¹ Djessu abhudha penepo auia kumataka ache adhambarwa iye, wapfunjissi wache wadhamutewera. ² Paswika iyo sabhudhu, iye apfunjissa mussinagoga. Wakuanda wadhazwibva adhagara nakudjudjumika. Iwo Wadharonga: apfunja kupi iye mapfunjissiro enea?. "kudziwa kwai kweneku kwapassiwa iyeku?. "zwichamisso zwai zwinaita iyezwi namandja achea?." ³ "siebha nhamussema matabhua, mwana waMaria, mubhare watiago Juse,waJuda nawaSimau? wabhare wawo wakadzi hawazi naife?". Iwo wadhadzinhadzissa nadjesso. ⁴ Djessu adhawabvundza : "Hakuna muprofita hassina kukuzuwa ,peno kugara kumataka ache adhabharwa iye, nadzinza rache, kumui kwache" ⁵ .Iye hazi khadhikana aite zwichamisso penepo,peno wanango watenda pawenepo iye adhaiga mandja ache adhawarapa. ⁶ Nakugobha kutenda kwawo adhawassia nakudjudjumika. Iye abhudha mumaruani achipfunjissa. ⁷ Iye adhainza khumi nawairi atoma kuwaendessa, wairi wairi ; awapassa simba thangwe ramizimu iyakunhangara, ⁸ Iye adhawapfunjissa kuti hapana anatora chinhu munjiramu ,peno kutora ntswimbo ibhodzi: peno nkate, peno chikwama, peno matshereni mubande rakomu, ⁹ bvara ntsapato nakudharo ussabvare nguwo ziwiri. ¹⁰ Adhawabvundjazwe:"kana mukapinda munhumba, ibhodzi kharani mwenemo kuswikira mwassia mbutoi. ¹¹ Khara mbuto ibhodzi ikaramba kukutambirani peno kukubverani, mukabhudha penepo vruzani pfumbiri pantsi pantsoka zanu,nakupupura thangwe raiwo" . ¹² Iwo wadhabhudha wadharonga kuti wanhuwa wakhadhikanika wapupure kunhangaza kwaoku. ¹³ Wakhabhudhissa madhimonho akuanda, akhadzoza watenda namafuta akuanda achiwarapa. ¹⁴ Mambo Herode anazwibva zwenezwi dzina radjessu rinadzadzirikanika kakuanda.Wanango wadharonga: "Juwau,Batista ,amussiwa muanhakufa thangwe razwenezwi, massimba anea achissamissoia arikussenja munaiyemu. ¹⁵ Wanango wakharonga:Iye ndiElia" .Wanango wachirongambo iye ndimuprofita mubhodzi, ninga muprofita wamaprofita akare ". ¹⁶ Herode padhabva iye zwenezwi, adhalonga: "Juwau, aguanda ine mussoro amussiwa" . ¹⁷ Thangue Herode assunguissa Juwau amuikha mukardhyabhossuwe thangwe rakurambissa Herode kutora (mukadzi wamubhare wache Filipi),akhadhabhanhirwa naye. ¹⁸ Thangue Juwau adhabvundza Herode : "Hazwitenderwi kuti munhu atore mukazi wamubhare wache " . ¹⁹ Napenepo, mukazi wa Herode akhakoia marwa tangue raJuwau akhadha kumuraia,penepo hazwizi kudhikanika, ²⁰ thangwe Herode akhatshia Juwau, iye akhadziwa kuti iye ndimunhu waderetu wakuchena, akhamuiga pamassupai. Pakubva Juwau, Herode adhagara nakukonzeka, dhanoku akhazwibva nakudha kwaderetu. ²¹ Dhanoku, ntsiku ibhodzi ikhassaka iye adhawapassa mbuto nathangwe rakuita chaka, Herode adhapassa kudhya wakuru wamassupai nawakuru wamuGalalea. ²² Mwana wamukazi waHerode adhauia adhatamba kuti apfantsisse Herode nawanhakudhainzuwa wache. Mambo abvunza mussikana: "Ndikunbire chinadha iwe ine ndinakupassa" . ²³ Iye adhadhumbira achironga : "chibhodzi nachibhodzi chinandikumbira iwe ine ndinakupassa, kuswika pabhimbi raumambo hangu" . ²⁴ Iye abhudha abvunza mai wache : "ntswai zwinadhikana kuti ndimukumbire?"Iye adhadhaira:"Mussoro waJuwau, Batista" ²⁵ .Iye nachibhaubhau akassika kuhirira kuna mambo amukumbira achilonga ndirikudha undipasse , chinchino, paparato ibhodzi ,mussoro waJuwau, Batista" . ²⁶ Mambo anhamgarirwa kukuru, nathangwe