¹ Paaka wirira kukafernaumi, kupera komazuva maviri zwakazivika kuti Iyena wainga kanyi. ² Ngokudharo, wazinji vakasangana apo, painga pachisina ndau, no pamusuho, Jesu vai paridja mazvi. ³ Vamweni vakaviya kuna Jesu no mwana rume umwe chigono; vandhu varongomuna vaimudjura. ⁴ Ivona avatchaidhikepi kuguma phedu Pake ngondava yo ungano. Naapo, vakabweurashura denga painga Jesu, asi vabeura, vakabisa musengere apo paivata mutenda wochigono. ⁵ Ngokuvona kutenda kwavo, Jesu wakati kuna murume chigono : "Mwana, zwichaichi zwako zwaregererwa". ⁶ Paapo painga nevanyori vemutemu vakagara vechirangarira mumoyo mwavo: ⁷ "Ngenyi murume uhu vanonanga kudharo? Iyena vanotuka! Ndiani wanoregerera zwichaichi kuchiripi Mwari?". ⁸ Ngokukasika, Jesu, vaiziva mumweya Wake zvovairangarira pachavo, wakati kwaari: " Ngenyi munorangarira izvi mumoyo menyu? ⁹ Ngozvuapi zvakareruka kuita kwemwanarume waka remara: Zvichaiche zvako zvaregererwa" kana kuti: "Mukai, ubhate mandhi wako ufambe"? ¹⁰ Asi, kuti muzive kuti Mwana weMunhu wakatenderwa panyika kuti aregerere zvichaichi," Iyena wakati kune chigono: ¹¹ "Inini ndinoti kwauri mukai ubhate mandhi wako uyende kanyi kwako". ¹² Iyena waka muka nokukasika wakabhata mandhi ake wakabhuda panyumba pamberi pevese, ngokuti vese wakachamisika vechirumbiza Mwari vechiti: Achito tavona chirichese chakadhari". ¹³ Iyena vakabhudazve vakaenda phedu no jombe, ungano vese vakavia kwaari, Iyena waijijisa. ¹⁴ Painga wechipinda, vakavona Levi, mwana waArifeu, wainga waigara pandau yoku ripa dhesima, wakati: "Nditevere". Iyena vakamuka vakamutevera. ¹⁵ Jesu paainga patebura pamuzi peLevi, vazinji vaenga vobhesima nevachaiche vaiha na Jesu no vajiji vake, ngokuti painga nevakawanda vaimutevera. ¹⁶ Nekuvona vanyori vovafarisi kuti Jesu wechiha nevachaiche nevaengi vodhesima, wakati kunovajiji Vake: "Ngenyi iyena wanoha novanengi nevachaiche?". ¹⁷ Jesu paakazwa izvo, wakati kwaari: "Vanhu vakapona avatswangi murapi; asi wanohaja ndivona vanotsanga murapi. Inini andizivi kuvia kudhaiza vanhu vakanaka asi wachaichi. ¹⁸ Vajiji vaJohani nevafarisi vainga vechisanya. Vakaviya vamweni vakati kwaari: "Ngenyi vajiji vaJohani nevajiji vevafarisi vanosanya, asi vajiji vako avasanyi?. ¹⁹ Jesu wakati kwaari: "Zvinoitika kuti vakokwa vomuchato vasanye asi mwanarume womuchato aripo navo here? Pavaenga vanaye mwanarume womuchato, avaviri kusanya. ²⁰ Asi richagum zuva rokuti mujaha kuti aviswe, pamuzuva awo, vachasanya. ²¹ Apana munhu vanosonera chipendera chitsa panguvo yakasakara; kuti zvakadharo, ichitswa chakasonerwa chinozopaurisa nguvo yokare, inozochatisisa. ²² Akuna munhu vanodhira vini munyede jovini jokare; kuti zwakadharo vini inozoputisa nyede novini inorasika. pamwepo nonyede asi vini itswa inodhirwa munyede itswa". ²³ Zwakaitika kuti, pa zuva yosabbath, vechipinda Jesu ngopakati pamunda, vajiji vake vakatanga kufunungura magwanja vakatanga kupurura musosoti yokoroni vechihamba. ²⁴ Asi vafarisi vakati kwavari: "Vonanyi, ngenyi varikuita zviro zvachikatenderwa muSabati?". ²⁵ Iyena vakati kwavari: "Amusati kuverenga zwakaita Dhavidhi painga nozvidho no njara, iyena no vanhu vainga naye? ²⁶ Wakangwina sei munyumba yaMwari ngomazuva Abhiathari vainga mupristi akaha chingwa chokuvapo, chisikatenderwi pa munhu wesewese, asi ivo vapristi vakuru, wakavapa ivo avo vainga navo? ²⁷ Jesu wakati: "Sabbath rakaitirwa munhu, kuchiripi munhu kuitirwa Sabbath. ²⁸ Ngokudharo, Mwana woMunhu ndiye Mwari weSabbath".