¹ Pandakauya kwamuri, andizi kuuya nokureketa kwakarungama koruziyo, kuti ndirekete tchokwadhi tcha Mwari tchaka igika. ² Ngokuti, pandanga ndiri nemwi, ndakakanganuwa zvese ndosiya Djeso Kirisitu bhasi uye nokufa kwake pamutchinjikwa. ³ Inini ndanga ndiri nemwi mukuremba, mukuthiya uye mukutetemera . ⁴ Uye soko rangu nokuparidza kwangu akuzi kuita kwemasoko ekungwara koruziyo. Kunze kwazvo, kwakawe kweku pangidzira Mweya uye nesimba, ⁵ kuitira kuti kutenda kwenyu kusawe muruziyo reanhu, asi musimba raMwari ⁶ Zwino, isusu tinobuya roziyo pakati pe akakura, asi arizi roziyo renyika ino, kana kuti reatongui enguwa ino, arikumbuereya. ⁷ Asi tinobuya noruziyo raMwari mutchokwadhi tchakaigika, ruziyo rakaigika, ria rakaronguwa na Mwari kusati kane zwisikwa kuitira kuguinya kwedhu. ⁸ Akuna pa anoita zvekutonga mazuwano akarizia roziyo iri, nokuti kudhai akariziya nguwa iya, angasikadhi kuroera patchinikwa Ishe ekuguinya. ⁹ Asi sezvakatarwa: "Zwiro zwisana kuonekwa nerimwe diso, zwisina kuzika neimwe nze, zwisina kupinda munhangariro, ndizwo zwiro izwi zwakagatsirirwa naMwari kuno aya anomudha". ¹⁰ Izvi ndizvo zviro zvatakapangidzuwa na Mwari kubhudhikidza neMweya. Nokuti Mweya uno onesesa zvese, kudzamara zvakadzika zvaMwari. ¹¹ Nokuti ndiani anoziya pfungwa dzemunhu kunze kwe mweya wake urimaari? Nokuharo akuna anoziya zvakadzika zvaMwari kunze kweMweya Wake. ¹² Asi isusu atizi kutambira mweya wenyika, asi honde takatambira Mweya waMwari, kuti tione kuziya zviro zvatakaphuwa nyore naMwari. ¹³ Isusu tinobuya pamusoro pozviro izvi nomasoko okuti ruziyo reanhu ariafundise, asi Mweya unotifundisa. Mweya unothumbudzura masoko emweya neruziyo remweya- ¹⁴ Uya asiripi wemweya atambiri zviro zveMweya waMwari, nokuti zvakamuitira ubhenzi. Uye azviti kuti azviziye ngokuti, zvino ongororwa mumweya. ¹⁵ Uya wemweya anotonga zviro zvese, asi yena atongui nemunhu. ¹⁶ “Nokuti ndiani angazia ndangariro yaIshe, kuti aape zano? Asi isusu tino ndangariro yaKirisitu.