rakudhumbira kwache nhakudhainzuwa hazi khadhikana arambe mukumbiro wache . ²⁷ Napenepo mambo adhatuma mussupai mubhodzi wawarindi wache adhamubvunza uissa mussoro waJuwau. Mulindi adhaenda mukadhyabhossuwe aguanda. ²⁸ Iye auissa mussoro wache muparato amupassa mussikanai iye apassa mai wache. ²⁹ Pakubva zwenezwi wapfunzissi wache wadhauia wadhatora nhakufa wawo wadhamuiga munhumbi. ³⁰ Maphostolo, Adhaungana pamberi padjessu wadhamubvunza zwentse zwidhaita iwo wachipfunzissa." ³¹ Iye adhawabvunza uiani kumbuto ibhodzi iyamutsesseti pumani pangani" . Nadharoku wakuanda wakhaenda nakuona iwo wazi kugara nangane peno iyakudhya. ³² Napenepo wadhaenda wariokha mukhoko, kumbuto ibhodzi iyamutsesseti. ³³ Wakuwanda wadhawaona wachibhudha wadhawadziwa, wadhathamanga pabhodzi, namwendo mathaundi entse, iwo wadhaswika hawassati waswika iwo. ³⁴ Padhaswika iwo, djessu adhaona mukumbi uhbodzi ukuru agara nawo nakudhekerwa nawo thangwe wakhagara ninga mabhira hassina mukumbi. Iye atoma kuwapfunzissa zwinhu zwakuwanda . ³⁵ Pakupinda ngani wapfunzissi wadhauia kuna iye wachironga:"Inei ndimbuto ibhodzi iyatsesseti ngani iri kupinda. ³⁶ Wagonekeni kuti waende kumaminda nakumaruani kuti waende katenga chinhu wadhye". ³⁷ Djessu, achiwadhaira, ahdawabvunza : "Imwe wapasseni chinhu kuti wadhye" .Iwo wadhamubvunza tiende katenga mazana mairi adhenerio amikate kuti tiwapasse kuti wadhye?" . ³⁸ Iye adhawabvunza: "Munamikate mingassi imwe? Muende kaone" ."Paona iwo, walonga: Tinamikate michanu nantsomba ziwiri " . ³⁹ Iye adhalonga kuti rentse dhungweri rigare patsanga rambissi. ⁴⁰ Iwo wadhagara mudhungwe; razana naramakumachanu. ⁴¹ Iye abhata mukate nantsomba ziwiri, adjeza mudzauru, akomborera aguanda mikatei apassa wapfunzissi wache kuti waigue pamberi pawanhu. Waguanda ntsomba ziwiri kuna wentse. ⁴³ Wentse wadhadhya waguta. ⁴² Iwo wadhatora maphimbi amikate iyakuguandika, ntsengua khumi naziwiri zakuanda ponhozwe namaphimbi antsomba. ⁴⁴ Wakhari zwuru zwichanu zwawanhu wanddhya mikate. ⁴⁵ Nakukassika iye aita kuti wapfunzissi wache wapinde mukhoko watewere kumberi kwache kuti waende kukhundu rinango raBetessaidi, djessu achipfunzissa dhungueri. ⁴⁶ Padhabhudha iwo, iye akwira bhango kuti anamate. ⁴⁷ Auya naussiku, khoko rikhari chinchino pakati pathambe, iye akhari ega pamataka. ⁴⁹ Iye aona kuti iwo wananhukwara pakutchova, napenepo gucha rikhuia nassimba. Penepo pakuhirira kwachinai pakuonerera kwamaussiku iye auia akhadha kuti apinde napamberi pawo. ⁴⁸ Padhaona iwo achifamba pamadzi, wakhanherezera kuti ndichiphoko. ⁵⁰ Iwo wadhamona wagara nakutshia. Nakukassika iye adhawabvunza: Kharani wanhakugomba kutshia! Ndine !Mussatshie" . ^{51 52} Iye apinda mukhoko nawo, gucha ratoma kuimira. Iwo wakhari wakukwana wakuchamissika. wazi kuzwibhata tangwe ramikate, nazwenezwi moyo iyawoi ikhari iyakutsauka. ⁵³ Pakupeza kuthatha, iwo wauia kumataka aGenesare waimissa khoko. ⁵⁴ Padhabhudha iwo mukhokomu, nakukassika wanhu wadziwa djessu. ⁵⁵ Wanhu wadhaenda rentse dzikori watoma kumuissira watenda pamakha pakhadha kubva kuti waripo. ⁵⁶ Parikudha iye kuti apinde muruwani, muthaundi peno mutsanga iwo wakhaiga watendawa panhene wakhakumbira kuti padhoko bhassi awatendesse kukhuia nguwo zachezi. Wentse wakhamukhuia wakharapiwa.