¹ Hino tichati Abhurahamu, teteguru vedu panyama, wakawana? ² Nokuti dai Abhurahamu akacheneswa nemabasa ake, ungadai anechinhu chaangazvirumbidza nacho; asi haana pamberi paMwari. ³ Nokuti Rugwaro runoti kudini? ''Runoti: Abhurahamu wakatenda Mwari, kukanzi kwaari ndiko kutendeka. ⁴ Zvino kuno unobate-basa, mubairo haunzi ndowenyasha, asi ndowengava. ⁵ Kunousingabati, asi unotenda kunaye unocheneswa munhu usingadi Mwari, kutenda kwake kunonzi kwaari ndikokurtendeka. ⁶ Sezvinorevavo Dhavhidhi, kuti wakaropafadzwa munhu unonzi naMwari wakatendeka, kunze kwemabasa. ⁷ achiti: ''Vakaropafadzwa vakakangamwirwa zvisatendeka zvavo, Navakafukidzirwa zvichaichi zvavo. ⁸ Wakaropafadzwa munhu usinganzi naShe unezvivi'' ⁹ Zvino kuropafadzwa uku ndokwavakadzingiswa, kana kwavasina kuchecheuswa here? Nokuti tinoti: ''kunaAbhurahamu kutenda kwake kwakanzi ndiko kururama. ¹⁰ Zvino zvakanzarwo seiko? Atodzingiswa, kana asinakudzingiswa here? Hazvina kunzarwo adzingiswa, asi asina kuchecheuswa''. ¹¹ wakapiwa chiratidzo chokudzingiswa, kuti chive chisimbiso chokururama kokutenda, kwaakanga ana'ko asati adzingiswa; kuti ave baba vavose vanotenda, kunyange vasina kudzingiswa, kuti vagonzi vakarurama. ¹² Ave baba vokudzingiswa kunaivo vasina kudzingiswa bedzi, asi vanofambavo mumakwara okutenda kwababa vedu Abhurahamu, kwavaiva nako vasati vadzingiswa. ¹³ Nokuti chipikirwa chokuti uchava mugari wenhaka yenyika hachina kupiwa Abhurahamu kana rudzi rake nomurairo, asi nokururama kokutenda. ¹⁴ Nokuti dai vomurairo vari vagari venhaka, kutenda hakunamaturo, nechipikirwa chinokoneswa. ¹⁵ Nokuti murairo unovuyisa kutsamwa; pasina murairo hapana kudarika vo. ¹⁶ Nokudaro,izvo ndezvokutenda, kuti, zvive zvenyasha; kuti chipikirwa chive nesimba kurudzi reshe; risati ruri rwomurairo bedzi, asi norwokutenda kwaAbhurahamuvo. nokuti ena ndiye baba vedu teshe, ¹⁷ sezvazvakanyorwa, zvichinzi: ''Ndakakuita baba vamarudzi mazhinji''. pamberi paiye waakatenda, Ena Mwari unopa vakafa upenyu, nokudana zvisipo sezvinenge zviripo. ¹⁸ Wakatenda netariro pasinetariro, kuti ave baba vamarudzi majinji,sezvazvakanga zvataurwa Rudzi rwako ruchadaro. ¹⁹ Haana kushaiwa simba pakutenda, achifunga muviri wake wakanga watofa hawo(zvaiva namakore anenge zana), nokufa kwechizvaro chaSara. ²⁰ akatarira chipikirwa chaMwari, haana kuramba nokusatenda, asi wakasimbiswa pakutenda, akakudza Mwari. ²¹ Echiziva kwazvo, kuti icho chaakapikira, wakanga anesimba rokuchiitavo. ²² Saka zvakanzi kwaari ndiko kururama. ²³ Hazvina kunyorwa nokuda kwake bedzi, kuti zvakanzarwo kwaari. ²⁴ Asi nokuda kweduvo; nesu tinotenda kunowakamutsa Jesu Ishe wedu, kuvakafa. ²⁵ Uwo wakapirwa kurufu nokuda kokuchaicha kwedu, akamutswa nokuda kucheneswa kwedu.