¹ Eyi ikeyo nthimbu ya mu chitatu njija kuli yeni. "Nkala yoshe kutameka ku vuchili vua vumbangi vua va vali ndi vatatu." ² Nja handeka navo laja kuli voshe vapanga mulonga kulutue na kuli voshe munja yile lua muchivali, keho nja vi handekele lalo: Mo nji keja lalo, konja ku vovuila ngozhi. ³ Njimi leka evi mukonda muthetela vumbangi vua Kilistu vua handekele kuhitila muli yange. Endi keti muntu umo ua kutheya kuli yove. Vunoni, endi mukua nthili muli yove. ⁴ Vuno endi vamu shukikile mu kutheya, vunoni endi ayoya mu nthili ya Kalunga. Vuno ngechi ali na nthili, vuno etu tu novoka nendi ha nthili ya Kalunga yili netu. ⁵ Lihule ove vavenia, u tale ambe uli mu luthselelo. Liethekeni eni vavenia komu li thinganieka eni vavenia, ngueni Yesu Kilistu ali muli yeni? Mpano, keho mukemo, eni mpano via mihona ku vietheka. ⁶ Keho ange njina thselela nguangue mu vizhivuka nguavo kotua honouele kuetheka kuje. ⁷ Ngeci etu tuvundila kuli Kalunga nguavo keti upange lalo via kuviha. Konji lombela nguavo tufue ngue tuahita kuetheka, njilomba nguavo mupange vije viashungama, nambe omu natu nalifu ngue kotua hitile kuetheka kuje. ⁸ Etu kotuatha kupangako navimo viahi muku lishevuka na vushunga, vuno mukonda lia vushunga. ⁹ Etu tuka jolela ambe tunazheye ove cho ukaniame. Tu kalombo lalo nguetu vakulinge ukale ua kushula. ¹⁰ Njithona evi vilinge oku ange njili hale kuli yeni linga omo njikala neni keti njikale muntu ua mukalu mu kupangetha nzhili yange-eyi yahana muene kuliyange linga njathe kukutunga, mukemo ketu ku kutavuila hanthsi. ¹¹ Kumanetha, vamunanana, joleleni! Pangeleni kukala muvavaha, kaleni muna kaniama, litaveni umo na mukuavo, yoyeni mu chiyulo. Keho Kalunga uje ua chilemo na chiyulo a ka kala neni. ¹² Likundeniho umo na mukuavo na kuthsemba kua kujela. ¹³ Voshe vantu va Kalunga va kujela vana mikundu. ¹⁴ Kavumbi ka Muene Yesu Kilistu, na kulipandakana kua Sipilitu ya kujela vikale neni.