¹ Imwimwi mwaiya vakafa muzvipaukwa munozvichaichi, ² muneizvo zvemwakahamba pakti pazvo karetu, mwakateera mitoo yeiyi nyika, mukateera njira youzva wesimba romweya womundenga, mweya uwo unoshanda zvino mukati mwevakororo vokusikapurutana. ³ Taigara teshe pakati pavo karatu, tiri mukuemuro kwenyama yedu, techita kuda kwenyama nokwemipinidzo, ngechibarirwe taiya vana voushungu, kudai ngevandu vamweni. ⁴ Asi Mwari, unenyasha dzakawanda kubva murudo rake rakakura rakatida ndirwo, ⁵ kunyazwi apo taiya takafa kubudikidza ngezvipaukwa zvedu, wakaita kuti tipone pamwepo naKristu (mwakaponeswa ngenyasha), ⁶ wakatimusa pamwepo naye, akaita kuti tigare pamwepo naye mudau dzomundenga munaKristu Jesu; ⁷ kuti ngenguva dzinouva aonise kuwa ⁸ Ngokuti mwakaponeswa ngenyasha kubudikidza ngokugonda; izvi zvisikaitwi ndimwi, asi chipo chaMwari; ⁹ Azvitiki kubudikidza ngemishando, kuti kusazoapo naumwe ungagaza. ¹⁰ Ngokuti isusu tiri mushando wake, takasikirwa munaKristu Jesu kuti tiite mishando yakanaka, yaakaemesa karetu Mwari kuti tihambe mukati mwayo. ¹¹ Ndizvo karakadzai, kuti karetu imwimwi mwaiya vemadzinza ngokwenyama, mwaizwi kuti, vasikazi kuchewa, ngaavo vanozwi, vakachekwa, izvo zvinoitwa munyama ngenyara. ¹² Karakadzai imwimwi kuti nguwo mukuwo mwaiya mwakaparadzana naKristu, musikaiyani norudzi raIsrael, muri vapara kuzvitenderano zvichingodiso, musina negonda, musina Mwari munyika. ¹³ Asi zvino munaKristu Jesu, imwimwi karetu mwaiya kuretu mwakwedzedwa pasinde ngengazi yaKristu, ¹⁴ Ngokuti iye uri kunyarara kwedu, uwo wakaita kuti teshe tiite umwe naye, wakaputsa rukumbati rwoogaa rwakaparadzanisa ngepakati. ¹⁵ Aparadza ngomuviri wake mitemo yemipango nezviemeso, kuti adzisikire mukati mwake munhu umwe mutsva kuti vasaita vairi, kuti paite kunyarara. ¹⁶ Kuti aiyanise zvikwata zvese zviri munaMwari mumuiri umwe kubudikidza ngomuchijiko, auraye ugaa kubudikidza ndiwo. ¹⁷ Naye wakauva, akachumaira kunyarara kwomuri imwimwi mwaiya kuretu nikunyarara kwaavari avo vaiya pasinde. ¹⁸ Ngokuti ngokubudikidza kwake isusu tinokona kupinda ndiMweya umwe kunaBhaba. ¹⁹ Ndizvo zvino, amuchaiti vapara nevaeni, asi mwaita dzidza rimwe pamwepo nevakacheneswa, muri vemhuri yaMwari, ²⁰ mwakaakwa padera revapostori nevaprofeti, Jesu Kristu emene ndiye guru repakhona. ²¹ Mwaari mhatso yeshe inonasa kushonganiswa pamwepo nokukura kuita temperi rakachena munaMambo. ²² Mwaari imwimwivo munoakwa pamwepo kuita ugaro hwaMwari muMweya.