¹ Efraimo unozwisapota ne mbhepoi, uye unotera mbhepo ye kumava zua patsiku iri yese; unotutsira kunyepa uye ne kuparadzwa; uye anoita rutenderano ne Asiria, uye mafuta anotorwa kwenda nawo ku Gipita. ² Ishe unakoo kumwe kupyikisana muutongi na Judaa, uye utchapanitcha Jakobo maererano ne makwandza ake; iyena utchamupetudzira maererano ne zwiito zwake. ³ Mudhumbo ra mai ake wabhata tsitsindho ye hama yake, uye pasimba rake wakapondana na Mwari. ⁴ Wakapondana ne ngirozi, uye akashingirira; akatchema, uye akamukumbira; ku Beteri wakamuwona, uye ipona wakabuya nesu. ⁵ Iyena tchaizwo Ishe, Mwari we hondo; Ishe ndiye sapote yake. ⁶ Iwewe zwino, tendeuka kuna Mwari; tchengeta iwe ngoni uye ne kutendeka, uye mirira kune Mwari wako kwenda ne kwenda. ⁷ Mutengesi une mupimo we manyepo munyara yake, nekuti unodhisisa kudwinyirira. ⁸ Uye Efraimo unoti: Zwezwirokwazwo inini ndini mufvumi; ndinosowona zwiro zwakawanda; pabhasa rangu rese akuna ungawona kwandiri ushaishi ungawe tchitema. ⁹ Asi inini ndini Ishe Mwari wako, kuvira kunyika ye Gipita; inini nditchaita kuti urarame mumatendi, se pamatsiku euswene. ¹⁰ Uye ndakabhuya kune maporofita, uye inini nditchatutsira tchiwoneso tchemaporofita; Uye nemaporofita ndakabhuya zwifananidzo. ¹¹ Nekuti Gireade aina kutendeka, zwezwirokwazwo agari awo hana bhasa. Ku Girgar anouraya mhombe kuita zwipiriso, uye kunyamgwe ma aritari awo akaita se mitundhu dze mapuwe mumaminda. ¹² Asi Jakobo wakatiza nyika ye Araa, uye Iziraeri wakasendza pakutchindjanisa ne mukadzi, uye nekudha mukadzi wakafvudza makwai. ¹³ Asi Ishe ne muporofita wakaita kuti Iziraeri aende ku Gipita, uye wakatchengetwa ne muporofita. ¹⁴ Asi Efraimo wakamugumbura zwikuru; saka utchasia mbhoswa ye ngazi yake pamusoro pake, uye Ishe wake utchamupetudzira runyadziso rake.