¹ Muregere, kudaizve, zvakashata, nokuchengeja kwese, nokuzvitisa, nondhurumwa, nokuvereketa kwese kwkashata, ² mechida zvakanaka, ngati mwana opanhara, mukaka omazwi, achiripi okuchengeja, kuti pakati penhu meikura pakuponeswa; ³ ejanhi kuti Mambo wakanaka. ⁴ Kwedheranhi kwaari, kuti ibuwe rinopona, rakarambuwa kuvandhu, asi rakasanwa kaMwari. ⁵ Asi imwimwivo, makaita buwe rinopona, makavakwa tenga nhumba yo mweya omapiristi vazvene, vanodakajisa Mwari pakati pa Jesu Kristo. ⁶ Asi zvakadiwhavo pamatahotaho: Asi inini ndinozodira pasiao buwe rakakwana ropakhona, rakasanwa nokudakaja. Anoritenda mbhera narini azonhowejwi. ⁷ Ngokudaro, kwamuri, makatenda, asi kuvahedeni. Buwe rakarambwa novavaki, irona rakaita rakakura ropakhona, zvakadaro, ⁸ Buwe rokukhugunha, ibhuwe rinokutambuja. Ivona vanokhugunhika pamazvi ngodava yokuita hasha, kwavari vakahesewha. ⁹ Asi imwimwi ndimwi mphungano yakasanuwa, Mapiristi vokukwana, nhika yakachena, mphungano wakawannwa; kuti vateketese vhangeri rowiya wawakadhainjua kuvha pchidhima kuenda pakujeka pakanaka. ¹⁰ Muchito, maenga muchipi mphungano, asi wari ma mphungano ya Mwari. Mucito mainga muchizivi kuhaashira nhasha. ¹¹ Vadikani, tenga vafambi vonhikanja, inini indinomuvhunja kuti mugare ndhambo nochidhisiso chonhama, ¹² Inowhusana no mweya, kuti mugare nowhuru wakanaka pakati povahedeni; kuti, pazvia zvenhu, tenga mambhavha, anoshata kuvereketa, pavanohoniwa asi Mwari ngondava yo mushando yenhu yakanaka aviye. ¹³ Garanhi ndhambo nomatongero ovandhu, ngodava ya Mambo; Kana uri Mambo asi urimukuru; ¹⁴ Kana kwatongi, vakatmwa ndivona, asi pakuda kutambuja mambavha, echipa rureremejo kuvanoit zvakanaka. ¹⁵ Asi uku kuda kwaMwari, kuti, maita zvakanaka, nhararanhi mechiyerusa mapenji. ¹⁶ Garisikanhi novandhu vakasungunuka, asi muchashandisa runhararo kwakakura kuvandhu vakashata. Ngokudaro, itanhi tenga varanda va Mwari. Reremejanhi vese: ¹⁷ Mechida hamanohama, mechityia Mwari, Mechireremeja Mambo. ¹⁸ Varanda, garanhi nokutyia kwese kuno majimambo yenhu, kuchipi vakanaka nokunhara, asi kuvaiya vanomuchaichiravo. ¹⁹ Asi kuzviro zvakadakaja kana mundhu, ngondava yopakati pa Mwari, ngaeje kuwhajiwha, eitambujika kakashata. ²⁰ Asi, kuitirenhi kukwanisira kupanichua ngokuita chitema? Ngokudaro, enga, kuita zvakanaka, munodika kukwanisa, izvi ngozvaMwari. ²¹ Asi izvi ngokudaro makadaijua, ngokuti Kristo wakatambujikavo kwamuri, echisiya mufananijo kwamuri, kuti mutevere mudhanho jondhojo. ²² Asi iyena azivi kuita chishaishi, kana nokuchengeja akuzivi kuwanika pamuromo pake. ²³ Paituka, iena achaitukepivo. Paitambujika iena achainesepi vandhu; kuchiripi kudaro, waipekeja kunovandhu vaitonga zvakanaka. ²⁴ Asi iyena wakatora zvishaishi zvedhu ngopamuviri pake pamutanda, kuti itusu, tingafa pazvishaishi, tipone pakururama. Ngochivonje chake takarapwa. ²⁵ Ngokuti imwimwi mainga tenga magundata akarasika mugwanja; asi wari matendeuka kuva fundisi vanoonerera mweya jenhu.