¹ Inini ndakanyora buku rokutanga, Teofiro, ndakapanganidja mabasa ne zwifundiso zwa Djesu, pakuzwiita nekufundisa; ² Dzamara kuguma kwetsiku yaakatambirwa kumusoro, kubva pakudhudzira mitemo neMweya Mutswene kune wapositori waakasanangurwa; ³ kubva pakutambudzika wakadzipangidzira kwaari arimupenyu nezwipangidziro zwakawanda; etchiwonekwa nawo patsiku makumi marongomuna, etchiadhudzira zwiro zwinoenderana noumambo waMwari. ⁴ Wakaaunganidza, akaabvunza kuti asabhudhe muDjerusarema, asi kuti wayetsere tchighondeso Tchabhabha: "Tchamakazwa Ndini''  ⁵ Nokuti Juau wakababatidza nenvura, asi imwimwi mutchababatidzwa neMweya Mutswene, pamatsiku aripaduze naaya''. ⁶ Nekudharo waya wakanga wakaunganidzana wakamubvunzisa, etchiti: Ishe, imwimwi mutchapetudza panguwa iyo Umanbo kune Izirayeri''? ⁷ Iyena wakaabvunza etchiti: ''Azwiripi kwamuri kuzia nguwa kana nemakore akaiswa ndi Bhabha paumambo wawo; ⁸ asi imwimwi mutchatambira simba reMweya Mutswene, utchawiya kwamuri; imwi mutchawa wapupuriri wangu, kuDjerusaremu neku Djudhia yose, ne Samariya, dzamara kumaperero enyika''. ⁹ Kubva pakubuya kwake zwiro izwi, iwona wetchimuwona, iyena wakatorwa kwenda kudhenga, makuta akamutora iwona etchiwona. ¹⁰ Iwona atchiri nomadziso etchiringira mudhenga , iyena ayenda, anarume aiiri anematchira ekutchena akabhatana naiwo. ¹¹ Iwona akabhuya: ''Warume weGharirea, murikuringira nguei kudhenga? Djesu uyu, watorwa kwamuri etchiyenda kudhenga mumakore, utchawiya nemuchobho umwewo, wamawona etchiyenda kudhenga''. ¹² Nekudharo iwona wakawhirira kuDjerusaremu nekudhunhu rinozwi rewaOrivera, riri padhuze peDjerusaremu kwakarebha kwakaita sekufamba sabhudhu romutero. ¹³ Akati etchipinda, akakwira mudhenga mwenyumba, akange aripo, Peduru, Tiagu, Juau, Andrea, Firipi, Tome, Baturumeu, Mateu, Tiagu mwana Arifeu, Simau Zeroti; na Djuda hama ya Tiagu. ¹⁴ Wese awa wai shingirira wetchitenderana paminamato, nepamikumbiro, noanakadzi, na Maria mai waDjesu, nehama dzake. ¹⁵ Paimwe tsiku yematsku, pakange pane rujinji anoguma zana nemakumaiiri ewanhu, Peduru wakamuka pakati peafundi etchiti: ¹⁶ Warume hama, zwaiidhikwana kuti manyorwa adzadziswe, zwokuti Mweya Mutswene, nemuromo wa Davidi, wakataura nekudha kwa Djudasi, wiya wakaperekedza asungi aDjesu. ¹⁷ Nokuti iyena wakaerenguawo pakati pedhu, uye wakawona dhiwi rake pabhasa iri. ¹⁸ (Iyena wakawina, mbuto nomutengo wekushata, nokumbwera pasi nomusoro, akaguka nepakati, nezwesse zwemundani make zwikabhuda kunza. ¹⁹ Izwona zwakazikanua neanhu wese wairarama muDjerusarem, nekudharo mbutoiya inodhaizwa pamureketero "Noumutauro wake ''Aseldama'', mbuto yo mutaka''.) ²⁰ Nokuti zwakatarwa mubuku roMapisarema: panyumba pake ngapaite muthambe, ngapasawonekwezwe unoraramiremo' uye 'umweni ngatore bhasa rake rekuwonerera'. ²¹ Nekudharo zwinodhikwana, kuti pakati poanarume wakati perekedza panguwa yese yekuti Ishe Djesu waiipinda etchibhudha nesu, ²² Kutanguira pakubabatidzwa kwa Juau, kugumira patsiku yaakatorwa pakati pedhu akatambirwa kudhenga, umwe wawo angaite mupupuri nesu nekudha kwekumuka kwake muwaanyakufa''. ²³ Nekudharo akaunzisa aiiri: Juse, waizwi Bharsabhasi, akange ane rimwezwe zina rokuti Mururami; naMatia. ²⁴ Uye pakunamata waiiti: ''Imwi, Ishe, muziisisi wemwoyo dzewese, tipangidzei ndiyani pakati pewaiiri aya wamakasanangura ²⁵ kuti eyena aitewo wumwe wedhu pabhasa neuphostori, nekuti Judasi wakatsauka kwenda kumbuto yake''. ²⁶ Akakhaandira raki kuwaiiri; ikambwerera kuna Matia. Iyena akatanga kuwerengwa pamwepo newe gumi naumwe wewaphostori.