¹  1 Ma sacerdote aya massoko nganu imwepo. ² Mungalamba kubva, muchilamba kukoiya mumoio manu mumba gala massoko yamulungu, alonga ndi MULUNGU wankondo, handimukomboleri munthu weneiyo, namakomolero yache ense. Endefuti, handi kakucombolerini thangue hamukoi massoko yangu mumoyo manu. ³ Ine ndichalaira mbeu zanu, ndicha muwaza manhalala padzaulu pankope zanu, manhalala ya kufala kuwanu, naiyo mucha chinjiwa. ⁴ Galani muchidziwa kuti ndakutumirani aya massoko, ndiko kuti massoko yangu yalemequedzwe, alonga ndi MULUNGU wankondo. ⁵ Kupika kuangu kuaenda na iye na mutontholo, yangu ndamupassa kuti pauye nakutetemeka, adhauya nakutcha pamber padzina langu. ⁶ Chokuadhi chikalipo mumulomo mache, alibhe kufunga kuti apundizwa pamulomo pache; iye akafamba na ine namufalo, adhatenderussa wakawanda wakana zvitadzo. ⁷ Thangue massoko ya mulungu yanadha kukoiwa na mulomo wa sacerdote, na mulomo wache ngakoiye mutemo; thangue iwe ndiye mutumwi wa MULUNGU wankondo. ⁸ aoManji imwepo matsaika mungira; Muwaitissa kuti wazinji watsaike pamutemo; mafudza kupikuwa kuwa mutemo, alonga ndi MULUNGU wankondo. ⁹ Na thangue linero inephano ndakuitissani wakucholeka pamber pa wense wanthu, thangue hamuna kukoya mutemo wangu, maita kudha kuwa wantho. ¹⁰ Naa lsahHatina tense bhabha mubhodzi? Hassi mulungu mubhodzi adhatifuya? Thangue ranhi, ndepo, nheperana mubhodzi na mubhodzi paubhale pathu, kuchola mutemo wabhabha wathu? ¹¹ Madjuda wambauya na utsotsi ukaitika kunhika ya Israel na nhika ya Jerusalem; thangue madjuda wanachola massoko ya MULUNGU, wache iye ambadha, Adhalola mwana wa mulungu unango. ¹² MULUNGU anakubhulissa Mumadembe ya Jaco kuwa wanthu waita zinezvo, na kuna wanadaira, na wanaunza chakupereka kuna MULUNGU wankondo. ¹³ Mudzaite chinthu ichi chachiwiri: Mufukidze nhumba ya MULUNGU na massozi, endefuti na kutetemwka; Thangue renelo iye hakutetequerini munga pereka chakupereka kuna mulungu zvamunabata namanja yanu. ¹⁴ amMumbalonga: Thangue ranhi? Adhakala mudhairiri waiya na mukadzi wau wanawache, kuna wenewale wache adha nhepera, kukala iye mutewerer, na mukadzi wa mutemo wache. ¹⁵ Halibhe kuita iye bhassi, unano akachota mweya? Thanguranhi mubhodzi? Kuti mutsague dzinza la mulungu. Muchengute thangue mweya yanu, palibhe ne mubodzi manumulipopa ana ana phonhera mukadzi wauwana wache. ¹⁶ Thangue MULUNGU wa israel alonga kuti ambazonda kulambana, na amba fuquiza nguwo zache za ubhomdi, alonga ndimulungu wankondo. Mukoie thangue mweya wanu uleque kutadzira mulungu. ¹⁷ Netessani MULUNGU na massoko yanu. Endefuti mulonge: zvimbakunetessani? Mungalonga kuti zvense zvimba itissa malu manji muche kumatso ya MULUNGU, zvimbamufadza iye; penango: Alikupi mulungu wanzeru?