¹ Dharo Dhesso, adha bhatua na nzimu wakutchena, adha hirila ku nkulo wa Djordani adhaendessua na muzimu kutchesseti. ² Ntsiku makhumi manai, iye adha iyesserikuana dhimonho. Pantsiku zenezi, Djessu hazi kudya tchindhu pakumalissa iye ava nzara. ³ Dhimonyo amubvundza "Ukati iwe ndiwe mwana wa Mulungu tchinjha bhueri ri hite nkate''. ⁴ Jhessu adhadhaira: "Zwidharembwa, ne na nkate woka munthu anararama". ⁵ Dharo dhimonyo adhamutora kuenda naye pambhuto iyakudzuka, adhamupanguiza wentse umambo wa dziko. ⁶ Adhalonga: Yne ndinakupassa wentse hukulu wakukwanissa wentse utongui wenei, na zventse zviri penepazvi.Ine ndidhazvi passiwa; ine ndhina passambo ule anadha ine. ⁷ Dharo ukandizvessera utchindinamata zventse izvi zvitchakara zvako. ⁸ Mbhapo Djessu adhaira, atchilonga: Zwidharembwa namata Mbuya bhassi Mulungu wako iye bhassi umunamatire. ⁹ Bhudha penepo dimonho adhatora Djesso kwenda ku Jerusalem; Adhamuikha pambhuto yakudzuka iya nhumba ya Mulungu; Adha longa ukakhala iwe ndiwe mwana wa Mulungu dzwika apa. ¹⁰ Zvidharembwa: "Iye anadzapassa mutemo watumwa watche wakukoe na kuonerera." ¹¹ Napenepo adhalonga: "Iyo wanakuphata na mandza awo kuti muendo zako zireke kukhukwa na bhuiye. ¹² Djesso adhaira atchilonga: "Zvidharembwa, ussaessere Mulungu wako" ¹³ Pakumara kwa zvenezvi dimonho adhathawa penepo . ¹⁴ Napenepo Djesso adha hirira ku Galileia, na simba za nzimu wakutchena, massoko pansolo pa iye akamwazika pentse pa paychissa tchapaduzepo. ¹⁵ Akafhunzissa mussinagoga wentse wanthu wadhamunamata. ¹⁶ Iye adhauiya ku Nazare pa thaundi ridha kura iye, Ninga nsambo, iye apinda mussinagoga, ntsiku iya nsabhudhu, amuika aherenga zvinthu zva kurembwa. ¹⁷ Napeneo adhapasswa bhuku lamu profiti Isaia padha fungura iye adhagumana mbuto idharembwa: ¹⁸ Muzimu wa mbuia uri naine, mphapo iye andibvera kuti ndiparidzire warombo.Iye andituma kuti ndilongue kutsudzuka kwawo na kufungura mabhofu matso awo, toera kutsudzura wadha sungwa na pikadho. ¹⁹ Na kudziwissa ntsaka ntsaderetu ntsa mbuia. ²⁰ Zwino iye adhafunga bhukhu, ahirindza kuna waonereri waku sinagoga adha gara pantsi.Wentse kussinagoga wakadzeza iye. ²¹ Iye adhatoma kwabvunza: "Lero tapeza malembua adhabva imwe". ²² Mbhodzi na mbhodzi adha dhairira zwidha longa iye, wentse iwo wadha kadhekerwa na massoko akabhudha pamuromo patche. Iwo wadhakalonga :wenei siebha mwana wa Jose". ²³ Djesso adhawabvunza: Ndimomwene ndibvundzeni malonguero aiya: "Mulapi, anarapa iwe.Itambho kudziko rako zvuentse zvwabva ifezvi zvidhaita iwe ku Cafarnaum". ²⁴ Iye adhalonga: Ndinakubvunzani kuti hapana muprofiti anatambirwa zwaderetu kudziko latche. ²⁵ Mphapo ndimomwene ndiri kukubvundzane kuti kwakana wakazi wazindji wakussiwa ku Israel pa ngani iya Elias, pakari na zwaka zwitatu na ntsama kussina kugwa madzi, kudhawoneka ndzara ikuru lentse dzikori. ²⁶ Mphapo Elias hadhazi kutumirwa pa mbhodzi. Adha tumwa bhassi pa nhakussiwa mbhodzi akakhara ku Sarepta, paduze na pathaundi la Sidom. ²⁷ Pa ngani iya muprofiti Eliseu, wakhalipombo wanhakuramara wakuanda ku Israel, mphapo mbhodzi bhassi adharapiwa, Naama, o Sirio". ²⁸ Wentse wadhadzara ku Sinagaga padha zvibva iwo zvindhu zvenezve. ²⁹ Iwo wadhamuka, wadhamudhussa kundza kwa thaundi wadhamuendessa pantsonga iya bhango tangwe thaundi rawo rakaronzwa, kuti wamuguisse pantsi. ³⁰ Mphapo iye apinda na pakati pawo adhaenda na nzira iyatche. ³¹ Zwino iye atchitha ku Cafarnaum, thaundi libhodzi ra Galileia. Ntsiko za nsabhudhu iye akafhunzissa wanthu ku Sinagoga. ³² Iwo waka dzudzumika nakufhundzissa kwatche, tangwe akalonga na simba. ³³ Ntsiku zenezi musinagoga, muakana mamuna mbhodzi akahonererwa na muzimu wakunhangara. Iye aka nkhuwa na simba: ³⁴ "Ntswai zvina ife na iwe , Djesso wa ku Nazare? Iwe wahuia kudzatifudza? Ine ndinadziwa ndiwe wani, nzimu wa Mulungu". ³⁵ Djesso adhadhaira dimomyo, atchilonga: "Matama, bhudha kuna iye!". Dimonyo adha linguissa pantsi pakati pawo adhabhudha ne kuita zwakunhangara. ³⁶ Wanthu wagara na kukangaidzika, mbhodzi na wanango wakatchedza: Ndimassoko ayi eneiya? Na simba rakuthamanguissa mizimu iyakunyangara iyo itchibhudha". ³⁷ Massoko tangwe ra iye amwazika zentse mbhuto za ntchissatchi. ³⁸ Zwino Djesso adhassia sinagoga adhaenda kunhumba ya Simau. Madzwara wa Simau akabhonera na kurwara kukuru, iye adhamukumbirira mudzina la Mulungu. ³⁹ Djesso adhakotama pansolo patche ndhenda idhabhudha, idhamussia. Tchilipolipotchi iye adhamuka adhatoma kwassenzera. ⁴⁰ Paka thobhima ndzuwa, wanthu wadhauissa kuna Djesso wentche wakakonzeka, matenda aku siana_siana. Djesso pakuiga manza pansoro wa ubhodzi nambhodzi wakaporeswa. ⁴¹ Madhimonyo akuwanda adhabhudha pakati paiwo, wakakhuwa watchilonga: "Iwe ndiwe mwana wa Mulungu!". Djesso akawathamanguissa madhimonyo, azi kawassiya walongue, tangwe wakamudziwa kuti iye ndi kristu. ⁴² Kwakuetcha kwa ntsiku, Djesso adhaenda kutchesseti ka namata. Mbumba yakamussaka wadhauiya pambuto iyakari na iye. Wadhakamufhunzira kuti aende. ⁴³ Mbhapo Djesso adhawabvunza: "Ine ndiri kudha kuparidza mafala anyuwani ambhuto ya Mulungu mu mathaundi akuwanda, ndi tangwe razvenezvi ine ndatumwa kuno". ⁴⁴ Zwino iye adhaienderera na kuparidza mussinagoga na iyentse mathaundi a Judeia.