¹ Adhikani, zwatino rugondeso iri, ngatitchenese zwese zwinoita kuta kuti tiswipe pa muwiri yedhu no pamweiya. Ngatitswake utsweni no kutiya Mwari. ² Titambirei mu moiyo yenyu. Atizi kumuitira zwakashata kana kushatisa munhu uye atizii ne kubhira munhu. ³ Andireketi izvi kuti ndiku sungei, ngokuti ndaka buya kare kuti mwese muri mumoiyo yedhu, kuti tife tese uye tirarame tese. ⁴ Ndino rugondo rukuru kemuri, uye ndino dhakara nemwi. Ndakazara nokudhakara uye ndiri kuerera mupfaro, kunyangwe no matambuziko ese. ⁵ Pataka guma Macedoni, atizi kuzorora; kunza kwazvo, taka tambudzika nomukhaindi wese: kunza kutama pindirana mukati mukati kutiya. ⁶ Asi Mwari, anonyaradza akasuwa, akati nyaradza no kuguma ka Tito. ⁷ Atizi bhasi kugarisika nokuguma ka Tito, asi norubhatsiroo ramakamupa. Iyena wakatibvunza zvamaka ita kwaari, kutambudzika kwenyu nokundi bhata kamakandiita; ndizvo zvakaita kuti ndinyanye kudhakara. ⁸ Kunyangwe musuwe ngotsanba yangu iyi, anditchinyuki naiyo, kunyangwe ndiona hangukuti yakutsamwisai, nanguwa imwe haiyo. ⁹ Ndirikupfara hangu, zwisiripi kuti makatambudzika, asi kuti kutsukwara kenyu kaita kuti mutchinyuke. Maedzwa nokutskwara kunobva kuna Mwari, apana zwamakaruza ngopamusana pedhu. ¹⁰ Ngokuti rutsukwaro rokudhenga rinounza kutchinyuka dhakara paku poneswa pasina zwinotsamwisa; rutsukwaro renyika, rinounza rufu. ¹¹ Wonai kukura kwakaita rutsukwaro rinobva kuna Mwari zwaraita kemuri. Kukura hasha dzenyu kuti mupangidzire utsweni wenyu. Kukura kwanga kwakaita ushungu wenyu, kutiya, tchidho, unatsi, no tchidho tchokuona zwakanaka zwetchiizwa! Pazwese mapangidzira kuita akanaka pazwiro izwi. ¹² Kunyangwe ndamutarirai, andizi kutara ngondawa yomushaishi, kana kuti wakatambudzika, asi kuti kunaka kwenyu kwetiri kuziikwane pamberi pa mwari. ¹³ Ngondawa yazwo, tino simbiswa. Kunza kwekugarisika patchedhu, tino nyanya kudhakara ngo mupfaro wa Tito, ngokuti mweiya wake kwinhidzirwazwe nemwi mwese. ¹⁴ Ngokuti ndadhakara nemwi pamberi pake uye andizi kutsweruka; ngo dhii rimweni, nokudharo zvese zwatakamubvunzai zvanga zwiri zwe tchokwadhi, mupfaro wedhu kemuri pamberi pa Tito waonekwa kuti ngewetchokwadhi. ¹⁵ Rudho rake kemuri rukuru, paanonga etchi rangaridza ngozvokutendeka kwenyu no mapuwirwe amakaita kutiya nokutetemera. ¹⁶ Ndino pfara ngokuti ndino rugondo kemuri.