¹ Hama, kana munhu akaphamuswa mutchimwe tchishaishi, imwimwi muri mumwiya, muunzisei nomwoyo wakanaka, mutchita mhore patchenyu, kuti musaedzwewo. ² Twariranai mitoro, mukadharo murikudzadzisa mutemo wakirisitu. ³ Ngokuti kana munhu urukurangarira kuti ari tchiro, pasina tchaari, urukuzwi nyepera. ⁴ Kadha munhu ngaazwiongorore pazwetchake, hino unoowa nokuzwikudza patchake, usaezanise noumweni; ⁵ nokudharo umwe noumwe unozwitwarira ega mutoro wake. ⁶ Asi uya unofundiswa mumasoko ngaabuyirane zwiro zwese zwakanaka nauya unomufundisa. ⁷ Musanyeperane: Mwari haasekwi uye haatambwi naye; ngokuti tchino sima munhu nditcho tchanokohwa. ⁸ Huya unoparirira nyama yake utchakowhawo kuparara kunobva panyama yake; asi uno paririra Mweya utchakohwa upenyu usikaperi unobva paMweya. ⁹ Asi ngatisarembe kuita zwakanaka, nokuti tinozozwikohwa panguwa yazwo kana tikashingirira. ¹⁰ Hino, titchine mukana, ngatiite zwakanaka kuna ese; kajinji kuhama dzinotenda. ¹¹ Wonai makurire akaita mabhi andakakutarirai nonyara yangu. ¹² Ese aya wanodha kuzwi pangidza panyama kuti akanaka, awona anokubhambidzirai kuti mutchekere, kuti musateerwe ngonyaya womutchinjiko waKirisitu. ¹³ Newaya wanotchekerwa awatchengeti mutemo; asi anodha kuti imwimwi mutchekerwe, kuitira kuti muzwikudze paunyama wenyu. ¹⁴ Asi kuzwikudza ngakugare kure nainini, asi noMutchinjiko waIshe wedhu Djesu Kirisitu; nokudha kwawo, nyika yakhomerererhwa inini, uye inini kunyika. ¹⁵ Ngokuti podhi unotchekera nousikatchekeri azwibhatsiri tchiro, asi tchisikwa tchitswa. ¹⁶ Wese anohamba mumutemo uyu, utendere nousisi ngazwiwe kwaari, uye nopamusoro poIsraeri yaMwari. ¹⁷ Kubva pano kwenda mberi, apana unondikangaidza, ngokuti mumuwiri wangu ndinounza madzwanga aKirisitu. ¹⁸ Nyasha dzaIshe wedhu Djesu kirisitu ngadziwe kumweya yenyu, hama. Ameni!