¹ Ngomazuva maviri kunozova noPasika nomabuso ozvingwa zvichina mumera. Vaprista vakuru novatari vaifamba vechipsaka kuti vamusunge ngochifichefiche nokumuuraya. ² Ngokudaro vechiti: " Ngosure kopasika, kuti kumukirana kuchaoneka pakati povanhu". ³ Jesu wainga Betani kumuzi kwaSimoni, wainga nomapere, vari pakuha patebho, pakaguma mwanakaji umweni nochigajikiro chainga nomafuta omutengo mukuro, ainuhira. Iyena wakafunungura akazoza musoro waJesu, ⁴ vamweni wakanyangajua. Vechiti vegavega: " ngenyi kutamba nomafuta? ⁵ Mafuta aya aizotengesua ngomakumi matatu odenari ngokudaro ozopuwa kuvarombo". Vainga vechimuyeyusa. ⁶ Naapo Jesu wakati: "Musienyi mukunyarara. Ngenyi murikumunyangajisa? Iyena waita bhasa rakanaka kwandiri. ⁷ Pakati penyu ponondo wanika varombo kudari mwechida munozowaitira zvakanaka, ngokuti, amuzondiwoni nguwa jese. ⁸ Iyena waita zvaakwanisa, wachenesa muviri wangu ndichito ndaenda kovigwa. ⁹ Chokwadi ndinoti kwamuri, munhika jese kwarinoda kuchumaerwa Vangeri zvinozo verengwa zvaita mwanakaji uwo, mukurangarirwa kwake". ¹⁰ Napo Judhasi Isikariot, umwe wevagumi, wakaenda kunavapristi vakuro kuti omira Jesu kuna iwo. ¹¹ Pavakazwa izvo wafarisi , wakadakara wakati tinokupa mare. Iyen vaitanga kuswuaka ndawa kuti vamo puwe Jesu. ¹² Ngozvuva rokutanga romabhuso pochingwa chisina umera, ngomazuva ophasika vaiuruya gundata, wajiji wake wakati kwaari: "ndikwapii kwamunoona kwatingaitira pasika?". ¹³ Iyena vakatuma wajiji vake vaviri vakavavunja kuti: "Endanyi kudoroba mwana rume umweni kutwala bitiri yokumwa. Mutvererenyi. ¹⁴ Apopese paanongena, mutevererenyi vunjanyi veno vopamuzipo: Mujijise wakati: Ngokwapi kuno nhuma yantigara no wajiji kuti tihe phasika?". ¹⁵ Iyena vanozomukombinja nhumba guru inozviro zvakakwana. kuti munajiririhe phasika. ¹⁶ Asi vajiji vakabuda wachienda vakaguma kudoroba; wakakanda zvese inga zvaainga akananga wakanajirira kuha kwa phasika. ¹⁷ Waenga usiku, Iyen vakauya nevagumi nevaviri. ¹⁸ Paienga patebulu vechidya, Jesu wakati: "Muchokwadi Inini ndinomuvunjanyi, umwe wenyu, wanoha Neni, unozondipira". ¹⁹ Vese vakatanga kutambudjika umwe neumwe vakati Kwaari: Ndini here?" ²⁰ Jesu echidavira, wakati: "ndiumwe wagumi navaviri wiya uri kubhidja chingwa nainini wari mundiro. ²¹ Ngoti mwana womundhu unoita inga zvakatahwa zvinonanga ngondava yake; asi ponthopo echinanga ngawiya unozo mupandukira! zvainga zvirinane iyena achizivi kubahwa". ²² Povainga vodakuha, jesu wakabata chingwa wochichenesa, wochiguragura wovapekedja. wakananga kuti: batanyi , uwu muviri wangu". ²³ Wakabata bikiri, wobonga wakavapekedja vese vakamwiremo. ²⁴ Wakati kwavari: iri igazi rangu rochigondiso, gazi rinozorasika kuitira vakawanda. ²⁵ Muchokwadi ndinomuvunja, andichazomwizve ngapatsa mutchero womumbuti mphera pazuva randinozomwa waini imtsa muumambo Wamwari". ²⁶ Povakapedja kuimba ngoma, vakapinda kudhundhu rooriva. ²⁷ Jesu wakavavunja kuti: imwimwi mese munozondipandukira, ngoti zvakatahwa: Ndinozokhuvazika inini muhavisi nomavuta ese anozoparadjana; ²⁸ Asi sure kokumuswa kwangu, inini ndinozoenda kumbedji kwenyu ndechienda mugarireya". ²⁹ Petro wakananga kuti: " nokudaro vandhu vese vamupandukire inini andizomupandukiri. ³⁰ Jesu wakati kwaari: muchokwadi inini ndinoti kuti, usikuhuno, jongwe richito rarira kaviri, iwewe unozondiramba katatu". ³¹ Asi petru wakati: azvineyi nokuti inini ndinofa naimwimwi, andizomurambi". vese vakaita chigondiso chimwecho. ³² Ivona vakaenda pandau inodainjwa kuti getsemani, pondhopo jesu wakavunja vadjidji vake: "garanyi pano pandinonga ndechinamata". ³³ iyena wakabata petru, jakobe na johani, wakatanga kukaruka nokutambudjika maningi. ³⁴ Jesu wakati kwavari:" mweya wangu urikutambudjikamaningi mphera pakufa. Garanyi pano mungwarire". ³⁵ Jesu wakaenda padoko nthambo, wakagwadama pasi , waikumbira, kuti nozvaitika kuti nguva iyi ipindiridje paari, ³⁶ Iyena wakati: "aba baba, zvese zvinoitika kwamuri, visanyi bikiri iri kwandiri, asi zvichaitika ngokuda