2 2. Ye anana, Bënydit, banï dhil ya cɔl në kuɔny, ku Yin cï ɣa piŋ? Ka ye dhiau tënë Yin, “Në riäk!” ku Yin cï ɣɛn luäk? 3 3. Yeŋö Yin ciën yic ya tiŋ? Ye ŋö Yin lueth pär? Yeŋö Yin ɣɛn cɔk tiŋ kärac? Lëu ba kɔ̈ɔ̈c wëdë ke Yin ɣoi ɣɛn në ke käraac kë yic? Riäk ku tɔŋtɔŋ aa ca gɔ̈ɔ̈l piny, ku yen anɔŋ tɔŋ ku teer në piny thok ëbɛn.
4 4. Lööŋ acï nïɔp ku ka cï cin luɔ̈ï, ku kenë loi. Kɔc yë karac loi aci kɔc piɛth tiam në juëc, ku yic acï bï bɛ̈ tɔ pieny. 5 5. Go nhialic jam të nɔŋ kɔc ke, yaka bɛ̈ɛ̈i thiak kenë wëëk ŋëm ku yïn bë guɔ̈p gäi në kë ca tiɛ̈ŋ. Në kë nɔŋ een kë ba looi në akäl ku kë cäk bë gam, të cen wek cak lëk.
6 6. Ɣen bë Babëlonia yïn riɛl, kɔc rɛc wën ce riɔ̈ɔ̈c. Ku kek aye cath ëke dɔm piiny ëkɔc kɔ̈k.
7 7. Aye kɔc yenë ke riɔ̈ɔ̈c arëët, ku lei ye kekke nhim lɛc, aye ke röth yök ëke ye löŋ në gup ken. 8 8. Ajöŋköör ken aŋic riŋ awäär kuac, ku yikë ŋeeny awäär baŋbaar, ku rɛm ken ke tɔŋ aye cath ajöŋköör kɔ̈ɔ̈th ku ka ye bën të mec abi ciët cuɔr nyuc në län kueet kɔ̈u.
9 9. Aye bën thin kedhia në läntöŋtëi ku dɔmkë piny. Ku kɔc ciik kek peec ajuïc aka cit liet. 10 10. Aye Mëlëëk dɔl gup ku bui kë Bäny. Aye pëënydit cï buth thuɔ̈r piny ku dɔmkë kek.
11 11. Ku retkë ke yic cï man de yom ku kɔc nɔŋ gup awääc, ye riir den ke yath. 12 12. Bënydit, Yin Nhialinyda, ye tɔ̈ agut athɛr, Nhialinydië Nhialiny lɔjik wɔ cië bï thou. Bënydit Yin ci Babëlonia lɔc ku yënë riɛr bï wuck luöi kë tuc. 13 13. Nyinku aye jakrac tïŋ tëmec, Yin ce awäc ë pär. Yeŋö dë yin kɔc kawäc pär? Yeŋö yin mim ba kɔc rac cɔk liek kɔc juïc piɛth awär kek.
14 14. Yin cï raan cak cï man de rëc yetɔ̈ bɛɛr, cïn nhïïm bäny kony kek. 15 15. Kɔc ke Babëlon aye kɔc deep në alääiken, dɔm ëke ku thiël kë keek bei në abuɔi ken, ku mëët ëke yic në abuɔnden ëthëlbei, ku jal kë piɔ̈ɔ̈th lɔ yum arëët ëke lei ke nhïïm.
16 16. Na lekë kööi jal miac në abuɔi ken ku wɛl nyïr në abuɔiken döm, nëkë yen abuɔi ken ke cɔk cam kë piɛth ku rëër kɛ̈ tëpiɛth.
17 17. Ye bï abuɔi cin yic këëŋ ya muk, ë riaŋ de juäc ke cin kac de piɔu?