¹ Loko ku hunzile ma siku ya thlanu na gimwe, Jesu a teka Pita na Tiyago na makwenu wa yena Johani, a ya na vona a tsaveni leyi yo leha va hi voche. ² A hundzuka mahlweni ka vona; ngohe ya yena yi hatima kukotisa gambo, na zvona zviyambalo zva yena zvi hundzuka lezvo basa zvi vangama kukotisa ku vonakala. ³ Hi nomu Mozisi ma Eliya va humelela kwalaho, va valavula na yena. ⁴ Hikokwalaho Pita a ku ka Jesu: "Hosi, zvi sasekile loko hi hi kwalaha, loko u zvi rhandza ni nga yaka muntsonga munharhu kwala, umwani wa wena, umwani wa Mozisi, umwani wa Eliya". ⁵ A Ku a ha vulavula, papa lero vangama gi humelela, gi va funigeta, kutani ku twala rhiti legi gi humaku a papeni, gi ku: "Loyi i mwananga a rhandziwaku, loyi nimu tsakelaku. mu yingiseni'. ⁶ Loko vadjondzisiwa va twa rhiti lego va wa hi tingohe, va chava ngovu. ⁷ Kambe Jesu a va tsinelela, a va khumba a ku: "Sukani u nyima, mu nga chavi". ⁸ Loko va thlakusa mahlo a va vonanga chumu, handle ka Jesu. ⁹ Loko na va xhika a thlaveni, Jesu a va laya a ku: "Mu nga tsuki mu bwela vanhu lezvi mu nga zvi vona, ku za mwana wa munhu a ta va a vukile a ku feni". ¹⁰ Vadjondzisiwa vakwe va vutisa va ku:Hikwalaho ka yini vatsali va bala zvaku Elia u fanela ku rhanga a ta?" ¹¹ Jesu a hlamula a ku: Kunene Elia wa ta, kutani u ta tlhela a lulamisa hukwazvo. ¹² Kambe na mu bwela lezvaku Elia u tile, tsena a va mu tivanga, kutani va mu endlile hikwazvo lezvi va zvi rhandzaku. Hi mukhuvo yalowo, va ta twisa na yena mwana wa munhu a ku vaviseka". ¹³ Vadjondzisiwa va twisisile lezvaku a va hlambanyisa hi ta Johani Batista. ¹⁴ Kama vona va nga fika na chitsungu, munhu a ta ka yena, a ta kidzama hi madzolo, a ku: ¹⁵ "Hosi, wu nga twela mwana wa mina usiwana, hiku u chanisiwa ngovu hi zvitshetshele, kanyingi u wele a ndzilweni, ne le matini. ¹⁶ Ni mu tisile ka va djondzisiwa va wena, kambe va tsandzekile ku mu hanyisa". ¹⁷ Jesu a hlamula a ku: "Ha, lichaka leri nga vumelaku legi go homboloka ni ta va na mwina ku fika rhini ke? Mutiseni lenu".

¹⁸ Jesu a hlamula a dimoni legi ngi nga huma ka mwaa, loyi a nga hanyisiwa ka kama luwa. ¹⁹ Hikokwalaho a vadjondzisiwa va ta ka Jesu hi thlelo va ku: "Hina hi tsandzekela yini ku mu hlongola?"

²⁰ Jesu a ku ka vona: "Hikwalaho ka ku tsana ku vumela ka mwina; Ni tiyisile no ka mwina: loko mu hi na ku vumela ka ku rhingana na ndzholo ya murhi wa sinapi, mu nga ku ka tsava leyi: 'Rhurhela lahaya.' kutani u ta rhurha, ku hi hava lechi chi mu tsandzaku. ²¹ [Dimoni ga nso a ngi humi loko ku nga hi ku khongela na ku ti tsona zvakuga]. ²² Loko vona va hi Galelia, Jesu u te ka va djondzisiwa va yena: "Mwana wa munhu u ta nyiketiwa a mavokweni ya vanhu ; ²³ Va ta mu dlaya, kambe u ta thlela a vuka a ku feni hi siku ga vunharhu". Vadjondzisiwa va twa ku vaviseka. ²⁴ Loko Jesu na vadjondzisiwa va fika a Kafaranau, va tsinela ka Pita lava va hlengisaku a hlengo wa Tepele va ku: "Mufundisi wa mwina a nga humesi hlengo ke?" ²⁵ Yena a Hlamula a ku: "Ina, yena wa henga". Loko Pita a ngenile dlwini, Jesu a tekela ku mu vutisa a ku: "u anankanya yini Simoni?

Tihosi ta musava ti luvisa kumbe ku thelisa va mani? I vana va tona kumbe i vanhu va le handle?"

²⁶ Pita a ku ka yena: "I vanhu va le handle," Jesu a ku ka yena: "Loko zvi hi tano vana va tona a va hlelisiwe. ²⁷ Kambe ku endleha lezvaku hi nga va khunguvanyisi, yana lwandle, u ya rhingela; kutavi chidluwani lechi u to khoma, chikhome u chi vula a nomo. U ta kuma male kona. Yi teke u va nyika yona, u humesela mina na wena."