¹ Ntsiku ibhodzi, wadhauya. wadhaoneka wakuanda wazi khana chakudhiya. Djessu adhaidza wapfunzissi wache adhabvunza ² :Ndnaussissi na nkumbi wanaine ntsiku zitatu awana chakudhiya. ³ Ine ndikakugonekani kwenda kunhumba kwanu ne kudhiya chinu, wanadzazia mungira .wakuanda wabhudha kunbhambo." ⁴ Wapfunzissi wache wadhadhaira:" Tinaionakupi mikate kuti inakwana wentse wanu kutsangakuno." ⁵ Djessu abvunzissa:"Tina mikate mingassi?.Iyo walonga:" minomwe." ⁶ Iye adhawabvunza kuti wakhale pantsi. Iye abhata mikate minomwe, ainamatira aiguanda apassa wapfunzissi wache wagoanisse, iyo wadhagoanissa mkumbi ya wanu. ⁷ Iyo podho wakhana zvintsomba zvidhoko, padhamala iye kunamatira, iye adhabvunza wapfunzissi wache wagoanisse. ⁸ Iyo adhadhiya wadhadhekerwa. Wanhakupfunza wadhatola maphimbi akussara, ntsengua zinomwe zikuru. ⁹ Kwakhana Zvikwi zvinai zvamuna. Djessu adhawadhaila. ¹⁰ Nakukassika wadhaenda kukhoko nawapfunzi wache wadhaenda kunhika Dalmanuta. ¹¹ Napenepo wafalissi wadhauya watoma kugwenga nae.Wadhankumbira chipanguiziro chakudhenga, kuti timuone. ¹² Adzifemera nassimba mumoio mwache, adhalonga: Dzinza iri rilikulinguirai chipanguiziro? Ndizvozvene ndinakubzunzani ne chipanguiziro chibhodzi chinapaswa dzinza iri ". ¹³ Adhawassiya, adhapinda mukhoko adhambuka adhaenda kukhundu rinango. ¹⁴ Zvidhaitika kuti wapfunzissi wadhaeha kutora mikate.Wadhakhana nkate ubhozi mukhoko. ¹⁵ Djessu adhawapfunzissa:"chengerani koiyani mussunga wafalissi na waherodi". ¹⁶ Wapfunzissi wache wakhabvunzana iyo:"Ndithanguerai hatina mikate". ¹⁷ Djessu pakuzv ibva adhalonga:"Thanguerai mulikuguenga kuti hamuna nkate? Hamussati mwazvidziwa? Hamuzvidziwi ? Moiyo yanu idaoma? ¹⁸ Munamatso nkhabhe kuona? Munanzewe nhdabhe kubva? Hamuzvinherezeri? ¹⁹ paguanda ine ndaguanda mikate michanu kuti wanu wakhumi machanu wadhiye ndintsengua zingassi? "wamudhaira dhalo:"Khumi na ziwiri". ²⁰ Padhakhaguanda ine mikate minomwe yawanu makhumi manai, ntsengua zingassi zadzaza iwe?".Iyo wadhalonga:"Zinomwe". ²¹ Napenepo adhawbvunzissa:"Hamussati mwazvidziwa?" ²² Iyo wadhaswika ku Betsaida. wanu wadhaenda na bhofu kuna djessu adhakhuwa kuti amubhate. ²³ Djessu amubhata na manza akaenda nae kunza kwanhumba. Padhapfirila iye adhambhata na manza ache, adhanbvunzissa:"Urikuona chinu?". ²⁴ Pakumussa matso, iye adhalonga:"Ndirikuona wanu tenga miti irikufamba" . ²⁵ Adhambhatazwe matsoya; adhafunguka matso adhaona zventse. ²⁶ Djessu adhamuendssa kumui kwache adhambvunza: "Ussapinde namuthaundi ". ²⁷ Djessu adhaenda nawapfunzissi wache kunhumba Cesareia na Filipi. munzira, iye adhabvunzissa wapfunzissi: "Wanu warikundidhadza wani?" ²⁸ Iyo wadhadhaira:"Juwau ,Batista. Wanango warikulonga:'Elia';wanango, 'mbhodzi wawaprofiti'". ²⁹ Iye adhawabvunzissa: Mbani akubvunzani kuti ine ndine?". wadhadhaira, Pedru adhalongo:"Iwe ndiwe Cristu". ³⁰ Djessu adhawabvunza kuti wagombe kubvunza munu zwentse zvaonaiyo kwaiye. ³¹ Iye adhatoma kuwapfunzissa kuti mwana wamunu anadzaona madhambuziko anadzarambiwa na wakuru , wassardoti na walembi, wanamuraiya, anadzamuka, pakumara ntsiku zitatu. ³² Iye adhalonga izvi pamphene. Napenepo Pedru, adhamudhainza pakhundu atoma kumuranga. ³³ Napenepo djessu adhazungunuka, adhadzeza wapfunzissi, adharanga Pedru, adhamubvunza:" hirira massure mwaine sathani! hussanhezere zvinu zvamulungu, zvamunu. ³⁴ "Napenepo iye adhadhainza mukumbi nawapfunzissi wache adhalonga:"Ninga pamunu alikudha kunditowela, ngadzilambe iye, atole muchinjikwa anditoere. ³⁵ Uie alikudha kuponessa upenhu wache, anahugomba, Ule analassikirwa na upenhu wache na kudha waine nakuparidza, iye anaponeswa. ³⁶ Ntsuai zvinaganhari iye padziko achiluza upenhu wache? ³⁷ Ntsuai zvinachinza munu paupenhu hache? ³⁸ Ure anandinhara ine namafa angu, mwana wamunu adzamunhalambo pakuiya pabhambo nawatumwa wakuzvuru".