¹ Aya ndiwona masoko amuparizi, mwana waDavidi uye mambo wokuDjerusarema. ² Zwisina maturo zwozwisina maturo, unoreketa muparidzi: apana zwinomaturo. ³ Munhu unowona mubhairo upi pamabhasa ese nokuremba kese kanoita pasi pozuwa? ⁴ Dzindza rinoenda, dzindza nimweni rinouya, asi pasi panogara paripo kwenda nokwenda. ⁵ Zuwa rinobhuda uye rinodhoka, uye ngokukasika rinowirirazwe paraka bhudhira. ⁶ Dhutu rinofuridza kumabva zuwa uye rinotenderera kumutcheto kokumadhokera, kuwayese retchienda mugwandza rayo retchiwirirazwe. ⁷ Murambo dzese dzinodzamira mubaradji, nokudaro bharadji arizodzari. Mbuto imweyo inoenda murambo, dipona painoendazwe. ⁸ Zwese zwinorembesa uye akuna munhu unokwanisa kunyasa kuzwireketa. Madziso aaguti ngozwiro zwarinowona, uye nonzee adziguti nozwiro zwadzinozwa. ⁹ Zwakaitika kare ndizwona zwitchaitika, zwakaizwa zwiya ndizwona zwirikuizwa. Apana tchiro chiswa pasi pozuwa. ¹⁰ Panozwiro zwokuti zwingareketwa: "Wona! Itchi tchiswa?" Kuna zwiya zwiriyo zwanga zwiriyo kare kare, panguwa yokare, tisati tambobharwa. ¹¹ Akuna utchirikurangaridza zwakaitika pamauwa ekare, uye nezwiro zwakaitika pakapera mazuwa ekare, uye nezwiro zwitchaitika mangwana, zwingaita kuti, azwizorangarirwi". ¹² Inini ndiri muparidzi, uye ndirikutonga kuIziraeri. ¹³ Ndakatora pfungwa dzangu kuti ndifunde uye ndiswange noruziyo pamusoro pazwose zwinoizwa pasi pezuwa. Kuswanga uku ibasa rakakura rakapasa kwari kuana ake kuti aowone tchekuita. ¹⁴ Ndinosiwona mabasa ese anosiizwa pasi pozuwa, uye zwese amuna maturo, tingana kugogomera dhutu. ¹⁵ Zwakabhenda azwigasirisiki; zwirikushota azwidikani kuerengwa. ¹⁶ Ndinoreketa Mumwoyo mangu, ndechireketa kuti: "Wona! Ndakagara noruziyo rakawanda kupinda anhu ese akauya kutanga, muDjerusarema. ¹⁷ Ndakaita kuti mwoyo wangu kuti uziye utchenjeri uye kupenga nokusama kungwara. Inini ndakaguma pakuzwisisa kuti izwi kanga kuri kuedza kubhata dhutu. ¹⁸ Ngokuti mukuwanda koruziyo munokugara wakanyangazwa, uya unotundhuzira ruziyo, unotundhuzira kutambuzika.