¹ Nokudharo, tinodhikana kuita mhore mhore paaya atinozwa, kuitira kuti ngomuchobho umwewo tisa tarauke paizwona. ² Uye, kudhai soko rinoreketwa ne ngirosi rakagara raka rakathembesa, uye noku phwanya kwese uye nokuramba kuteerera waka tambira muphanitcho wakanaka, ³ Titchazo posherwa kudhini uye nokurekerera paku Poneswa kukuru? Kuponeswa kakatanga kuziswa na Ishe, kuzopera kozotenderhwa katiri takazwa. ⁴ Otshipupura Mwari pamwepo nawo, ngopamusoro pozwipangidziro, kudhakadwa uye nemidzai dzai yakawanda uye ne tchipo tchoMwiya Mutsweni, yaka kowaniswa bhurukidze nokudha kwake. ⁵ Zwakadharo aingirosipi dzaMwari dzaaka pasa nyika irikuwiha. ⁶ Asi, mumbuto dzimweni, umweni waka pupurira, etchiti: "Tshinyi tchinozwi munhu, ngei muno zomurangarira? Kana kuti mwana womunhu, kuti mozoende komu wona? ⁷ Iwewe wakaita modhoko kudharika ngirosi, pakurumbidza uye nekuremekedzo makamu fhekedza hata.( zvitarhwa zvimweni zvokare zvino tutsira: "Uye makagadzirira pamusoro pomabhasa wonyara dzake"). ⁸ Zw]iro zvese zviri pasi pomurendje dzake. Naizwo etshiundza zviro zvese kaari, apana tchaakasinya kuti tchiyiwe. Uye, zwinopano, atisati tawona zviro zvese zviri kwari. ⁹ Pazvese, tinoso ona Uya wakadziita mudhoko, pamberi po ngirosi, Djesu, ngoshwiro wo kutambudzika korufu, wakakandwa hata yoku rumbidza uye noku remekedzwa, kuti, ngonyacha dzaMwari, wakaraira rufu kumunhu wese. ¹⁰ Ngokuti Mwari waizvi rangarira, kuna uya wakanyanya, kudharika zviro zvese zvakasikwa, etshisesedza ana ajindji muku rumbidza, unoita mutangi woruponeso wowo, ngopakati poma tambudziko. ¹¹ Uye, ngozwino tchenesa paanonanga etcheneswa, mwese munouya ngopa mubuto imwe, Mwari. Zwakadharo, wiya wakatchenesa azotsweruki kuwadhainda hama. ¹² Iyena unoreketa: "Pembererai zina rake kuhama dzangu; nditchazoemba noku remekedza pakati poanhu". ¹³ Uyezwe iyena wakabhuya: "Maari nditchamu themba". uyezve: "Wonai, ndiripano inini uye noana akandipasa Mwari". ¹⁴ Zvakadharo, ana aMwari anopasana nyama uye nongazi, Djesu waka zviitawo zviro izvona, kana kuti, ngopakati porufu iyena unoputsa uya unosimba rorufu, izwi ndizwo, sathani. ¹⁵ Uye, zwakadharo, iyena waka sunungura ese aya, ngokuthyia rufu, anga ari kutaphyi paupenhu wao wese. ¹⁶ Asi, zwirokwazwo, azwimubhatsiri kununura ngirosi, asi Iyena unonunura dzindza raAburahama. ¹⁷ Zwakadharo, zwaidhikana kuti iyena aite hingana hama dzake pandima dzese, kuitira kuti azoite mukuru woma phirisita unousisi uye wakatendeka pazwiro zwaMwari uye, anozoita nokuwonerar pzvitema zwo mbunba. ¹⁸ hingana Djesu paaka chuphika, paakaedzwa, iyena onukwanissa kubhetsawo aya ese anoedzwa.