¹ Loko Jesu a hetile ku lerisa vadjondzisiwa va yena lava va khume na vambirhi, a suka kwalaho, a ya djondzisa na ku twarisa evangeli a mutini ya vona. ² Johani a hi khotsweni, a twa ta mutirho ya Krist, kutani a rhuma vadjondzisiwa vamwana va yena, ³ va ya vutisa Jesu, va ku: "Hi wena loyi va ngo wa ta, kumbe ha ha langutela mwana ke? " ⁴ Jesu a hlamula a ku ka vona: "Fambani, mu ya rungulela Johani lezvi mu zvi twaku na lezvi mu zvi vonaku: ⁵ Lava vofa matihlo va tlela va vona, zvilema zva famba, vanhlokolo va basisiwa, lava vofa tindleve va twa, vafi va vuka, zvisiwana zvi byeriwa muhungu lamanene. ⁶ Ku katekile loyi a nga a to ka a nga khunguvanyeki hikwalaho ka mina". ⁷ Loko vona na va sukile, Jesu a sala a vulavula ni Johani a ku ka chitsungu: "A mu ya ma vona yini a mananga? A lihlanga na li tsekatsekisiwa hi moya ? ⁸ Loko zvihi zvezvo a muya ma vona yini? A a hi munhu loyi anga ambalile zvo saseka ngovu? Vonani lava va ambalaku zvo saseka vele ti dlwini ta vahosi. ⁹ Kumbe ni bwleni, a muya ku ya vona yini ke? A muprofiti? Ina, a a hi yena, na ku tlula muprofiti. ¹⁰ Hi yena loyi ku nga tsaliwa ta yena loko va te: 'Vona na rhuma tsumi ya mina a mahlweni ka wena, yi ta ku rhangela mahlweni, yi lungisa ndlela ya wena.' ¹¹ Hi tiso no ka mwina: a ka vanhu lava va tswaliwaku hi vavasati, a ku humelelanga loyia tlulaku Johani Batista; kasi loyi a nga tsongo ka hikwavo a fumweni wa matilo i kulukumba ka yena. ¹² Ku sukela ka kama wa zvezvi ku ngeniwa a fumweni wa matilo hi ku tiyisa matimba, kutani va matimba hi vona lava va titekelaku. ¹³ Vaprofiti hikwavo na vatsali va nawu va humbile lezvi zvi nga ta humelela ku khondza loko Johani a fika. ¹⁴ Kutani loko mu yamukela ma rhiti lawa , Johani hi yena Elia a nga fanilela ku ta. ¹⁵ Loyi a nga na tindleve a yingise. ¹⁶ Hikokwalaho vanhu vama siku lawa ni nga va fananisa na yini ke? va fava nazvi hlangi lezvi huhaku a tsendzeleni, ¹⁷ zvi huwelelaku na zvi ku: 'Hi mu chayela nanga, kambe a mu chinanga hi yimbelelile tisimu ta mahlomulo, kambe a mu rhilanga'. ¹⁸ Johani u tile na a nga dli na a nga puzi, hikokwalaho va ku: 'U na dimoni'. ¹⁹ Mwana wa munhu u tile na a dla , na a puza, kutani va ku: 'Chukani munhu wa makolo hi loyi, wa chidakwa, loyi a twananaku na valuvisi ma vadjohi kambe utlarhi ga Chikwembu giti komba gihi lego lulama hi mutirho ya gona.' ²⁰ HIka kama yalowo Jesu a sungula ku sinya a mu muti leyi a nga yendla mahlorhi ya yena, hi mhaka ya lezvi zvi nga hundzukeki, a ku ²¹ " U na khombo wena Korazim! na wena Betsaida ! hiku mahlorhilawa ma nga yendliwa hi chikarhi ka mwina loko mahendliwe a Tiro na Sidom, inge muti leyi yi hundzukaku khale , yi ambalile lezvo khazvo, yi tsamile a ka makhuma. ²² Loko zvihi zvezvo na mu bwela lezvaku hi siku ga ku avanyisiwa, muti wa Tiro na Sidom yi ta vevukiseliwa ku tlula mwina . ²³ Na wena Kafernamu, ku u ta fika a tilweni ke? u ta tsongahalatiwa ku fikela a tiheleleni; hakunene mahlorhi lawa wa nga hendliwa ka wena loko u nga ma endleli a Sodoma, inge muti lowu nyamutla wa ha hi kona. ²⁴ Nambi zvihi chitano na ku bwela lkezvaku, tiko ga Sodoma gita vevukiseliwa ku tlula wena". ²⁵ Ka kama yalowo Jesu u valavulile aku: "Naku khesa bava, hosi ya matilo na musava, hiku ti mhaka teto, u tifikele lavo tlhariha na lava mano, kambe u tihlaulele ka lava vatsongwani. ²⁶ Ina bava u zvi lavisile zvezvo. ²⁷ Bava u vekile zvilo hi kwazvo a mavakweni ya mina kutani na loyi a tivaku mwana, loko a nga hi bava na zvona kuhava loyi a tivaku bava, loko a nga hi mwana, na loyi mwana a lavaku ku chavutela bava ka yena. ²⁸ Tanani ka mina mwina hikwenu munga karhala, ni lava va tikeliwaku ni ta mu wisisa. ²⁹ Rhwalani joko ya mina, mu djondza ka mina, hiku ni na mbilu yo rhula na ya titswalo, kutani mu moya ya mwina yi ta kuma ku wisa, ³⁰ Hiku joko ya mina ya olova, na ndzhawalo wa mina wa vevuka".