¹ Pamusoro penguwa uye nomushobho utchaitika zwiro izwi, hama, azwidhikwani kuti ndikutarirei. ² Nokuti mununyasa kuziya kuti zuwa raIshe rakaita sembava yousiko. ³ Paanoti: "Rugare uye norutchengeto", kuputswa kwakauya ukakanganwa. Zwitchaita semarwadzo emukadzi udhakubhereka, uye awona aposhiwi. ⁴ Asi imwmwi, hama, amuripi mudhima nomushobho okuti zuwa riya rimubhate sembava. ⁵ Mwese muri ana etchiedza kana kuti ana ozuwa. Isusu atiripi ana o usiko kana odhima. ⁶ Saka, ngatisawate sezwinoita amweni, asi ngatirambe techiringirira, uye ngatingware. ⁷ Ngokuti arikuwata, anowata nousiku, uye anoraradza anoraradza nousiko. ⁸ Asi, sezwatiri ana ozuwa, ngatingware. Ngatipfeke matchire ekuhondo okutenda uye norudho, uye netariro reruponeso ririkuuya setchivikiro tchedhu. ⁹ Ngokuti Mwari azikuti sikira hasha dzake, asi kuti tiwe neruponeso, ngokudha kwa Ishe Djesu Kirisitu. ¹⁰ Iyena ndiye akatifira, kuitira kuti, takamuka kana takawata, torarama Naye. ¹¹ Saka, ngatisimbisane nokunyaradzana umwe neumwe sezwamakutoita. ¹² Isusu tinokukumbirai, hama, kuti muremekedze anosenza pakati penyu, anokutungamirirai munaDjeso, uye anokuparidzirai. ¹³ Uyezve tinokumbira kuti munyase kurwaremekedza zwakakura, murudho, gondaya yebhasa rawo. Raramai murugare. ¹⁴ Isusu tinokuyambirai, hama, kuti mubhatsire asikazikurongeka kuti atendeuke, asikazi kushinga kuti ashinge, kubhatsira akaremba, uye mudzikame no ese. ¹⁵ Dzibhatei kuti musaripe munhu zwakashata nokushata, kunze kwazwo tswakai kuita zwakanaka ne anhu ese. ¹⁶ Dhakarai nguwa yese. ¹⁷ Namatai musikaimi. ¹⁸ Pazwese, tendai Mwari. Ngokuti uku ndiko kudha kaMwari, munaKirisitu Djesu, nemwi. ¹⁹ Musafudze Mweya. ²⁰ Musashoropodze zwiporofita. ²¹ Ongororai zwiro zwese; sarai nozvakanaka. ²² Kwedherai kure nomushobho wese wakashata. ²³ Kuti Mwari watcho werugare ngakutchenesei zwakakwana. Kuti mweya wenyu wese, mwoyo uye nomwiri zwitchengethuwe zwakatchena kuitira kuya kwa Ishe Djeso Kirisitu. ²⁴ Wakakudhainzai wakarurama, uye Iyena futi atchazwiita. ²⁵ Hama, tinamatireiwo. ²⁶ Tchungamidzai hama dzese nokuwatswodha kutswene. ²⁷ Inini ndingokukumbirai, muna Ishe, kuti tsamba iyi ngai erenguwe kune hama dzese. ²⁸ Kuti nyasha dzaIshe Djesu Kirisitu ngadziwe nemwi.