¹ Ngoco Nja hanguile mutamba uange vavenia nguavo ku nji keja lalo kuli yeni havinthsimbu viaku mivavaletha. ² Nga njakuvuitha kuvavala, yiya atha kunji joletha vuno ou vene yo njovuithile kuvavala. ³ Nja thonene ngue mu Nja thonene monjezhile kuliyove kuatha Nji jeneke kunji vavaletha kuli vaje te nga vanji nehela kuvuahelela. Njina mithselela muvoshe nguavo kuvuahelela kuange kukeko kuvuahelela komuli nako. ⁴ Omo njami thonenene muvitanga viakama-kama, na kukaniama kua mbunge, na mishozhi yayingi. Te nga, Nja miyonguele muizhive kochapua chilemo change kulieni. ⁵ Nga kuli umo aneha kuvavala, ka kunehela lika kuli yange, vuno kukuetheka kumo-keti kuvihaka vikale viavikalu muakama-kuli yeni voshe. ⁶ Aka kashitiko kauje muntu ku vantu kana uania. ⁷ Keho ngeci munthsimbu ya kashitiko, munapande kuecela na ku muzhembazheka. Vipangeni evi linga keti ashule na mishozhi. ⁸ Keho Nji mikaniameka mukuatetheko kumbunga chilemo cheni kuliyendi. ⁹ Evi vikevio vionja thonenene, linga njathe kumietheka na kuizhiva nga mukatolilila muvioshe. ¹⁰ Nga uechela nkala ou, nange njina muechela muntu ouo. Evi vionji nechela-nga njinechela vimo-njina viechela mukonda lieni mu kukalaho kua Kilistu. Kulingila linga Satana keti a ka tukuithe. ¹¹ Mukonda etu kotuethi na thembulule na vutumbe vuendi. ¹² Chikolo vanji shouelelele cho kuli Muene monjezhile kuimbo lia Toloua mukuambulula muzhimbu ua Kilistu kuje. ¹³ Kunja liuvuile vuino mu Sipilitu yange mukonda konja uanene munanana Titu kuje. Keho Nja vathile nakuya ku Masendnia. ¹⁴ Vuno kushangala kukale kuli Kalunga, uje muli Kilistu nkalaha a ka tu tuamenena mu kuvula. Muliyetu ua shanduela vutume vua kutovala vua mana endi kuoshe. ¹⁵ Mukonda etu kuli Kalunga tunapu vutume vua kutovala vua Kilistu, Voshe kuli ava va vovola nakumo navaje vakela mukuthsa. ¹⁶ Kuvanru vakela mu kuthsa, yikeyo mpunzhi yakuthsa na kuthsa.Kuli vaje vavali nakuohiela, yikeyo mpunzhi ya muona na muono. Yiyaho aliho na shilivilo hakati kavo? ¹⁷ Konda etu kotua lifuile na vantu vavengi vaje vaka landetha lijui lia Kalunga mu ku uanenamo kuavo. Te nga, na kushungama kua vutumbe, tuhandeka muli Kilistu, ngue mova tutuma kutunda kuli Kalunga, mumesho a Kalunga.