¹ Ntsiko zenezo, Mukulo Cesar Augusto adhatuma mutemo kuti kwoneke kuremberwa kwa wadhu wagara Mudziko. ² Zwenezvi zwaitua kutoma kwene, pakari Quirino mambo wa Siria. ³ Dharo wentse wadhaenda ku thaundi kwao kuti waremberwe. ⁴ Jose adhabhudhawo ku thaundi la Nazare, ku Galileias, kwenda ku Belem, ,ku Judeia, kwakudzikanika ninga thaundi la Davi, iye akari ndzinza la mambo Davi. ⁵ Jose aenda na nkwenya watche Maria kuti aremberwe. Iye akari mimba. ⁶ Zwaitika kuti padzanshwika iye ku Belem, iyakari ngani ya kuti Maria akare na mwana. ⁷ zvino iye abhara mwana watche wakutoma ,Iye adhanfukutidza na massakara. Bhudha penepo adhamuiga mumwadhiya wakudhiera zwifuio kwakhana mbutho iya iwo kunhumba iya warendo. ⁸ Penepo pambuto ibhodzipo wafhunjissi wanango wakri kumunda, kulinda mabhira awo tchaussiku. ⁹ Ntumwa mbhodzi wa Mulungu abhudhikira kuna iwo tchiedza tcha mbuiya tchakavhenekera kuzenguerera iwo; Wentse wadhagara nakukangaidzika. ¹⁰ Nakudharo, ntumwa ahdawadvundza: "Mussatchiye, ndakuissirani zwakudheka kwakutsanzaiya kwa wentse wanthu. ¹¹ Lero kuthaundi la Davi, wakubharirane mponessi. Iye ndi Cristu Mbuiya! ¹² Munadzamudziwa na tchipanguiziro itchi: Iye anadzafukizwa na massakara atchigonessua mumwadhiya wakudhiera zwifuiyo". ¹³ Chilipolipotchi wakwanda watumwa kubhudha kudzuru, washwika wabhatana na mutumwa

ndzawo wanamata Mulungu watchi longa:

¹⁴ Mbakuzwe Mulungu pangani iyakuoneka mutendere pantchi na wathu Mulungu alikudha zwaderetu. ¹⁵ Pakuhirira kwa watumwa kwenda kudzuru wafhungissi wadhazvunzan: "Mbatende nakukassika ku Belem tione zwindhu zwakudzudzumissa zwaitikazwi Mbuiya atendessa tidziwe"'. ¹⁶ Waenda nakukassika kweneko wagumana Jose na Maria wakagona. Waona mwana akagoneswa mumwadhiya wakudhiyera zwifuyo. ¹⁷ Padhawona iwo zwenezwi, iwo wadhahemba na wandhu wadhazvunzwa iwo thangwe ra mwana. ¹⁸ Wentse wadhagumana na wafhungissi wadhagara wakudzudzumika na zwidhawona iyozwi. ¹⁹ Dharo Maria akakoiya zwentse zwakadhavha iye akazwikoiya zwenezwi mu moiyo mwatche. ²⁰ Wafhungissi wadhahirira kukuza watchitenda Mulungu, zwentche zwavha iyo na zwawona iyo ntswa ndimomwene ninga zwazvunzvua iyo na ntumwa. ²¹ Pa ntsiko iya tchisere, iyakadhafika ngani iya kugwanda ndhembe mwana. Iyo wamuthudza ndzina Jessu, ndidharoko nchobho udhamudhaindza nthumwa, assati kubhudha mumimba. ²² Padhapinda ntsiko zatche zakutchenesswa, pabhodzi na ntemo wa Mosesi, Jose na Maria wadhatora mwana kwenda kunhumba iya Mulunmgu, ku Jerusale, kiamupanguiza kuna Mbuiya. ²³ Wakadha lembwa mutemo wa Mbuiya. "Wentse mbhare an mbharwa ndhangwe anadhikanika atchenessue kuna Mbuiya". ²⁴ Pabhodzi na mutemo wa Mbhuiya iyo wakadhikanika wapereke madziwa mairi peno nkangaiwa ziwiri. ²⁵ Ku jerusaiem kwakana mamuna mbhodzi acadhaindzwa Simea. Iye akari waderetu wakutendera. Iye akakharira kumatamissua kwa Israel na nzimu wakutchena wakari naiye. ²⁶ Muzimu wakutchena wapanguizila kuna iye kuti haudzafi wassati