¹ Wakaenda Betaniya Jesu pamazuva matanthatu pasika, richito kwainga Narazaro wakafa, wiya wakazomumuswa kovakafa. ² Vakamumuira chigwa Marita ndiena wakavaburira, Razaro wainga ari umwe wovainga pathebura naye Jesu. ³ Ngokudaro Marita wakatora mafuta litha okuzora enarde eidhura wakazoja soka jaJesu, wapukuta ngovhuji rake nonyumba yakazara ngokumuhira kakanaka komafuta. ⁴ Asi Judhasikariyoti, umwe wovajiji vake, wiya wakazomutengesa wakati: ⁵ "Ngenyi achikazivi kutengeswa mafuta aya ngomzana matatu apuwe varombo?" ⁶ Izvi wakazvinanga kuchiripi ngoku waivada, asi ngokuti wainga mbavha, waingwarira nyede waitora zvadihwemo. ⁷ Jesu wakati: muregererenyi ega, ngaangwarire zuva rokungwa kwangu. ⁸ Ngokuti varombo munavo djese, asi inini amuripinini nguva djese". ⁹ Ngokudaro vazinji vomphungano yovaJudha vakaziva kuti vainga varipo vakaviya, kuchiri kuzovona Jesu basi, asi kutivavone Razaro, wiya wakamuswa kuvha mukufa. ¹⁰ Nokudaro vaprisita vakuru vakapanga nokuti vauraye naRazaro wo; ¹¹ Ngokuti vazinji vovaJudha vaienga vechitenda kuna Jesu. ¹² Chomangwanani mphungano huru iye yakaviya kudhiri. Yakazwa kuti Jesu urikuviya kuJerusarema. ¹³ Yakatora matavi womuchindu yakabuda kosongana naye vakadainjira: Hosana! Unomuchena uwo unoyiya ngizina raMambo, Mambo woiziraeri". ¹⁴ NaJesu wakavona wombongoro iyena wakagara panyezuru payo inga zvakatahwa. ¹⁵ Uchatya, iwewe mwana wo zioni, ringira arikuyiya akagara panyezuru pomwana wombongoro. ¹⁶ Vadjidji vake avazivi kuzvizwisisa izvi pakutanga, asim apo Jesu waikudjwa, ponapo vakazorangarira kuti zvainga zvakatahwa ngondava ngokuti vakamuitira izvi. ¹⁷ Nophungano iyo yainga nayo paiya paaka ndainja Razaro kuvha muguva wakamumusa kovakafa yakaita chapupu. ¹⁸ Ngondava yonayo mbungano yakaenda kosongana nayezve ngokuti yainga yazwa kuti wakaita muchamiso. ¹⁹ Ngokudaro vafarisi vakati pakati pavo umwekuno umweni, "Vonayi, amungaitichiro; sotanyi nyika vese iri kumutevera". ²⁰ Ngokudaro vainga varipo vagiriki vamweni pakati pavaya vakakwira konamata pamutambo. ²¹ Ngokudaro avo vakaviya kuna Firipi uwo waivha kubeisaidha rogarireya vakakumbira kwaari kavari vechiti: "Mambo, tinoda kuvona Jesu". ²² Firipi wakaenda, wakavhunja Andreya, Andreya wakaenda naFiripi vakamuvhunja Jesu. ²³ Jesu wakadavira echiti: Nguva vaguma yokuti Mwana wo Mundhu anamatwe. ²⁴ Ngomuchokwadi, ngomuchokwadi, ndinoti kamumuri tsango vakori ichingawiri mumavu nokufa, inozobereka tsangu djakawannda. ²⁵ Wiya unoda kupona kwake unozokurasa, nawiya unozonda kupona munyika muno unozongwarira kupona kusinga peri. ²⁶ Kudaro mundhu echindichandira ngaanditevere kuti paandiri naye muteveri wangu unonga aripovo kuti echindichandira Baba vanozomureremenja. ²⁷ Wari, mweya wangu unotambunjika, inini ndinozotinyi, Baba ndiponese kuvha munguva ino here? Andizvopi, ndizona zvondakaviira manguva ino. ²⁸ Baba ngarikujwe zina renyu, pondhopo rakaviya izwi rechivha mudenga rechiti: Ndakarikunja inini ndino zorikunjazve. ²⁹ Nomphungano yainga yakaima podhopo yakarizwa yakati: Katindhiravamweni vakati; Ingirosi yavereketa naye. ³⁰ Jesu wakadavira wakati: Izwi iri arizivi kuviya ngondava yangu, asi ngondava yenyu. ³¹ Wari kaguma kutongwa konyika iyi wari mutingi wonyika iyi unozoraswa kunja. ³² Inini ndamuswa panyika ndinokwevera vandhu vese kaandiri. ³³ Iyena wakananga izvi echivonesa gwanja rokufa ndirona. ³⁴ Ngokudaro mphungano yaka mudavira yechiti: Takazwa mumupango kuti Kristo unozongara mphera kare. Wari unonagenyi wechiti: Mwana womundhu unosisira kuti amuswe? ndiyani uwu Mwana womundhu?" ³⁵ Jesu wakati: kaavari; Inguva doko kueja kuripo pakati penayu, ngokudaro fambanyi muchino kujeka. kuti chidima chichamubata, wiya unofambna muchidima aazivi kaaenoenda. ³⁶ "Muchinokueja, tendanyi kueja kuti muite vana vakaeja". Pondhopo Jesu wapedja kuvereketa izvi wakamukepo akadjiviga kuva kaavari. ³⁷ Nozvichamiso zvese zvaita Jesu asi avazivi kumungoda, ³⁸ Uku kainga kuzadjisa izwi raIsaya muprofita raakavereketa echiti: Mambo, ndiyani wakagonda izwi redu, nomukono "waMambo wakavoneswa kuna ani?". ³⁹ Ngokudaro, vaya vachingakoni kugonda, ngokuti Isaya unonangazve: ⁴⁰ Wiya wakauraya madjiso avo wakakonjisa mwoyo yavo kuti vachazovona ngomeso avo, vazwisise ngomwoyo yavo vateenderuke inini ndinaponese". ⁴¹ Isaya wakananga izvi ngokuti wakavona uthende hwake, akavereketa ndiyena. ⁴² Nokudaro vazinji vomadjimambo vakamutenda, asi ngondava yokutya vafarisi azivi kumutenda ngomuromo kuti vachagogomehwa kuvha munyumba yokunamatira. ⁴³ Ngokuti vaida kukudjwa ngovandhu kuchiripi kukudjwa ndiMwari. ⁴⁴ Jesu wakadainjira wakati: wiya anonitenda, aatendi inini, anotenda akandituma, ⁴⁵ Nawiya anondivona, anovona wakandituma. ⁴⁶ Inini ndakaviya ndiri chieja munyika, kuti waya anotenda kwaandiri achazongara muchidima. ⁴⁷ Wiya anozwa mazwi angu achingaagwariri, inini andimutongi, ngokuti andizivi kuviya kuzotanga nyika asi kuzoponesa nyika. ⁴⁸ Wiya anondiramba achingaachiripi mwazwi angu, aripo unomutongai izwi riya rondakavereketa ndirona rinozomutonga ngozuva rokupejisira. ⁴⁹ Ngokuti andizivi kutenda kujivereketa ngosimba rangu, asi uwo Baba wakandituma iyena pachake wakandipanga chandinozonanga nochandinozo vereketa. ⁵⁰ Inini ndinoziva kuti mupango wake uri kupona kuchingaperi; zvese zvandino vereketa, ndinozvivereketa inga zvondaka vhunjwa ndiBaba.