kwangu asi ngokuda kwenyu''. ³⁷ iyena wakahwirira, wakavakhanda vakavata, iyena wakati kuna petru: "simomi, iwewe wakatovata? auzivi kukwanisa kungwarira konguva imwe? ³⁸ Ngwariranyi namatanyi kuitira kuti muchagena mukuedjwa. mweya wakanasiririka asi nyama yakaremba" ³⁹ Wakapindazve koonamata echikumbira echichandisa mazwi amwewo basi. ⁴⁰ Wakaviazve jesu kuvadjidji vake wakavakhanda vakavata: madhiso avo ainga echirema ivona vainga vachikazivi zvokunanga. ⁴¹ Iyena wakaviyazve kochitatu wakati kwavari: "muchakatovata henyu nokuzorora? zvakwana! nguva yaguma yokuti mwana womundhu apihwe munyara jovachaichi. ⁴² Mukanyi ngatende. ngoti wiya unoda kundipandukira waaphedo". ⁴³ Painga echivereketa, ngokukasika, judhasi umwe wagumi na vaviri wakaguma nomphungano hwuru yaiinga anayo nopfuti djomapanga nomatimbu omuponda, padivi rovatungamiri vaprista, novatari novachandi. ⁴⁴ Mupandukiri wakavapa chivoniso echiti: ndiena wiya wandinotsoda". musungenyi muzuve kumungwarira". ⁴⁵ Judhasi paakaguma, ngokukasika wakaviya mphera painga na jesu wakati: "Rabi!" iyena wakamutsoda. ⁴⁶ Pondhopo ivona vakamubata vomusunga. ⁴⁷ Umwe wavo wakakweva banga rake, wakakhuvaza muchandi womuprita mukuru wakamutcheka njeve. ⁴⁸ Jesu wakati: "maviya kuzondisunga inga ndiri mbava, nomapanga nomuponda? ⁴⁹ Pondaiga naimwimwi ndaimudjidjisa mazuva ese muchiyara, amuzivi kundisunga. asi zvakaitwa kuitira kuti matahwa azadjisike". ⁵⁰ Vese vaainga najesu vakamusiya votiza. ⁵¹ Mudjaha umweni waimuteverera, wainga akasimira djira rokufuka rohwukangadja akahwufuka; ivona vakamubata, ⁵² asi Mudjaha wakasiya djira wakatiza ari mitu. ⁵³ Vakatora jesu vakaenda naye kumuprista mukuru. vakasongana vese vaprusta vakurukuru, novachandi novatari. ⁵⁴ Panguva yonthoyo petru waizvivona zvese aringonthambo ngomukati mochitongero chomuprista mukuru. iyena wakagara paduze novangwariri, vainga vari paduze nomuriro kuti adjiihwe. ⁵⁵ Vaprista vakurukuru navese vasinediyo vaitsaka vapupuri vajesu, kuitira kuti vamuuraye. Asi ivona avazivi kumuwana, ⁵⁶ Asi vazinji vaivisa zvapu zvokunyepa kwaari, asi nokudaro zvapupu zvonthozvo zvainga zvichikaenderani. ⁵⁷ Vamweni vakamukirana vechiviya vechipupura zvokunyepa kwaari; ivona vainanga kuti: ⁵⁸ Itusu takamuzwa echinanga kuti: ininj ndinozophanyaphanya chiyara chakaizwa ngonyara djovandhu. ⁵⁹ Nokudaro zvapupu zvavo zvainga zvichikaenderani. ⁶⁰ ponthopo, muprista mukuru wakamuka woima pakati pavo wovunjisa jesu: iwewe audaviri chiro here? zvavanoku pomera vandhu ava?" ⁶¹ Asi iyena wainga akanyarara wainga achikadaviri. nguva imwenizve muprista mukuru wakamuvunjisa: iwewe ndiwe kristu, mwana wamwari wakacheneswa here?" ⁶² Jesu wakati: inini ndini. munozomuvona mwana womundhu akagara pamukono muho wanyamasimba echiviya mumakore omudenga". ⁶³ Pambedji pazvo, muprista mukuru wakamwesa nguvo djake wakati: "tirikudazve kupupura here? ⁶⁴ Inwinwi makuzva kutoka. ngochapi chivaringo chenyu?". vese vakatanga kumupekedja ndava jesju zvokuti unosisira kuti afe. ⁶⁵ Vamweni vakatanga kumupfirira vechimufukidja kumeso vechinanga kuti: Femberai!" vangwariri vakamutora Vomurova. ⁶⁶ Painga aripo petru padivi ropasi, munyumba, umwe wovachandi vomuprista mukuru wakaviya mphera paingaro. ⁶⁷ Iyena ngokuvona petru wakakwedera pamuriro, kuti adjiihwe, wakamusotesesa wakati: iwewevo wainga nomunazareta, jesu". ⁶⁸ Asi iyena wakaramba, echiti: "Inini anditozvizivi anditozvizwisisi zvauri kuvereketaro". Waro Iyena wakamuka kuenda munyumba. ⁶⁹ Asi kondhoyo, muchandi wakamuvonazve wakatangazve kunanga kuvandhu vainga varipo: "mundhu uwu ndiumwe wavo!" ⁷⁰ Asi iyena wakarambazve. ngokudaro, vaingavariyowaro vaiti kuna petru:" ngozvokadi uri umwe wavo, ngokudaro urimugalileya". ⁷¹ Asi iyena wakatanga kutukira echipika: "Inini andimuzivi mundhu waunonangaro ndiyena". ⁷² Ngokukasika, jongwe rakarira kochipiri. petru wakatcheudjira mazwi ainga akamuvunja jesu: "jongwe richito rarira kaviri, unozondiramba katatu". wakatya mukutchamwa wakatanga kutchema.