¹ Saka hama,tinamatirenhiwo kuti shoko lambo rigume ndhambo ngokukasika nokukudzwa,sezwinoitikawo nayemwi, ² notiwo tisunungurwe pavandhu vakashatirwa nokushata,ngokuti asivese vano tenda. ³ Asi mambo wakatendeka ende usazomuvanguisa nokumungwarira paakaoma. ⁴ Yesu tinokugonda munaMambo kamuri,kuti munoita nokulamba mosiita zwandakamubvunja. ⁵ Mambo ngafambise mweyo djenhu muRudho laMwari kuti muzoshinguirira munaKrisito. ⁶ Saka hama,tinomubvunja, muzina laMambo wedhu djesu krisito,kuti siyananhi noHama djia djinolalama nochimweyo mweyo zwinonga zwakazosiyana nomuthetho djitakamupa. ⁷ Ngokuti yemwi munozwiziva kuti munofaneya kutiyedjerera. Yesu atina maitiro anomusikazwa pakati penhu, ⁸ ende atirhyi chikafu chomundhu tisina kubadala. Asi takashanda mukushinga nomukuneseka usuku nomasikati kuti tisame kunga tiri muthwalo kwamuri. ⁹ Asikuti atina umambo,asi tinofaneya kuva muyezaniso kamuri,kuyetera kuti yemwi kukwanise kutiteveredjera. ¹⁰ Patainga nayemwi,takamubvunja izvi: "Kana mundhu asingadhi kushanda,ena afaneyi kurhia". ¹¹ Ngokuti takazwa kuti vamweni venhu apana zvavanoita;vona avashandi,asi vanonghenera pakati pavanoshanda. ¹² Saka tinovabvunja nokuvapanga munaMambo djesu krisito,kuti ngoku garisika,vashande nokuti vazorhia chikafu chavo. ¹³ Asi yemwi hama,musaremba kuita zvakanaka. ¹⁴ Kana mundhu asinga teveri shoko ledhu mutsamba ino,mumakenhi mosama kubhatana nayena,kuti ngomaitire onawawo,ena azodana. ¹⁵ Musamuwona semuvengui wenhu,asi mupanguenhi seHama yenhu. ¹⁶ Ena mambo werugare ngaamupe rugare panguva yese nomaitire ese. Mambo ngave nayemwi mese. ¹⁷ Uku ndikona kumusa kangu Paulo ,ndinonhola ngonhala djangu,chinonga chiri chiratidjo mutsamba djangu djese. ndoo manhorere angu. ¹⁸ Nhasha djamambo wedhu djesu krisito ngadjive nayemwi mese.