¹ Pablo, apóstolo de Cristo Xesús, segundo mandato de Deus noso Salvador e de Cristo Xesús a nosa esperanza, ² a Timoteo, xenuíno fillo na fe: graza, misericordia e paz de Deus Pai e de Cristo Xesús noso Señor. ³ Así como che roguei, cando pasaba a Macedonia, que ficaras en Éfeso para que instruiras a algúns que non ensinen unha doutrina diferente, ⁴ nen presten atención a mitos, e a xenealoxías interminables, que máis ben dan pé a discusións e non á administración da casa de Deus pola fe. ⁵ Pero o propósito desta instrución é o amor que ven dun corazón puro, da boa conciencia e dunha fe non finxida, ⁶ cousas das que se afastaron algúns sendo desviados a conversas vanas., ⁷ querendo ser mestres da lei, mesmo sen entender o que din nen a cousas das que fan alegacións categóricas. ⁸ Pero nós sabemos que a lei é boa, se un fai uso dela lexítimamente, ⁹ sabendo isto: que a lei non é posta para o xusto, senón para os transgresores e desobedientes, para os impíos e pecadores, para os irreventes e profanos, para os parricidas e matricidas, para os homicidas, ¹⁰ para os fornicarios, homosexuais, os secuestradores, mentireiros e perxuros, e para calquera cousa que sexa contraria á sana doutrina, ¹¹ segundo o glorioso evanxeo do Deus bendito, que me foi encomendado. ¹² Dou grazas a Cristo Xesús noso Señor, que me fortaleceu, porque me tivo por fiel, poñéndome no ministerio; ¹³ sendo que antes eu fora blasfemo, perseguidor e insolente. Pero acadei misericordia, porque o fixen por ignorancia na miña incredulidade. ¹⁴ Mais a graza do noso Señor sobreabundou coa fe e o amor que hai en Cristo Xesús. ¹⁵ Fiel e digna de ser aceptada por todos é a palabra: Cristo Xesús veu ao mundo para salvar aos pecadores, entre os que estou de primeiro. ¹⁶ Con todo, foi por iso que acadei misericordia, para que en min, coma o primeiro, Xesús Cristo amosara toda a súa paciencia como un exemplo para os que habían crer en El para vida eterna. ¹⁷ Polo tanto, ao Rei eterno, inmortal, invisible, único Deus, a El sexa o honor e gloria por sempre. Amén. ¹⁸ Isto é o que che mando, fillo Timoteo, conforme ás profecías que se fixeron de antemán sobre ti, para que por elas sexas soldado na boa batalla, ¹⁹ mantendo a fe e a boa conciencia, que rexeitando algúns, naufragaron no tocante á fe. ²⁰ Entre eles, Himeneo e Alexandro, aos que entreguei a Satanás, para que aprendan a non blasfemar.