¹ Ipapo Jakobho akapfuurira mberi norwendo rwake akasvika kunyika yavanhu vokumabvazuva. ²  Ikoko akaona tsime musango, namapoka matatu amakwai avete pedyo naro nokuti makwai ainwiswa patsime iroro. Ibwe rakanga riri pamuromo wetsime rakanga riri guru.  Mapoka ose aiti aungana ipapo, ³ vafudzi vaikungurutsa ibwe kubva pamuromo wetsime vachinwisa makwai avo. Ipapo vaizodzorera ibwe panzvimbo yaro, ipo pamuromo wetsime. ⁴ Jakobho akabvunza vafudzi akati, Mabvepiko, hama dzangu? Ivo vakapindura vakati, Tabva kuHarani. ⁵ Iye akati kwavari, Munoziva Rabhani, muzukuru waNahori here? Vakapindura vakati, Hongu, tinomuziva. ⁶  Ipapo Jakobho akavabvunza akati, Anofara here? Ivo vakati, Hongu, anofara uye hoyo mwanasikana wake Rakeri ari kuuya namakwai. ⁷ Iye akati Tarirai, achiri masikati haisati yava nguva yokuti makwai aunganidzwe. Nwisai makwai mugoadzosera kumafuro. ⁸ Vakapindura vakati, Hatigoni kudaro kusvikira mapoka ose aunganidzwa uye ibwe rakungurutswa kubva pamuromo wetsime. Ipapo ndipo patinozonwisa makwai. ⁹ Paakanga achiri kutaura navo, Rakeri akasvika namakwai ababa vake, nokuti akanga ari mufudzikadzi. ¹⁰  Jakobho akati achiona Rakeri mwanasikana waRabhani, hanzvadzi yamai vake, uye namakwai aRabhani, akaendapo akandokungurutsa ibwe kubva pamuromo wetsime ndokubva anwisa makwai asekuru vake. ¹¹ Ipapo Jakobho akatsvoda Rakeri akachema zvikuru. ¹²  Uye akaudza Rakeri kuti iye akanga ari hama yababa vake uye ari mwanakomana waRabheka. Saka Rakeri akamhanya akandoudza baba vake. ¹³ Rabhani akati angoudzwa mashoko pamusoro paJakobho, mwanakomana wehanzvadzi yake, akakurumidza kundosangana naye. Akamumbundikira, akamutsvoda akamuuyisa kumba kwake, uye ipapo Jakobho akamuudza zvose izvi. ¹⁴  Ipapo labhani akati kwaari, Iwe uri babvu yangu nenyama yangu neropa rangu. akawa naye mwedzi umwe. ¹⁵ Rabhani akati kwaari, Ungandishandira usingapuwi mubayiro nokuda kwokuti uri hama yangu here? ¹⁶ Ndiudze kuti mubayiro wako unofanira kuva. Zvino Rabhani akanga ana vanasikana vaviri; zita romukuru rainzi Rea uye zita romuduku rainzi Rakeri. ¹⁷  Rea akanga ana meso akaneta, asi Rakeri akanga ane chimiro chinoyevedza uye akanaka kwazvo. ¹⁸  Jakobho aida Rakeri uye akati, Ndichakushandirai kwamakore manomwe mugondipa Rakeri mwanasikana wenyu muduku. ¹⁹ Rabhani akati, Zviri nani kuti ndimupe kwauri pano kumupa kuno mumwewo murume. Chigara hako pano neni. ²⁰ Saka Jakobho akashanda kwamakore manomwe kuti awane Rakeri, asi akaita samazuva mashoma chete kwaari nokuda kworudo rwake kwaari. ²¹ Ipapo Jakobho akati kuna Rabhani, Ndipei mukadzi wangu. Nguva yangu yakwana uye ndinoda kuvata naye. ²² Saka Rabhani akaunganidza pamwe chete vanhu vose venzvimbo iyo akaita mutambo. ²³ Asi akati ava madekwana, akatora mwanasikana wake Rea akamupa kuna Jakobho, Jakobho akavata naye. ²⁴  Uye Rabhani akapa Ziripa murandakadzi wake kumwanasikana wake kuti ave mushandi wake. ²⁵ Kwakati kwaedza mangwanani wanei ndiRea! Saka Jakobho akati kuna Rabhani, Chiiko ichi chamaita kwandiri? Ndakashandira Rakeri, hazvisirizvo here? Seiko mandinyengera? ²⁶ Rabhani akapindura akati, Haisi tsika yedu kuno kuti mwanasikana muduku atange kuwanikwa mukuru achigere kuwanikwa. ²⁷  Pedzisa vhiki youmwenga yomwanasikana uyu; ipapo tichazokupawo muduku shure kwokushandira mamwe makore manomwe. ²⁸ Uye Jakobho akaita saizvozvo. Akapedza vhiki naRea, uye ipapo Rabhani akamupa mwanasikana wake Rakeri kuti ave mukadzi wake. ²⁹  Rabhani akapa murandakadzi wake Bhiriha kuna Rakeri kuti ave mushandi wake. ³⁰  Jakobho akavatawo naRakeri uye aida Rakeri kupfuura Rea. Uye akashandira Rabhani kwamamwe makore manomwe. ³¹ Jehovha akati aona kuti Rea akanga asingadikanwi, akazarura chizvaro chake, asi Rakeri akanga asingabereki. ³²  Rea akava nemimba akabereka mwanakomana. Akamutumidza zita rokuti Rubheni, nokuti akati, Jehovha akaona kutambudzika kwangu. Zvirokwazvo murume wangu achandida zvino. ³³ Akabatazve pamwe pamuviri, uye akati abereka mwanakomana, akati, Nokuti Jehovha akanzwa kuti handidikanwi, akandipa uyuzve. Saka akamutumidza Akabatazve pamwe pamuviri uye akati abereka mwanakomana, akati, ³⁴ Zvino pakupedzisira murume wangu achabatanidzwa neni, nokuti, ndamuberekera vanakomana vatatu. Saka akamutumidza zita rokuti Revhi. ³⁵ Akabatazve pamwe pamuviri uye paakabereka mwanakomana, akati, Nguva ino ndicharumbidza Jehovha. Saka akamutumidza zita rokuti Judha. Ipapo akaguma kubereka vana.