u ¹ Mweya wa Mwari urikudhudza pamhene kuti munguwa dzokupedzesera anhu amweni atchazo ramba kutenda. Awona atchapurutana mweya dzinotchengedzera uye nokutenda zvinobva kumadimoni, ² Ngokudha kokunyepa no nokutuka kunoita asinaia nzero. ³ Anorambidza kutchata uye etchirambidza kuriha zwiro zwakasikwa na Mwari kuti agawane bhasa nyore pakati poaswene uye pamwepo no aya anoziya tchokwadhi. ⁴ zvese zvakasikwa na Mwari zvakanaka, azviiti kuramba mabhasa okupaswa nge nyasha. ⁵ Ngokuti zvakaizwa no masoko aMwari uye no munamato. ⁶ Kudhai mukakanda zwiro izwi pakati pehama dzenyu, mutchazoita atendi akanaka a Djesu Kirisitu, ngokuti mutchariha masoko okutenda uye nomipango dzakanaka dzinodhikanwa kuita. ⁷ Asi rambai ngano dzoupenzi no mutemo dzokare. Kuti mukure mutchi kirisitu itai mabhasa omweya, ⁸ Ngokuti kudhamura muwiri kwakanakao asi kuita bhasa ro mweya ndiro rinodhikanwa, muzviro zvese izvi kudhairwa kwazvo ndiupenyu, wa nyamasi na mangwana. ⁹ Soko iri rinothembeka uye rinodhikanwa nomoyo wese. ¹⁰ Ndiyo ndaa tirikurwa nokusenza, ngokuti tinorugondo kuna Mwari mupenyu, muponesi we anhu ese, kunyanya anhu ese anotendaia. ¹¹ Ziisai uye nokufundisa zwiro izwi. ¹² Musasiye munhu etchinyoza udjaha wako, kundza kwazwo, garaiwo tchipangidziro tcho anotenda ese, pakureketa, parudho, pakutenda, no pakutchena. ¹³ Dzamara ndazohwirira. Ngwarirai pakuwerenga, pakuparidza uye nokufundisa. ¹⁴ Usashaishe kusenzesa tchipo tchaunatcho, tchawaka puwa ne tchiphorofita, pakutsanzikwa nyara noakuru. ¹⁵ Tchengeta zviro izvi, rumbwa uri mukati mazvo, kuti kukura kwako kuonekwe no anhu ese. dzitchengete uye mhore mu zwaunofundisa. ¹⁶ Rumbwa wetchiita izwi kuti wetchizwiita zwiponesewo iwewe pamwepo no anokupurutana.