¹ Kutuala ku vipanga via vantu va Kalunga va kujela, kohethi konda yonji mithonena. ² Nji nezhiva kutuala kulievi viomua yongola, Evi vionja lishangalele kuvantu vamu Mesandonia. Nja valekele nguange Akayi uakela mu kulivuahethela kutunda muakauali. Kuli kaniameka kueni kua koletha vavengi mukupanga. ³ Ngeci ange Nji natumu vamunanana linga kulishangala kuetu kutuala kuliove keti kupaye, linga lalo ukale una livuahethela, ngue mo Nja kuaniene mokakala. ⁴ Keti ngoco, nga umo ua va Mesondonia eja kumo nange na ku ku uana koua livuahethelele, tukalithsa shuama-Nji handeka viahi kuliove-mukukala na luthselelo muliyove. ⁵ Keho nja thinganiekele nguange vili theho kukoletha vamunanana kuija kuli yove na kulivuahethela uachimo ku vuana voua likuminia. Evi linga vikakale vinapumo ngue chivezhikitho, na keti ngue vimo vije via kuviha. ⁶ Lijui ni lino: Uje a kuna via vindende a jangula lalo viavindende, na uje a kuna viavingi a ka jangula viavingi lalo. ⁷ Nkalo ou ahane ngue muana livuahethela mumbunge yendi, keti mukuetheketha ndi muinthsi lia kufuila, vuno Kalunga uayongola muntu uje uashangala kuhana. ⁸ Mukemo Kalunga endi kuatha kulingitha vumpahu vushumpoke omo liove, linga nguavo, mu vilinge vioshe, ukale na vioshe viutonda. Evi kulingila linga uvuezhelele ko ku vipanga via vuchili. ⁹ Ngechije mova thona: "Endi ua pangazhela vufuko vuendi na kuhana ku vihana vahutu. Vushunga vuendi vua kalelelaho miaka yoshe yayaye." ¹⁰ Uje a kahana mbuto ku ndimi uje a kuna na mbolo ya kulia a kahana na kuvuezhelela mbuto yove ya kukuna. A kavuezhelela kujangula kua vushunga vuove. ¹¹ A ka kufukitha muvingila vioshe linga uthsimane. Evi vika nehetha kuhana vishangala kuli Kalunga kuhitila mulietu. ¹² Mu kupanga vipanga evi kovia puithilemo lika viyongola via vantu vakujela va Kalunga, vuno vileketha vuhama vua kuhana vishangala kuli Kalunga. ¹³ Mukonda lia kumietheka na kumikuatethako ku vapanga evi, neni muka shangala Kalunga ha kuononoka ku kuitava kueni ku muzhimbu ua Kilistu. Uka shangala luhua Kalunga omo lia vuhame vua vuana kuliavo na ku nkala umo. ¹⁴ Va kuthetela, avo lalo vaka kulombelaho. Vapanga evi mukonda lia vuhame vuakama vua Kalunga ovu vuli mulieni. ¹⁵ Kushangala kukale kuli Kalunga kuvuana vuendi vua kupulakana!