¹ Pakaswa Jesu wakatanga kudjijisa ngopasha phedo no bahari. Mphungsno huru yakamuzengenera, ngokudaro, Iyena akangena mubahari no ngarava, wakagara. Mpungano yese yakamuzengenera mumphiripiri mo bahari, mudjombe. ² Iyena waidjijisa zwizinji zwiro ngemuezaniso, echiti: ³ "Purikirai! Musimi vakabuda akaenda kosima. ⁴ Paisima, mbeu imweni yakawira pa gwanja, chiri djakaviya djoha. ⁵ Imweni yakawira pa ndaw ino mapuwe, paenga pachina mavu yakavanda. Ngokukasika yaka fota, ngokuti mavu aenga asiziyi kujika. ⁶ Parakabudha zuva, iyona yakatha ngokuti yaenga ichina mudji yakauma. ⁷ Imweni mbeu yakawira pakati pemuti inoomazuwa, iyo yakwira ikavhubhuwa ngokudaro waizivi kubhara muchero. ⁸ Imbeu imweni yakawira pa mavu ano ndimu yakanaka ikazobara muchero payaikura muchero yaiwanda, imweni yakabhara makumatatu, imewni makumatandatu, imweni kuphinda gumi romazana". ⁹ Iyena wakati: "Viya anonjeve djokuzwa ngahazwe. ¹⁰ Jesu painga ariega, waenga pedhu Navo ne gumi na vaviri, wakamuvinjisa ngendava ye muezaniso. ¹¹ Iyena wakati kwaari: "asi imuimui makapuwa zvakafichika zvoumambo waMwari, asi varikunja vanoita zvese ngemieziso, ¹² kuti, vanohona, vanozwa asi awazozionese, zechizua vanopurtama asi azwazozwivi ngokudaro, zwaizatenderuka Mwari unovaregerera". ¹³ Iyena wakati kwavari: "imwimwi hamuzivi kuzwa mueezaniso uyu here? Munozvizivisisa kudhai zviro zvimweni? ¹⁴ Musimi anosima mazvi. ¹⁵ Avo zvarimupopiri mo gwanja ndhivona vanozva, asi Satani vanoviya anobha ngokukasika mazwi akasimuwa mu moyo mavo. ¹⁶ Vamueni ndivona vakasuwa pa mavu anomabuwe, ava, pavanozwa mazwi, vanohachira ngokudakara. ¹⁷ Ngokuti ivona havana mudji pakati pavo, vanogara nguva shoma.Ngokudaro hanoviya matambujiko kana kuteverewha ngondava komazwi, ngokudaro, ngokukasika, ivona vanozowa. ¹⁸ Vamueni ngahavo indhivo avo vanozua mazwi, ¹⁹ ngondava yo zhihitiko zwonyika, nochidima chewuzharino kuhemula nozwimueni zwinongina kuvunga mazwi, ngokudaro azobereki. ²⁰ Kuna vaya vano si muya pamavu anondimu ayakanaka. Ivona anozwa mazwi, nokuhachira hobhara muchero, vamueni makumatatu, nevamweni makumatatu novamwenizwe, vamweni gumi ro mazana". ²¹ Jesu wakati kwaari: "Imwimwi muno visa chibani mukati mo nyumba muidhira pasi po mutami kana pasi po mubedo here? Imwimwi mono visa munodhira paphene. ²² Ngokuti apana chakafishika, ngokuti apana zvakafichika zvichikazobudhi pambene, ngokuti chiro chakafichika chichikabudisiwi pamphene. ²³ Kana mundhu anonjewe jokuzwa nganzwe". ²⁴ Iyena wakati kwaari: "Ivanhi kuanga mechipurutamai, ngote mupimo unozomupuma, ndiona unozo mupimavo kwakapinda kukura. ²⁵ Ngokuti wiya ano, zhakawanda anozopuwa, kawiya achina, anozotorewa nozvanozvo". ²⁶ Jesu wakati: " O Mambo wamwari wakatodjana no mundhu wakasima mbeu yake pamavu. ²⁷ Iyena anovata homuka, ngokudaro muchero inodira nduva nokukura, nokuti achikazivi maitiro. ²⁸ Mavu egaega anobhereka muchero: pakutanga unomera mumbuti, hopera hobara muchero, kupindakonguva, zwiyo zwinozadja mukati momugero. ²⁹ Muchero paunonga waivag, kukasika, mundhu anoadira sikeiyo ngokuti kukorora kaguma". ³⁰ Wakatzwe kwaari: "Tinohezanisa nenhi umambo wamwari? Tinochandisa muezaniso wapi kuti tirizorezere? ³¹ Iyena waktodjana no thangu parino simwa, idoko kumbeu djese djo mavu. ³² Ngokudharo painosimwa inokura yonyisa mbeu djese jomumunda. Ngokudharo inoita matavi makuru, kuti chiri djo kudenga djonoita masake yadjo, no munvhuriri yajo. ³³ Vaibuya mazwi akawanda ngomuezaniso, kuti vaizwisise. ³⁴ Ngokudaro Iyena achaibuepi, kuchipingo muezaniso. Ngokuti, ngopamutivi, wai ronzera zwese kovajiji vake. ³⁵ Ngeiro zuva, apo kwaita madeikoni, Iyena wakati kwaari: "Ngatiambuke kudivi rimueni". ³⁶ Pavakasiya phungano, vajiji vaktora Jesu, ngokuti Vainga mungarawa. Nojimueni ngarava wainga na Iyena. ³⁷ Ndiko kwakatanga kuita dhutu nombepo, nomavimbi yaitaka ngarava, ngokudaro yainga phedho nokuzara nokumua. ³⁸ Asi Jesu vainga pachitarimba, vaivata pamutarrarano. Vajiji vakamumusa, vechiti: "Mambo, Amuneseki ngokuona kuti ta phedho no kufa here?". ³⁹ Jesu wakamuka, akaimisa dhutu wakati kuno bhahara: "Nyararai, ugarisike".Ivo dhutu rakapera kakava nokugajana. ⁴⁰ Iyena wakati kwaari: "Munothenyi? Imwimi amuna gonda here?". ⁴¹ Vainga no kuthiya kakurutu ngokudharo wakati umwe kuna umweni: "Ndiyani Iyena kana mbhepo no bhahari zwinomupurutano.