¹ "Mina ni sinya wa tiso, bava wa mina mu rhimi. ² A dzavi gimwani nagi mwani go kalaku ginga twsali, yena wagi tsema; ende a dzavi gi twsalaku, yena wagui pukutsa, aku gi twsala ngovu. ³ Se mu basile hi rhiti legi mina ningamu bwelile. ⁴ Tsamani muhi ka mina, mina ka mwina. Kufana na dzavi agui twsali hi goche loko gi ngahi ga sinya, asi na mwuna amu ngata maha, loko munga tsami ka mina. ⁵ Mina ni sinya, mwina, muma dzavi. Loyi ato tsama ahi ka mina ende mina ka yena, loyi u ta twsala ngovu, hiku kuyi hava mina kuhava mu ngachi mahaku. ⁶ Loko mumwe anga yali ahi ka mina, uta lahliwa kuyendla yenge yi dzavi, wa homa, ende ama dzavi lawa wa tekiwa ma hochiwa ka ndzilo ma hisiwa. ⁷ Loko mu tsama muhi ka mina, nama rhiti ya mina ma tsama mahi ka mwina, muta kombela lezvi muzvi lavaku, muta zvi maheliwa. ⁸ Bava wa mina vakulisiwa hi lezvi: "Aku mutwsala ngovu; aku mu kombisa aku muva djondzisiwa va mina. ⁹ Ku fana na bava angani rhandza, na minavo nimu rhandzile.

Tsamani ka li rhandzo la mina.

¹⁰ Loko namu ngwalela amu nau ya mina, tsamani ka li rhandzo la mina; Lezvi mina ninga tsama ka mu nau ya bava wa mina na ka li rhandzo la yena nita tsama. ¹¹ Lezvi mina ninga mu bwela zvilo lezvi aku aku tsaka ka mina aku tsame ka mwina, ende ku tsaka ka mwina kuva kahle. ¹² Lowu hiwo nau wa mina: aku mu rhandzana lezvi mina ni nga mu rhandza . ¹³ Kuhava na munwe angana li rhanzdo la hombe ku hlula loyi a nyikelaku va ngana vakwe a utomi gakwe. ¹⁴ Mwina muva ngana va mina, loko mu maha lezvi mina nimu bwelaku. ¹⁵ Anahamu vitani vatirhi, hiku a mutirhi angazvitivi zvi mahiwaku hi Hosi yakwe. Mina nimu vitanile ku vangana, hiku hikwazvo ningazvitwa ka bava wa mina nimu tivisile hikwazvo. ^{16 17} Mwina amuni khetanga; kambe mina niketile mwina aku muya tswala zvibeleko, aku zvi beleko zvamwina zvi tsama, aku bava amunyika hi kwazvo loko mukombela hi vito ga mina. Lezvi nimu bwelaku: Rhandzani vamwani va mwina. ¹⁸ Loko tiko nafimu zonda, tivani zvaku yini zondile yingaso zonda mwina. ¹⁹ Yingaku muva tiko, a tiko agi tamu rhandza kavo muva tiko; mara hiku mwina amuva tiko, ende mina ni khetile kumu kipa ka tiko, hi mhaka ya lelo a tiko gimu zonda. ²⁰ Hleketani a rhiti legi mina ningamu bwela na niku: 'Achi tirhi ahi cha hombe ka Hosi ya chona'. Loko va hlupha mina, vata hlupa na mwinavo; loko va twisisile a rhiti ga mina, vata twisisa naga mwinavo. ²¹ Vata maha muchumu leyi hikwaho hi mhaka ya vito ga mina, kambe avamu tivi loyi angani rhuma. ²² Yingaku ani vuyanga ende ningava bwelanga, ava tanga vanga djohanga; kambe zvezvi kuhava ku rhivaleliwa hizvi djoho zva vona. ²³ Loyi ani zondaku, u zonda na bava wa mina.

²⁴ Loko aku ani mahanga mutirho leyi phakati ka vona lezvi zvo kala zvingaso mahiwa himu mwani munhu, ava tanga vanga djohanga. Zvezvi va vonile nakuni zonda mina na bava wa mina. ²⁵ Kambe zvi mahiwe aku a rhiti ginga tsaliwa ka nau wa vona ku gi mahiwa: 'Vani zondile kuyi hava mhaka'. ²⁶ Loko kuvuya amu mbuwateli loyi nitomurhuma ka thlelo ga bava, a moya wa tiso, u humaku ka bava, u tani fakazela. ²⁷ Na mwina vakazani, hiku amuhi na mina aku sunguleni.