectos en Cristo; ²⁹ para isto é que eu traballo e me esforzo segundo as forzas e o poder del, que actúan en min.