¹ Pauro, musungwa waKristu Jesu, naTimotio, hama yedu, kunaFiremoni, mudikanwa wedu neunobata nesu, ² nekunaApfia, mukunda yedu, nekunaArkipo, murwi pamwepo nesu, nekukereke iri mumba mako. ³ Nyasha nerugare raMwari, ngadzive nemi, Baba vedu, naShe Jesu Kristu, ngadzive nemi. ⁴ Ndinobonga Mwari wangu nguva dzeshe, ndichikurangarirai pamunyengetero yangu. ⁵ Ndinozwa zverudo nekutenda kweunako kunaShe Jesu nekuvatsvene veshe. ⁶ Ndinonyengetera kutikugovana kekutenda kwako kuve nesimba Nekuziisa zvakanaka zveshe zviri mauri munaKristu Jesu. ⁷ Nokuti tinomufaro mukuru nekunyaradzwa ngekuda kwe rudo rwako, nekuti moyo yevatswene yakavaraidzwa newe hama yangu. ⁸ Nokudaro, kunyange ndinekusunungukai keshe munaKristu kukuraira kuita zvaumofanira kuita, ⁹ kunyange zvakadaro, nokuda kerudo ndinoita zvekukumbira zvikuru, zvandakadai hangu, ini Pauro, murume a chembera, uye zvino musungwa waKristu Jesu. ¹⁰ Ndinokumbira zvikuru kwauri pamusoro pemwana wangu, wandakabereka pakusungwa kwangu, Onesimo. ¹¹ wakanga asingakubatsiri kare, asi zvinezwi unokubatsira zvikuru, iwewe neni. ¹² wandatumirazve kwauri, ena ndiye mwoyo wangu chaizvo. ¹³ Ndaida kuti agare neni, kuti panzvimbo yako andishumire pakusungwa kwangu nokuda kweevhangeri. ¹⁴ asi ndakanga ndisingadi kuita chinhu, iwe usati watenda, kuti zvakanaka zvaungaita zvirege kuitwa nekumanikidzwa, asi nokuda kwako. ¹⁵ Nokuti zvimwe wakaparadzaniswa newe chinguva nemhaka iyi, kuti ugozova naye zvashose, ¹⁶ arege kuzova muranda, asi munhu unodarika muranda, ave hama inodikanwa, munyama nomunaShe, zvikuru kwendiri, asi zvikuru kwazvo ¹⁷ Hino, kana wechiti ndiri mugovani newe, umuachire sezvaungandiachira inini. ¹⁸ Asi kana akakuitira chiro chisinakunaka, kunyange anengava newe, undiravireni izvo. ¹⁹ Inini Pauro, ndinozvinyora neruvoko rwangu, ndicharipa; ndisingarewi hangu kuti pamusoro pezveshe unengava kwandiri, ndiyewe umene. ²⁰ Eya, hama, ngandive nemufaro kubva kwauri munaShe. Udzorodze moyo wangu munaKristu. ²¹ Ndinokunyorera, nokuti ndinotenda kuzwisisa kwako, ndechiziya kuti uchaita wo kudarika pandinokumbira napo. ²² Asi panguvaimweyo ndigadzirirewo pekugara pevaenzi, nokuti ndinoemera kuti muchandipuwa inini nekuda kwekunyengetera kwenyu. ²³ Epafrasi, musungwa pamwepo neni munaKristu, unokukwazisa. ²⁴ NaMarko, naAristarko, naDemasi, naRuka, vanobata-basa pamwepo neni. ²⁵ Nyasha dzaShe Jesu Kristu ngadzive nemweya wenyu.