kumuwona kristu adhalonguiwa na Mulungu. ²⁷ Atchiperekerwa na nzimu, Simeao aphinda munhumba iya Mulungu. Jose na Maria wauissa mwana, Jessu kwiti akwanisse mabhassa akadhikanika pamutemo. ²⁸ Simiao atambira Jesso mumabhoko mwatche anamata Mulungu atchilonga: ²⁹ Mbuiya nditendereni ntchintchino kuti nhabhassa wanu aende na mutendere, thangwe akwanissa kuita zwense. ³⁰ Dharo masso hangu hawona kuponesswa kwako, ³¹ kwa iywe kurondzera pamberi pa wentse wandhu; ³² Ntchibvenekero tchidhabvenekera wassikanamati, nakunamata kwa wandhu wa Israel". ³³ Wabhambo wa mwana waka dzudzumika na zwindhu zwakarongwa pakodzo latch. ³⁴ Simiao awakombolera atchibvunza Maria mai watche: Mwana wenei adhaitiwa kuti apanguizirwe zwakunhangara ninga kumussa wakwanda ku Israel kupanguizira kweneko kutcharambua ³⁵ (dharo trassadha ibhodzi inadzaphaiya mumoiyo mwako), ninga manherezero amoiyo iyakuwanda anadzadzikanika. ³⁶ Mprofiti mbhodzi akadhaindzwa Ana akariwo kweneko. Iye akari mwana wa Funuel dzindza la Aser. Iye akari nkaramba, Akhara na mamuna watche zwaka zwinomwe tomera pakari iye nhamwari, ³⁷ dharo adhadzagara muzitche zwaka makumassere na zwinai. Iye assati kussiya nhumba ya Mulungu, atchikuza Mulungu kwenda na kwenda na mitchanho atchinamata hussiku na massikati. ³⁸ Pangani ibhodzibhodziyo iye atoma kuita mwaitabhassa Mulunguna adhalonga tangwe la mwana na wentche wakakhalira kurekererwa ku Jerusalem. ³⁹ Padha marissa iyo kuita zwentche zwakadhikanika pabhodzi na mutemo wa Mbuiya, iwo wahirira ku Galileia, ku thaundi kwatche, ku Nazare. ⁴⁰ Mbhare akakura nakukassika, achigamira, achidzazwa na kutchendjera kutenda kwa Mulungu kwakari na iye. ⁴¹ Wabhambo watche wakaenda zwentche zwaka ku Jelusalem, ku mphwandho la pascua. ⁴² Jesu padhaita iye zwaka nkhumi na zwiwiri, ywo wadhaenda ku mphwandho, ninga zwandzolero. ⁴³ Pakupera kwa ntsiku za mphwando paku hirira, adhassarira mbhare Jesu ku Jelusalem, wabhambo watche ne kuzwidziwa. ⁴⁴ Wakanherezera ali pa nkumbi wakaenda na iywo.Pakupinda ntsiku ibhodzi iywo wadhatoma kumussaka mwa famidhia na mwachamwari. ⁴⁵ Padhareka iywo kumuwona ,iywo wahirira ku Jelusalem wa watoma kumussaka kweneko. ⁴⁶ Pakupinda ntsiku zitatu, iywo wamugumana munhumba iya Mulungu, adhagara na wanhakulondza, atchiwazvessera atchiyta mizvundzo. ⁴⁷ Wentse wakamuzva wakagara wakudzudzumika na kuzvessessa kwatche na kudhaira kwatche. ⁴⁸ Padhawona iywo Jesu wadhakara nakudzudzumika. Dharo mai watche adhamuzvundza: "Ntswai waita zwenezwi kuna ife? Bhambo wako na ine taka tanbura kulinga". ⁴⁹ Jesu adhaira: ''Ntsway imwe makandissaka? Hamuzwidziwi kuti ine dhekana ndhi khare kunhumba iya bhambo wangu''? ⁵⁰ Zwino iywo hawazi kuzwibhata kuti zwalonga Jesu zwi zwalonguerai na mafala eneiya. ⁵¹ Dharo Jesu ahirira na wa bhambo watche ku Nazare, wakadha ntsamwa, mai watche akadha zwikoiya mumoiyo zwenezwi. ⁵² Zwino Jesu akakura na kutchendjera atchithimizira ussissi wakana Mulungu na wandhu.