¹ Chomangwanani matete, vaprist vakuru pamwepo nevakuru vevandhu vatari novatongi vese vakapangana. Vakasunga Jesu, vakamutora, vaka mudira kuna Pirato. ² Na Pirato vakamuvunjisa echiti: "iwewe ndiwe Mambo weva Juda here?" Iyena wakadavira echiti kwaari: "Ndizvona zvowavereketaro". ³ Nova pristi vakuru vakamuitira ndava Jesu jakavanda. ⁴ Pirato vakamuvunjisazve: " Iwewe audaviri chiro? Urikusotesesa kuwanda kondava jovari kukupa?". ⁵ Na Jesu aazivi kudavira pirato, ngokudaro iyena waka chamiswa ndizvona. ⁶ Nangumukuvo womuchongano womabuso, Pirato wainga anomujayeyo wokusujunura musnugwa umweni unonga akhetwa. ⁷ Kubatanijiravo nomajongoni vainga mutirongo, pakati pavo painga novaurai vaisungwa, painga na umwene waizwi Barabasi. ⁸ Mbungano yakaenda kuna pirato yakatanga kukumbira kuti avaitire kudai ngochijaerero chake kwavari. ⁹ Na Pirato vakadavira echiti: " Munoda here kuti ndimusunungurire Mamboweva Juda?". ¹⁰ Ngokuti vaiziva kuti vapristi vakuru vainga vamupira Jesu ngondava yokururomwa. ¹¹ Asi vaprist vakuru vaakaveruja mbungano kuti idainjire kuti, pandau Yake, asujunurwe Brabasi. ¹² Na Pirato wakavadavirazve echiti: ndichinhi chandinofanira kuita na Mambo woVajuda?". ¹³ Ivona vakadainjirazve vechiti: Ngaakohomerwe!". ¹⁴ Pirato wakati kwaari: "Ndichinhi chaakaita chakachata?". Asi vakadainjira kakurutu vechiti: "Mukohomerenhi!". ¹⁵ Na Pirato, echida kudakaja mbungano, wakavasunungurira Barabasi. Iyena akavapa Jesu, vechimuvundura, kuti akohomerwe. ¹⁶ Masoja akamutora kuenda naye munhumba Youmambo ngokudaro vakadainja chikwata chese chomasoja. ¹⁷ Navo vakamusimija jira rakapsuka, vakamupombera hafa yomuzwa, vakaridira musoro make ¹⁸ Jesu. Vakatanga, ngokudaro, kumu chuganija vechiti: "Kupona Mambo woMajuda!". ¹⁹ Ivona vakamutaka musora wake ngochipembere vakamufirira mata, ngokudaro vakamuguadamira ngomagogovi, avo vakamunamata. ²⁰ Naapo Vamuitira jee, vakamuvisa jira rakapsuka vakamusimija zvokusimira zvake, navo wakamutora kuenda naye kunja, kuitira kuti vamukohomere. ²¹ Navo vakavangirija umwene waipinda ndiponapo, waiva kundharaundha kuti atware muchinjiko waJesu. Zina rake raizwi Simon woCirone (Baba vaArekizanda na Rufu). ²² Masoja akatora Jesu kuenda naye kundau ino dainjua kuGolgota, yaida kunanga kuti dendenha ngokhomucho. ²³ Navo vakamupa vini yakakumijwa no mumera, ngokudaro aazivi kurimwa. ²⁴ Ngokudaro vakamukohomera vakapaurirana zvokusimira zvake, vakakhandirirana choro kuti vavone kuti umwe naumwe ungaachirenhi. ²⁵ Yainga nguva yochitato yovakamukohomera ndiona. ²⁶ Nechitarwa chendava yake chaiti: "MAMBO WEVAJUDA". ²⁷ Jesu wakakohomerwa pamwepo nombava mbiri, imwe ngorumuhoko murwo no imweni ngokuboswe kwake. ²⁸ Nomatarwa akazarisika anoti: "wakaverengwa pamwepo novachaichi" ²⁹ Naavo vaidarika ndiponapo Vaimutukira, vechijuguja musoro javo vechiti: "Aa! iwewe ndiwe unoparaja teperi nokurivakazve ngomazuva matatu, ³⁰ Jiponese ujuke kuva pamuchinjiko". ³¹ Vakaitavo kudaro, vapristi vakuru Vaimuitira jee pakati pavo, nevatari, vechiti: ''Iyena wakaponesa vamweni, aakwanisi kujiponesa. Ngokuti ³² Cristu, Mambo wovaiziraeri, ngaajuke kuva pamuchinjiko, kuti tivone titende".Naavo vaakakohomerwa navo Vakamutukavo. ³³ Kutangira panguva yochitandhato, kwakavia chidima pakati ponhika yese mbhera panguva yochifumbamwe. ³⁴ Panguva yochifumbamwe, Jesu wakadainjira ngo izwi guru echiti: ''Eroi, Eroi, Ramasabakatani?'', zvaida kunang kuti, ''Mwari wangu, Mwari wangu, mazondisiirenhi ndega?'' ³⁵ Novamweni vainga varipo vakazvizwa vakati: ''Izwanhi unodainja Elija". ³⁶ Umwe wavo wacagogoma, akazaja chiponji ngovini rinorungura, wakaridira pamusoro pomuponda akamupa kuti amwe. Nomundhuwa wakati: "Regeranhi tivone kuti Elija unovia here kuzomujusa pasi". ³⁷ Naapo Jesu wakadainjira ngo izwi guru nokudaro wakafa. ³⁸ Nojira romuteperi rakavaruka ngopakati, kutangira mudenda mbhera pasi. ³⁹ Naapo nduna yozana yainga yakaima phedo Naye, yechimuona kudaro, kuti wafa yakati: "Chokwadi Mundhu Uwu wainga Mwana Wamwari". ⁴⁰ Painga nomajimai aisotesesa aringondhambo. Pakati pavo painga naMaria Madarena, Maria (mai va Jakobe, mudoko, Josefa) na Sarome. ⁴¹ Naapo Iyena vai muGarireya, ivona Vaimutevera Vechimuchandira. Vakaji vazinji vamweni vakaendavo naYena kuJerusarema. ⁴² Naapo roteuka zuva, ngokuti raiva Zuva roKunasirira, ndizvona izvi, rokwedera Sabatha, ⁴³ Josefa wo Armateia wakaenda mbhesa ikonaio, Uwo Mundhu gwetha waireremejua, naye waimirira uMambo rwa Mwari. Wakaenda kuna Pirato ngokuchunga wakakumbira muviri wa Jesu. ⁴⁴ Pirato wakachamisika ngokuti Jesu wainga afa; napo wakadainja kwaari ndona yozana akavunjisa kuti watofa. ⁴⁵ Naapo Pirato azwa ngonduna yozana kuti Jesu wafa, wakapa muviri kuna Josefa. ⁴⁶ Josefa wakatenga jira rakachena. Akamujusa pasi, Wakamupetera mujira, Akamuiga muguva rakachechua pa buwe. Ngokudaro, wakamburumbuja buwe akaridira padera po guwa. ⁴⁷ Maria Madarena naMaria, mai vaJosefa, vakavona ndau yakavigua Jesu.