¹ Vafarisi no vangana ho vatar vakava ko Djerusarema, vakaungana kuna Jesu. ² Ivona vakaona kuti vanganana vomajijise Vake vechiha mapao no nhala jakaipa, kana kutama kosuka. ³ (Zwakana vafarise no vese majuda avadji hatama kosuka nhala, kana vechibatirira mitemu vemajibaba akuru. ⁴ Pavakava kubhazar, mafarisi avaji, vashiziwi kusamba nhala. Kuti pano mitemu djakawanda zovanofanira kuti vateverere, vano batenijira kusuka makafutera, mabhikire, mokoke kana tchituro no thebora). ⁵ Vafarisi no vatar vakavunjisa kun Jesu: "Ngondavaenhi vajiji Vako avapone nokutendevua komitemo jemajibaba jikuru, vanodja mapao awo avangato kusamba nhala?" ⁶ Iyena vakavadavira wakati: "Vanhephe, ngondavaenho vanasamuprofita Isaia, kudi zvakanhorwa: "Vandhu ava vanondireremeja ngomulomo djao, asi moyo djao djiri ndambo koNdiri. ⁷ Ivona vanondipekeja munamato apanazwiripo, vechijijisa metemo djo varume no jijiso zvavo". ⁸ Imwimwi munosiya mutemo yaMwari muno bhatana nomutemo djovandhu''. ⁹ wakavavunjaze kuti : "Zvingaita kuramba mutemo yaMwari kuti mutevere mutemo djenhu! ¹⁰ Nokuti Mosi wakati: 'reremedja bhaba vako namai vako', ngokuti, Wiya unobuya zvakachata kuna bhaba wake kana mai wake anozofa'. ¹¹ Ngokudaro imwimwi munoti: 'kana mundhu akati kuna bhaba kana mai wake: "rubesero hwese wowaida kupuwa ndini ngocho 'korbhani,"'(zvondozvo zvino nanga, 'Chakapuwa kuna Mwari'), ¹² ngokudharo muchazomutenderazve kuti aite chirichese kuna bhaba wake kana kuti mai wake. ¹³ Ngokudharo munoita kuti mupango yaMwari iite ichina bhasa ngondava yozvito zvenhu. Imwimwizve munoita zviro zvakatodjana". ¹⁴ Njiku imweni, Iyena wakadainja mbungano wakati kwavari: "Imwimwi mwese, izwani zvandinonanga, nokuzwisisa. ¹⁵ Akuna chiro kunja komundhu kuti, angachiha, changamuswipisa. Asi zviro zviya zvinova kwaari ndizvona zvinomuswipisa. ¹⁶ Ariwese unonjeve djokuzwa, ngaazwe. ¹⁷ Panguva yondoyo, Jesu paakasiya mbhungano wokhwina munhumba, vadjidji Vake vakamuvunjisa ngondava yomuezaniso. ¹⁸ Jesu wakati: "Imwimwivo amuto mazvisisa? Amuvoni kuti zvese zvino hiwa ngomudhu azvimuiti wakachata, ¹⁹ asi zvondozvo azviviri kunkwina mumoyo mwake, asi zvinoenda mundani mwake zvinobudiswa musora". Ngokudaro, Jesu wakachenesa zvihiwa zvese. ²⁰ Iyena wakati: "chinova pamundhu indichona chinomuswipisa. ²¹ Ngokuti mukati momwoyo yovandhu ndimona munobuda murangariro yakachata, kuhura, kuba,kuuraya ²² Uhuure, kuemura, kuchengedjera kuemura, kutuka, kudjikudja, upenji. ²³ Zvese zviro izvi zvakachata zvinobuda ngomukati ndizvona zvinoswipisa mundhu." ²⁴ Iyena wakabuda pondopo wakaenda kunyika yotiro nosidhoni. wakankhwina munyumba aachaida kuti ariwese azive kuti iyena wainga kondono asi iyena aazivi kukona kuvigika. ²⁵ Ngokukasika pakaviya, mwanakadji umweni asi mwana wake mutete wainga anomudjimu yomunyika, wakazwa ngondava yajesu, wakaguma wakawira pasi pasoka djake. ²⁶ Mwanakadji endoo wainga ari mugiriki ngokubahwa wainga wosirofonikiya iyena wakamukumbira kuti abhise dhimoni pamwana wake. ²⁷ Iyena wakamuvunja: "Siyani kuti wana vadhoko vahe kutanga. Ngokuti azvizivi kunaka kutora chingwa chovana mokhandira kuzvimbhwa". ²⁸ Ngozvese iyena wakamudhavira: "Eya, Mambo, asi nozvimbhwa pasi pothebhura zvinoha mphakata djovana". ²⁹ Iyena wakamuvunja: "Ngeni wananga kudharo, wakasununguka kuti uyende. Dhimoni rabhuda pamwana wako". ³⁰ Iyena wakahwirira kanyi kwake wakakhanda mwana wakavata pamubedu, dhimoni rainga ramusiya. ³¹ Pondopo, Iyena vakabudazve kumugano yoThire, wakapinda ngomuSidhoni mphera kuDjombe roGarireya, kumugano yoDhekaporisi. ³² Ivona vakamuvisira nyamandondo wainga akaremara pakuvereketa, vaikumbira jesu kuti amudire nyara yake pamusoro pake. ³³ Iyena wakamuvisa pambungano, wakaenda naye pamutivi, wakadira zvikunwe zvake munjeve djake, paakapfira mata, Iyena wakatsasa rurumi wake. ³⁴ Jesu wakasota mudenga, wofemeruka wakati: "Efata!", zvinonga kuti, "Funyungukai!" ³⁵ Ngokukasika, njeve djake djakafunyunguka, nomusungo worurumi wake wakasudjunyuka, iyena wakavereketa zvino zika. ³⁶ Iyena wakavavunja kuti muchavunja uriwese. paaienderera echivavunja, vakanyanyisavo kuzviteketesa. ³⁷ Ivona vakakaruka maningi vechinanga kuti: "Iyena wakaita zvakanaka zviro zvese. Iyena unoita mphera nyamandondo azwe nombeveve iverekete".