¹ Nokudharoko, inini sa muranda waIshe, ndinomukumbirai kuti muite mahambiro akanaka mu zwamakadhaidzirwa, ² kuti murarame nokuzvidhodhosa, Neusisi, metchidhana murudho. ³ Itai zwikuru zwamuno kwanisa kuti murambe makabhatana no rugare roMweya. ⁴ Kune muwiri umwe, noMweia umwe, se zwo nemwiwo makadhaidzwa murukariro rinothembesa mukusanangurwa kwenyu. ⁵ Kune Ishe umwe, kutenda kumwe, kubhabhatizwa kumwe. ⁶ na Mwari umwe, bhabha wo zwese. Awona ari pamusoro po zwese, pakati pozwese mu ese. ⁷ Ku umwe noumwe wedhu takapuwa tchipo no maererano o zwatakapaswa naKirisitu: ⁸ Se zwazvinoreya zwitarwa: Paakakwira kumusoro, wakatora asungwa ajinji, nokupa zwipo ku anhu. ⁹ Zwii zwazwinorea kuti "Iyena wakwira," kunze kokuti wakadzaka pasi pe nyika? ¹⁰ Munhu wakadzaka ndiyena umwe umweo wakakwira pamusoro pe madhenga ese, kuti adzadzise zviro zwese. ¹¹ Kirisitu wakapa amweni kuti aite maphositori, maphorofita, mavangeri, amweni samafundisi nowaziisisi. ¹² Wakaapa bhasa iri kuti agadzirire anhu ake kuti aite bhasa Rake, pakuwaka muwiri waKirisitu. ¹³ Arukundo rumbwa eiwaka muwiri Wake dzamara tabhatanidzwa nokutenda no ruziyo ku Mwana waMwari, dzamara takora hingana aya akakwanisa kuguma patchidhanho tcha Kirisitu. ¹⁴ kuti tisaite sa ana adhoko anokandirwa sure no mberi ne marimbe, etchi torwa no mhepo dzoufundisi, no musangani wo anhu anoita zwokunyepa. ¹⁵ Kunze kwo izwi, tecthi reketa ngo tchokwadhi mu rudho, isusu tiri kukura mumakwanza ese techi enda Kwaari, anonga ari iyena musoro waKirisitu. ¹⁶ Kirisitu uno waka muwiri wese, uwo uripamwepo nokubhatana kwawo wese, kudhai mitezo ikasenza iri pamwepo, izwi zwinoita kuti muwiri ukure nokuzwiwaka patchao murudho. ¹⁷ Nokudharo ndinoti ndeibhambirira mu izwi, munaIshe: kuti musararame ingana mararamiro anoita mahedeni, ngekuti ndangariro dzawo adzibhatsiri. ¹⁸ Awona ari mutchidhima pakurangaridza, paku furatira upenyu wa Mwari nomusikazwa wao, ngokuoma kwakaita moyo dzao. ¹⁹ Awona atsweruki, etchizvi perekera muzwidho zwawo, arikundo rumbwa etchiita mukhaindi wese wo ushaishi. ²⁰ Andizwopi zwaKirisitu zwamakafunda; ²¹ dhai mazwa ngo zwake, nokufundiswa ngo Zwake, sa tchokwadhi tchiri munaDjesu. ²² Imwimwi makafundiswa kuregera mararamiro enyu ekare, kuregera munhu wekare. Munhu wekare wanga ari mbava ngokudha ko zwidho zwinotchengedza. ²³ Imwimwi makafundiswa kutchinja ko ndangariro dzo mweya wenyu, ²⁴ noku pfeka munhu mutswa, wakarerwa nomuenzaniso waMwari, mutchokwadhi, tchezvakanaka noutswene. ²⁵ Nokudharoko siai zvokunyepa uye reketai tchokwadhi kuno nyatchigarisano wenyu, ngokuti tiri mitezo umwe kuno umweni. ²⁶ Nyangadzwai asi musa ite tchitema. musadhokerwe maka nyangadzwua. ; ²⁷ Musapase mukana kuna diabo. ²⁸ Uya waibha ngasie kubha, ngaasenze, kuita zviro kwazvo no nyara dzake, kuitira kuti akwanise kubhatsirawo amweni asina. ²⁹ Musatendere kuti soko rokushata ribve mukanwa menyu, reketai masoko kwao anobhatsira amweni, maererano no zvaanodha. ³⁰ Uye musatuke Mweya Mutswene waMwari, wamakanamwa nawo kuitira tsiku yokusunungurwa. ³¹ Siai zvo hasha, kutsamwa, ushungu, kureketedzana, noku tuka, pamwepo nozvakashata zvese, ³² Muitirane zvakanaka umwe kunoumweni, neusisi, nokuregererana, saMwari amuregererai muna Kirisitu.