¹ Pauro, musenzi wa Djeso Kirisitu, wakadhaidzwa kuti aite muphostori, waka siyaniswa kuti aparidze Vangeri raMwari, ² rakaapikira kare Yena etchisenzesa maporofiti Ake muZvitarwa Zvitswene, ³ etchireketa ngezve Mwana Wake wakabva mudzinza ra Davidi panyama. ⁴ pakumuka kuwakafa, Yena wakazii neMweya we utswene kuti Ndie Mwana waMwari we masimba, Djeso Kirisitu, Ishe wedhu. ⁵ Nokudha Kwake, isusu takatambira nyasha uye no uphositori kuti anhu aterere kutenda munyika dzese , ngondawa yezina Rake. ⁶ Panyika idzi, nemwio murikudhaidzwao kuti muite anhu a Djeso Kirisitu. ⁷ Ndiri kutarira mwese, adhiwa a Mwari muri kuRoma, makadhaidzwa kuti muite atswene: nyasha uye no rugariko ngariwe nemwi zvetchibva kuna Mwari, Bhabha edhu, uye kuna Ishe Djeso Kirisitu. ⁸ Tchokutanga, nokudha kwa Djeso Kirisitu, ndinotenda kuna Mwari wangu, ngokudha kwenyu, nokuti kutenda kwenyu kuri kubharariswa munyika dzese. ⁹ Ngokuti Mwari, wandino senzera mu mwoyo wangu mu Vangeri raMwana Wake, Ndie mupupuriri wangu unozia manamatire andino somuitirai mungua yese ¹⁰ pandino namata ndetchikumbira kuti kudhai Mwari etchidha, ndino wiya kuzo muonai. ¹¹ Ngokuti ndingodha kumuonai, kuti tipasane tchipo tche mweya, kuti mubhambiswe, ¹² izvi, kuti tisimbisane, nokudha kwekutenda kwenyu no kwangu. ¹³ Hama dzangu, ndirikudha kuti muzvizie kuti kajinji ndakadha kuya kuzomuonai ( asi nanyamasi uno zvirikutsinza), kuti ndihone tchibhereko pakati penyu, sekuna ese asiri wadjuda. ¹⁴ Ngokuti ibhasa rangu kuparidzira ese, ano ruziwo no asina. ¹⁵ Naizvozvo Kwendiri, ndakagadzirira kuti ndi paridze Vangeri kwemuri imwimwi munogara kuRoma. ¹⁶ Ini anditsweruki noVangeri, ngokuti irona isimba ra Mwari rinoponesa wese unotenda, mudjuda okutanga no mugirigi. ¹⁷ Ngokuti muVangeri kururama kwa Mwari kuno onekwa, kubva mukutenda kwenda mukutenda, sezvakanyorwa "Wakarurama utchararama nokutenda". ¹⁸ Ngokuti kutsamwa kwa Mwari kuno onekwa kwetchibva kudhenga kuuya kuno zvitadzo zvese no anoita zvakashata, kuti anhu asa ziye tchokwadhi tchinoreketwa ngozva Mwari, ¹⁹ ngokuti zvino ziikwanua pamusoro paMwari zviri patchena kwaari, ngokuti Mwari urikua pangidzira. ²⁰ Ngokuti zvese zviri muna Mwari zvisika onekwi, ndizvo izvi, simba Rake risingaperi uye utswene wake, izvi zviri kuonekwa patchena kubva kusikwa kwakaitwa nyika, ngokudha kwe zviro zvakasikwa, saka apana tchano zoramba pakuzotongwa kwao. ²¹ kunyangwe asikamukudzi anozia kuti Mwari uriyo, asi haadhi kumukudza noku mupa mbiri sa Mwari, kunze kwazvo, akatanga kurangarira zvakashata, uye mwoyo dzaho dzaka swipa kuti dzisazwe Mwari. ²² Etchiti tino ruziwo, ari marethe. ²³ Awona akatchinja simba raMwari asikafi ngokudha zwimwari zvakasikwa zwinofa, zvakaita tingana zwino mburuka, zvinomurenje murongomuna, no zwinofamba nondani. ²⁴ Saka, Mwari wakaatendera anhu aya kuita zwidho, zwe mwoyo dzawo zwakaswipa, kuti asaremekedze mwiri dzawo pakuita zvino tswerudza, ²⁵ ngokuti akasia tchokwadhi tcha Mwari ngokudha kunyeperwa, etchinamata nokusenzera tchisikwa pambuto ya Musiki, uya anodhikwana kurumbidzwa nokusingaperi. amen! ²⁶ Nokudha kwe zwaanoita anhu aya, Mwari wakapasa zvidho zvino tswerudzisa, ngokuti, anakadzi ao asya maitiro awo erudho nokudha zwisikaizwi, ²⁷ se zwirikuitawo anarume kusya kudha anakadzi kuti adhane patchi anarume , mwanarume nomwanarume, etchiita zwisikaizwi, etchidzipasa oga mubhairo we zwakashata. ²⁸ Uye ngokuti aka shoropodza kuziya Mwari, Mwari wakaapasa ndangariro yakapusa, kuti aite zwinorambidzwa. ²⁹ Akadzara nokusarurama kwese, kushata, kusirira uye no maitiro akashata, odzara no godho, ubinya, kusatenderana, zvinangwa zvakashata; ³⁰ ano matswedha, anonyepa, ano zonda Mwari, ashushi, anodzikudza, anonyepa zwisikazi kuitika, ³¹ asikaremekedzi madzibhabha, aremekedzi zwano pikira, asina rudho kana usisi. ³² Awona anozwizya zwinoreketwa mumitemo ya Mwari, kuti mubhairo we anoita zviro izwi irufu; asi nokudharo anoramba ecthizwiita uye anophasisa anozwiita.