¹ Nokudharo wese Mambo womaPhirisita, akasanangurwa pakati poanhu, asanangurwa kuti aite nyasha ngodhi roanhu muzwiro zwinodhikana naMwari, kuti apase kuzwipo zvakawanda nozvibhairo ngozvitema. ² Iyena ungakwanisa kuti aite ngonyasha kuno asikazwi uye anoshaisha, nokuti yena nokudharo iyena wakatendererwao ngokuremba. ³ Ngonda yazwo, yenao anodhikanao kupasa tchibhairo ngozvitema zvake, tinga zvanoita nozvitema zvoanhu. ⁴ Uye akuna mwanarume anotora umukana kwari yena, asi anodhaidzwa naMwari, ingana Aroni wakaenda. ⁵ Nokudharo, Kirisitu anao azi kuzviremekedza ega, atchizoita mukuru oma aPhirisita, asi uya wakamuvunza: "Iwewe uri Mwana wangu; nhamasi inini ndakubhara". ⁶ Nomatarirwe ozwakaitwa: "Iwewe uri muphirisita okwenda nokwenda kuraira kakaita Merikesedeki". ⁷ Panguwa ye mazuwa ake epanhama, ayena akapa minamato uye yokuphinda, kudhaidza nomusodzi uya anokwanisa kumuponesa pakufa. Ngondaya yousisi wake, Yena akamuzwira. ⁸ Kunyangwe zwangari Mwana, akafundira kuteerera ngozwiro zvakatambudzika nazwo. ⁹ Pakapedza kufundiswa, wakazogara tchimbo tchoruponeso kwenda nokwenda kunaese anoteerera, ¹⁰ akasanangurwa naMwari hinga Mambo oMaphirista kuraira kakaitwa naMerikesedeki. ¹¹ Ngoda yazvo, tinozvakawanda zvokubuya, asi zvinoshupha kuzvitsanangura ngondawa yenyu yokunonoka kuzwa. ¹² Kunyangwe panguwa ino imwimwi maidhikana kuita mafundisi, zvinodhikana kuti munhu hake afundise zwokutanga zwinodhikana Zwomasoko aMwari. Imwimwi munodha Mukaka, zwisiripi zvokurya zvakaita Nvuranvura. ¹³ Nokuti wese wiya unomwa mukaka bhasi anaruziyo romasoko akanaka ngokuti atchirimwana. ¹⁴ Ngodhirimweni, ngotchokurya tchonvhuranvhura ngotchomadoda, aya uye ngobhasa anondangariro dzakafundwa kuti asanangure tchakanaka uye notchakashata.