¹ Kupera kwa Sabhudhu, Maria Madarena, Maria namai wa Djakobho na Salome wadhatenguessa zwakunukhira kuti aende kakhukha Djessu. ² ntsiku yakutoma ya, sumana nakubhudha kwadjuwa, iwo wadhabhudha kunhumbi. ⁴ Iwo wadhabvunzissa mbhodzi na mbhodzi:"Mbani anadhussa bhuye panhumbi?" ³ padhadzezessa iwo wadhadzaona bhuye radhussiwa, rikhari rikuru . ⁵ padhapinda iwo munhumbi, wadhaona mphare akhabvara nguwo zakuchena, adhakhara pakhudhu ra mudhye, wakhara wakudzudzumika. ⁶ Iye adhawabvundza :"Mussache. Lingani djessu, Nazareno, adhakhomerwa. Iye adhamuka! Hapana pano. Ndokoni pambuto padhaikwa iye. ⁷ Napenepo ndokoni kawabvunze wapfunzissi wache Pedru kuti dessu anaenda kumberi kwa na kwaGalilea. Kweneko munadzaona zwenezwi,Tswai zwidhakhawabvundza iye. ⁸ Iwo wadhabhudha nakuthamanga panhumbi, wadhakhara nakutsha. Wadhazi kubvunza munhu, napenepo wakhara nakutsha kukuru. ⁹ Padhamussiwa iye namachibhesse pantsiku yakutoma yassumana, djessu adhatoma kuswikira Maria Madalena,adhadhussa madhimonho manomwe. ¹⁰ Iye abhudha apanganidza kunawanhu zwidhaona iye, padhakhagurukuta iwo nakurira. ¹¹ Iwo wadhabva kuti djessu ari matso kuti adhaoniwa na iye, napenepo hawazi kumutenda. ¹² Kubhudha pazwinhu zwenezwi, iye adhauia na mushobho wakussiana-siana kuna wairi wache, pakhaenda iwo nanjira yakumunda. ¹³ Iwo wadhaenda chironga kunawapfunzissi wanango nadaro wenewa wazi kutenda. ¹⁴ Nadaro, djessu adhauia kuna khumi na mbhodzi, pakha kotama iwo patsari, adhawabvunza kuoma kwamoio yiawo, nakureka kutenda kuna ware wadhazwibva kuti iye adhadzamussiwa. ¹⁵ Napenepo ,adhawabvanza:"Ndokoni mudziko rentse, ndokoni chiparidza vangueri muzimbuto zentse. ¹⁶ Kuti ure anatenda anadzabhiziwa anadzaponessiwa,ure nkabhe kutenda andzazondiwa. ¹⁷ Zwipanguiziro izwi ure anadzazwitenda nadzina rangu anadzathamanguissa madhimonho,iwo wanadzaronga malonguero anhuani, ¹⁸ wanadzabhata nhoka namandza napenepo wanadzanwa chinhu chinourai, hazwiwaurai; wanadzanamatira wakurwara iwo wanadzaomeswa. ¹⁹ phadhapeza iye djessu kulonga nawo ,adhaenda nae kudhenga adhakhara kubhoko ramurge ra Mulungu. ²⁰ wapfunjissi wache wadhaenda kaparidza nbuto zwentse, napenepo mbuia akhassenza naiye akhazwitenda namifananidzo nazwipanguiziro zwakhamutewera.